Fréttablaðið - 08.10.2004, Blaðsíða 20

21FÖSTUDAGUR 8. október 2004
Bleyjupakki eða utanlandsferð
Núverandi ríkisstjórn hefur aukið álögur
á almenning um 4 milljarða króna frá
því hún tók við völdum í fyrra. Nú vill rík-
isstjórnin hins vegar skila einhverju til
baka í tekjuskattslækkunum en þó með
afar ójöfnum hætti, þ.e. 1% lækkun á
tekjuskatti og 2% lækkun á hátekju-
skatti. Hvernig hagnast fólkið í landinu á
þessari skattalækkun? Við í Samfylking-
unni höfum bent á það. Á meðan kenn-
arinn fær andvirði bleyjupakka fær millj-
ónamaðurinn eina utanlandsferð á
mánuði. Þessu óréttlæti höfnum við.
Við viljum lækka matarskattinn sem
kemur öllum til góða og afnema
stimpilgjöld sem koma ungu fólki og
skuldsettum fjölskyldum vel.
Ásta Ragnheiður Jóhannesdóttir á alt-
hingi.is/arj
Á yfirsprengdu verði
Öll munum við eftir ævintýrinu um
Línu.net sem á 5 ára tímabili tapaði
rúmum 1 milljarði króna. Fjármuna-
myndunin var neikvæð um tæpar 500
milljónir króna sem bendir til þess að
reksturinn hafi ekki verið að skila neinu
til Orkuveitunnar nema beiðnum um
aukið hlutafé. Orkuveitan lét á þessu
tímabili 1,1 milljarð í nýtt hlutafé til
Línu.net sem síðar seldi hjartað sitt
þ.e.a.s. ljósleiðarakerfið til Orkuveitunn-
ar á yfirsprengdu verði til þess að forð-
ast gjaldþrot.
Birgir Örn Brynjólfsson á frelsi.is
Full þörf á Íbúðalánasjóði
Að sjálfsögðu ber að fagna framtaki
bankanna [í húsnæðislánamálum]. Lán
þeirra á 4.2% vöxtum eru góð kjarabót
fyrir þá sem eiga kost á því að taka þau.
En það er samt sem áður full þörf á
þjónustu Íbúðalánasjóðs. Sjóðurinn lán-
ar öllum landsmönnum án tillits til bú-
setu sem bankarnir gera ekki. Lánum
bankanna fylgja margvíslegar kvaðir en
ekki lánum Íbúðalánasjóðs. Það er líka
eftir að vita hvað bankarnir endast lengi
til að bjóða þessi góðu kjör. Þá er ég
ekki að tala um daga, vikur eða mánuði
heldur ár. Það er því engin ástæða til
annars en að halda áfram að undirbúa
90% húsnæðislán fyrir alla landsmenn.
Sigurður Eyþórsson á timinn.is
Halelúja um ágæti markaðarins
Vart er hægt að opna íslenskt dagblað
án þess að sjá greinar sem hefjast á rít-
úelu halelúja um ágæti hins frjálsa
markaðar. Halelúja þetta minnir ekki ei-
lítið mansöngva rímnanna, má tala um
„markaðsmansöngva“? Að mansöng
loknum kemur einatt misdýrt kveðin
rulla um efnahagsafrek Bandaríkjanna.
Þar drjúpi smjör af hverju strái en at-
vinnulaus lýðurinn í E.S. hafi hvorki til
hnífs né skeiðar. Í sæluríki markaðsfrels-
isins vestanhafs séu sköpuð miklu fleiri
störf en í hinu sósíalíska Evrópusam-
bandi. En svona einfalt er málið ekki. Í
fyrsta lagi eru miklu fleiri Bandaríkja-
menn en E.S.-búar á bak við lás og slá.
Stór hluti þessa fólks væri atvinnulaus
gengi það laust. Í öðru lagi er ekki
ódrjúgur hluti þeirra starfa sem sköpuð
eru í Ameríku svonefnd McStörf. Þeir
sem vinna slík störf fá laun skömmtuð
úr hnefa. Barbara Ehrenreich segir í bók
sinni Nickled and Dimed að þetta fólk
sé nánast þrælar almáttugra atvinnurek-
enda.
Stefán Snævarr á kistan.is
AF NETINU
Þrískipting valdsins
er alger tímaskekkja
á Íslandi, reyndar álíka sýni-
leg og nýju fötin keisarans í
ævintýri H.C. Andersen.
Þrískipting valdsins er Flokknum ekki þóknanleg
Umræðan um hæstarétt hefur að
undanförnu snúist um einn
mann, Jón Steinar Gunnlaugs-
son, sem nú hefur verið skipaður
hæstaréttardómari af félögum
sínum úr Flokknum. Jón Steinar
er skemmtilegur maður og skal
hér óskað velfarnaðar í starfi
sínu. Umræðan um hæstarétt
gæti framvegis snúist um annan
mann, hinn eina sem enn gegnir
starfi hæstaréttardómara án
þess að hafa verið skipaður af
Flokknum.
Þegar því hefur verið kippt í
liðinn liggur beinast við að hefja
gagngera endurskoðun á stjórn-
arskránni, fyrst og fremst þó
með afnámi 26. greinarinnar
sem færir forseta íslenska lýð-
veldisins vald til að synja lögum
staðfestingar. Slík fyrirstaða er
með öllu óþolandi eins og hæst-
virtur forseti alþingis benti svo
smekklega á í setningarræðu sl.
f ö s t u d a g .
F r a n s k i
s t j ó r n -
s p e k -
ing-
urinn Montesque var að líkind-
um ekki með réttu ráði er hann
hélt því fram fyrir löngu að til
tryggingar lýðræðinu þyrfti
valdið óhjákvæmilega að finna
fyrir aðhaldi frá öðru valdi. Og
þar sem stjórnarskráin verður á
annað borð tekin til löngu tíma-
bærrar endurskoðunar færi best
á því að færa 2. grein hennar
sömuleiðis nær raunveruleikan-
um. Þar er að finna gamaldags
fyrirmæli á borð við það sem
Montesque boðaði, sumsé að
löggjafarvald, framkvæmda-
vald og dómsvald beri að að-
greina.
Þrískipting valdsins
er alger tímaskekkja á
Íslandi, reyndar álíka
sýnileg og nýju fötin keisarans í
ævintýri H.C. Andersen. Fram-
kvæmdavaldið, þ.e. ráðherrar
stjórnarráðsins, eru auðvitað
beintengdur og óaðskiljanlegur
hluti löggjafarvaldsins, alþingis.
Öllu stýrt af sama Flokknum,
sama Flokki og tilnefnt hefur,
með einni undantekningu, alla
dómara þriðja valdsins, dóms-
valdsins, sem við nefnum hæsta-
rétt Íslands. Þessar lagfæringar
á stjórnarskránni verða vafalítið
til þess fallnar, að mati Flokks-
ins, að færa okkur nær heilbrigð-
ara og nútímalegra lýðræðissam-
félagi, þar sem gulltryggt er að
Réttu mennirnir hafi vit fyrir
villuráfandi sauðum annars
flokks Íslendinga. ■
JAKOB FRÍMANN MAGNÚSSON
TÓNLISTARMAÐUR
UMRÆÐAN
SKIPTING
VALDSINS
,,
d04080104_jakobfri_0-2.jpg