Fréttablaðið - 08.10.2004, Blaðsíða 47
HANDBOLTI Stjórn Handknattleiks-
sambands Íslands réð í gær Viggó
Sigurðsson, fyrrum þjálfara
Hauka, sem landsliðsþjálfara
fram yfir HM í Þýskalandi 2007.
Viggó tekur við af Guðmundi Guð-
mundssyni sem lét af störfum á
dögunum í kjölfar lélegs gengis
liðsins á Ólympíuleikunum í Aþ-
enu og á Evrópumótinu í Slóveníu
fyrr á þessu ári.
Guðmundur Ingvarsson, for-
maður HSÍ, sagði í samtali við
Fréttablaðið í gær að hann væri
mjög ánægður með ráðningu
Viggós sem hann teldi hafa sýnt
og sannað með árangri sínum und-
anfarin ár að hann væri þjálfari í
fremstu röð. Aðspurður um það
hvort það hefði verið erfitt að
ráða mann eins og Viggó sem hef-
ur gagnrýnt handknattleiksfor-
ystuna hart sagði Guðmundur svo
ekki vera. „Við erum ekki yfir
gagnrýni hafnir og Viggó er mað-
ur sem segir sínar skoðanir um-
búðalaust. Það er yfirleitt kostur,“
sagði Guðmundur. Hann sagði að
HSÍ hefði rætt við tvo menn,
Viggó og Geir Sveinsson. Að því
loknu var ákveðið að ganga til
samninga við Viggó.
Við Geir yrðum dúndurtvenna
Guðmundur staðfesti það á
fundinum að leitað hefði verið eft-
ir því við Geir Sveinsson að hann
yrði aðstoðarmaður Viggós með
landsliðið. Hann sagði jafnframt
að Geir hefði ekki gefið svar en
sagðist vongóður um að það yrði
jákvætt. Viggó sagðist leggja
mikla áherslu á að fá Geir með sér
í þetta verkefni enda hefði hann
unnið með honum hjá þýska lið-
inu Wuppertal. „Ég er viss um að
við yrðum dúndurtvenna,“ sagði
Viggó við blaðamann Frétta-
blaðsins.
Aðspurður sagði Viggó að
brýnasta verkefni hans
væri að breyta hugarfarinu
hjá leikmönnum landsliðs-
ins sem hefði ekki verið
gott upp á síðkastið.
„Þða verður bara að
segjast eins og er að
landsliðið hefur spilað
h u n d l e i ð i n l e g a n
handbolta að und-
anförnu og því
þarf að breyta.
Leikmenn hafa
ekki haft gaman að því sem þeir
eru að gera og því ekki gert það
sem þeir geta. Ef það breytist þá
munum við sjá allt annað íslenskt
landslið á næstu mánuðum.“
Byrjar á World Cup í Svíþjóð
Fyrsta verkefni Viggós með
landsliðið verður World Cup í Sví-
þjóð í nóvember þar sem átta
sterkustu þjóðir heims taka þátt.
Hann sagðist aðspurður myndi
setjast niður fljótlega og koma
saman hóp fyrir það mót en hann
vildi ekki gefa upp hvort íslenskir
handknattleiksáhugamenn ættu
eftir að sjá miklar breytingar á
landsliðshópnum. „Það kemur í
ljós þegar ég vel hópinn,“ sagði
Viggó og glotti.
Viggó sagði að árangur lands-
liðsins á undanförnum tveimur
mótum hefði ekki verið nógu góð-
ur og það hafði gert það að verk-
um að fyrrverandi landsliðsþjálf-
ari hefði verið gagnrýndur fyrir
sín störf. „Sem betur hafa Íslend-
ingar mikinn áhuga á hand-
boltalandsliðinu og það hafa allir
skoðanir. Ég býst fastlega við því
að verða gagnrýndur ef árangur
næst ekki en ég tel íslenska lands-
liðið eiga að vera á meðal sex
bestu landsliða heims. Það er
markmið okkar á HM í Túnis í
janúar en ef það næst ekki veit ég
að ég á ekki sjö dagana sæla.“
Það hefur mikið verið
rætt um
framtíð Ólafs Stefánssonar með
landsliðinu en hann gaf það út eft-
ir Ólympíuleikana að hann ætlaði
sér að taka sér frí frá landsliðinu í
óákveðinn tíma. Hann gaf þó í
skyn í viðtali fyrir skömmu að
hann væri að endurskoða þá
ákvörðun sína og Viggó býst fast-
lega við því að hann verði með í
Túnis. „Ég geri ekki ráð fyrir öðru
og vonast ennfremur eftir því að
hann verði
með í
World
Cup. Hann var langt niðri eftir
Ólympíuleikana en hann er búinn
að ná sér og á ekki að vera þreytt-
ari en hver annar leikmaður í
Þýskalandi eða á Spáni sem er í
toppliði þar. Við þurfum á Ólafi að
halda enda er hann einn af bestu
handboltamönnum heims.“
Dagur er minn maður
Aðspurður um framtíð Dags
Sigurðssonar landsliðsfyrirliða
hjá liðinu sagði Viggó: „Hann er
minn maður. Ég ætla að
koma honum á réttan kjöl
aftur enda er hann topp-
leikmaður og topp-
karakter. Hann hefur
spilað bandvitlausa
stöðu með landsliðinu
sem skytta og mitt
fyrsta verk verður að
gera hann aftur að
leikstjórnanda. Ég
þjálfaði Dag hjá
Wuppertal og veit
hvað hann getur,“
sagði Viggó.
