Fréttablaðið - 08.10.2004, Blaðsíða 46

KNATTSPYRNA „Þetta er eðlilegur
hluti af okkar starfi og ég þarf
ekkert að verja eða réttlæta þessa
ákvörðun,“ segir Eggert Magnús-
son, formaður Knattspyrnusam-
bands Íslands. Sambandið notaði
tækifærið vegna ferðar íslenska
landsliðsins til Möltu og bauð
þangað öllum formönnum knatt-
spyrnufélaganna í Landsbanka-
deildinni til fundahalds. Kostnað-
ur KSÍ vegna þessa er vart undir
400 þúsund krónum.
Eggert segir tíma til kominn að
formenn félaganna setjist niður
fjarri öllu öðru og beri saman
bækur sínar um framtíð íslenska
boltans og hvað megi betur fara.
„Þau málefni sem við ræðum
þarna úti verða um knattspyrnuna
á breiðu sviði. Hvernig bæta megi
boltann og samræma hugmyndir
þar um. Hvaða hugmyndir menn
hafa um nýliðið keppnistímabil og
það næsta og hvernig fjölga megi
áhorfendum. Það er alltaf pláss
fyrir góðar hugmyndir og ég á
von á fróðlegum fundahöldum.
Starf okkar snýst um að gera hlut-
ina betur frá ári til árs og þetta er
hluti af því ferli.“
Eggert segir það venju að fara
út fyrir borgina þegar menn vilji
frið og ró til skrafs og ráðagerða
og að ferðin til Möltu sé einungis
tilkomin vegna þess að í vélinni
sem flytji landsliðið beint út
hafi verið næg sæti og því
kjörið að grípa tækifærið.
„Við þurfum að halda fund og
við höfum áður farið út fyrir
landsteinana enda er brýn þörf
á að koma sér frá því umhverfi
sem við erum allir í dags dag-
lega. Það er alveg bráðnauðsyn-
legt að fundir sem þessir séu
haldnir með viðkomandi formönn-
um til að menn kynnist og fái
betri yfirsýn.“
Eggert vissi ekki hver kostnað-
ur KSÍ vegna fundahaldanna yrði
en heimildir blaðsins herma að
flug og gisting sé vart undir 60
þúsund krónum. Þá er ótalinn ann-
ar kostn-
aður sem
g j a r n a n
fellur til
v i ð
f u n d a -
höld.
FLOTTUR Á ÞVÍ
Eggert Magnús-
son, formaður
KSÍ, býður
öllum for-
mönnum
Lansbanka-
deildar karla
til Möltu.
FÖSTUDAGUR 8. október 2004 31
Bjarni Guðjónsson er svekktur yfirað hafa ekki verið valinn í lands-
liðshóp Íslands sem mætir Möltu og
Svíþjóð næstu daga. Langt er orðið
síðan Bjarni spilaði
síðast með landslið-
inu en hann hefur
verið frambærilegur
með liði Coventry
það sem af er leik-
tíðinni í Bretlandi.
Aðspurður segist
hann ekki vita hvers
vegna hann hafi ekki verið valinn að
undanförnu en þetta gefi sér enn
meiri ástæðu til að leggja harðar að
sér.
Breskir fjárfestar reyna nú sittbesta til að koma bresku Silver-
stone-kappakstursbrautinni aftur á
kortið í Formúlu 1 en ekki stendur til
að keppa þar á næsta ári. Eigendur
hennar þurfa að punga út meiri fjár-
munum og tryggja þannig nauðsyn-
legar endurbætur til að skriður kom-
ist á málin.
Alls óvíst er hvenær körfubolta-stjarnan Jason Kidd getur tekið
fram skóna að nýju
eftir uppskurð á hné
í sumar en keppnis-
tímabilið í banda-
ríska körfuboltan-
um fer senn að
hefjast. Lið Kidd,
New Jersey Nets,
hefur breyst mikið
frá síðasta ári og er meiri þörf en
áður á sterkri innkomu Kidd.
Berti Vogts, hinn þýski landsliðs-þjálfari Skota, verður látinn fara
vinni Skotland ekki báða leiki sína
sem fram fara næstu daga. Hefur lið-
inu gengið afleitlega undir hans
stjórn og haft litlu að fagna nema
helst að hafa unnið Ísland heima og
heiman í undankeppni Evrópu-
keppninnar í Portúgal.
Adrian Mutu, leikmaður Chelsea,verður áfram hjá liðinu þrátt fyrir
hávaðarifrildi við knattspyrnustjór-
ann Jose Mourinho. Rifrildið átti sér
stað eftir að forráða-
menn Chelsea báðu
Rúmena að hvíla
Mutu á laugardag-
inn í undankeppni
HM. Giovanni
Becali, umboðs-
maður Mutu,
þvertók fyrir að
dagar hans sem leikmaður Chelsea
væru taldir. „Hann er með mjög góð-
an samning við Chelsea og verður
áfram hjá félaginu,“ sagði Becali.
Emilio Butragueno, fyrrum leik-maður Real Madrid, hefur verið
hækkaður í tign hjá
félaginu. Hann tek-
ur við af Jorge
Valdano sem yfir-
maður knattspyrnu-
mála hjá Real Ma-
drid. Butragueno,
oftast kallaður
Gammurinn, varð
spænskur meistari fimm ár í röð
með Real og skoraði 217 mörk í 560
leikjum. Hann lék einnig 69 leiki
með spænska landsliðinu og gerði
26 mörk.
Rio Ferdinand hjá ManchesterUnited segir að endurkoman hafi
komið sér töluvert á óvart. „Mér
fannst ég vera mjög
fljótur að aðlagast
eftir bannið,“ sagði
Ferdinand en hann
var frá knattspyrnu í
8 mánuði eftir að
hafa skrópað á
lyfjaprófi. Enska
landsliðið fær að
njóta krafta hans í fyrsta sinn eft-
ir fjarveruna í leik gegn Wales á
morgun í undankeppni HM. Ef mið-
að er við frammistöðu hans með
United-liðinu upp á síðkastið þurfa
þjálfarinn Sven Göran Eriksson og
lærisveinar hans engu að kvíða.
Brett Favre, leikstjórnandi GreenBay Packers í NFL-deildinni, varð
fyrir áfalli á miðvikudaginn þegar
mágur hans, Casey Tynes, lést í slysi
á fjórhjóli. Óhappið
átti sér stað á lóð
Favre en Tynes var
hjálmlaus þegar
hjólinu hvolfdi.
Tynes var fluttur á
spítala með alvar-
lega höfuðáverka en
var úrskurðaður látinn þegar þangað
var komið. Favre var mjög sleginn
yfir fréttunum en ekki er langt um
liðið síðan faðir hans lést úr hjarta-
áfalli undir stýri.
ÚR ÍÞRÓTTAHEIMINUM Flogið með formennina frítt til Möltu
Knattspyrnusamband Íslands bauð öllum formönnum knattspyrnufélaga í efstu deild með landsliðinu
til Möltu til skrafs og ráðagerða. Eðlilegur hluti af starfinu, segir formaðurinn Eggert Magnússon.
albert@frettabladid.is