oskar@frettabladid.is
VIGGÓ SIGURÐSSON ER
NÝR LANDSLIÐSÞJÁLFARI
Viggó Sigurðsson skrifaði í gær
undir tveggja og hálfs árs
samning sem landsliðsþjálfari í
handbolta.
Fréttablaðið/Pjetur
32 8. október 2004 FÖSTUDAGUR
Á að vera meðal sex bestu
Viggó Sigurðsson, nýráðinn landsliðsþjálfari í handknattleik, stefnir hátt og segist ætla að byrja á því að breyta hugarfari
leikmanna sem hafi verið slæmt að undanförnu.
Viggó Sigurðsson erfjórði landsliðsþjálf-
arinn í röð sem er
fyrrverandi lærisveinn
Pólverjans Bogdan
Kowalczyk. Bogdan þjál-
faði íslenska landsliðið
frá 1983 til 1990 en
enginn annar land-
sliðsþjálfari hefur náð að stjórna
liðinu í yfir 200 leikjum. Þorbergur
Aðalsteinsson tók við af Bogdan,
Þorbjörn Jensson þjálfaði síðan liðið
frá 1995 til 2001 og Guðmundur
Guðmundsson var síðan fyrirrennari
Viggós. Þeir Þorbergur, Guðmundur
og Viggó voru einnig undir stjórn
Bogdans hjá Víkingi.
Viggó lék á sínum ferlimeð Víkingi hér
heima, Barcelona á Spáni
1978-80 og Bayer Lever-
kusen í Þýskalandi á
árunum 1980-82. Eftir það
snéri Viggó aftur til Víkinga og kláraði
þar ferilinn vorið 1985. Viggó varð
fjórum sinnum Íslandsmeistari og
fimm sinnum bikarmeistari með
Víkingsliðinu. Hann varð einnig
spænskur meistari með Barcelona
árið 1980.
Viggó Sigurðssonhóf sinn þjálf-
araferil sem þjálfari
íslenska 21 árs land-
sliðsins á árunum
1985 til 1986 en
undir hans stjórn náði
íslenska liðið sjötta
sæti á HM á Ítalíu. Viggó þjálfaði
síðan lið FH, Hauka og Stjörnunnar
áður en hann fór til Þýskalands þar
sem hann þjálfaði lið Wuppertal í
fjögur ár. Viggó tók síðan við liði
Hauka þegar hann kom heim haustið
2000 og þjálfaði liðið þar til í vor
þegar hann lét af störfum fyrir úrvals-
deildina.
Undir stjórn Viggósurðu Haukar tvisv-
ar sinnum Íslands-
meistarar (2001 og
2003), tvisvar sinnum
bikarmeistarar (2001
og 2002) og hann
stjórnaði liðinu auk þess í tæplega 50
Evrópuleikjum. Einn þeirra var
jafnteflisleikur liðsins í Barselóna
sem var einn allra besti árangur íslen-
sks félagsliðs enda Börsungar nánast
óstöðvandi heima fyrir.
Fyrsta verkefni Viggós verður aðfara með liðið á World Cup sem
fer fram í Svíþjóð 15. til 21. nóvem-
ber. Ísland mætir þar liðum
Þýskalands, Frakklands og
Ungverjalands en í hinum riðlinum
eru lið Króata, Dana, Svía og Slóvena.
Allir leikir íslenska liðsins verða
sýndir beint hjá Sjónvarpsstöðinni
Sýn sem eru gleðifréttir fyrir hand-
boltaáhugafólk.
VIGGÓ TEKINN VIÐ
matur og vín
10. tbl. 2004, verð 899 kr. m. vsk.
5 690691 160005
vínbix - veitingahúsarýni - innlit í eldhús - krakkarnir í klúbbnum
klúbbablað
yfir uppskriftir
að girnilegum
klúbbaréttum
100
bökurnar,
kökurnar og brauðréttirnir
fljótlegu réttirnir
flugfreyjuklúbbur sóttur heim
Samningur enska úrvalsdeildarliðsins Arsenal við Emirates-flugfélagið:
Verri en samningur Manchester
United við Vodafone
FÓTBOLTI Samningur sá er Arsenal
gerði við Emirates-flugfélagið og
gerir liðinu kleift að opna nýjan
heimavöll sinn að tveimur árum
liðnum er þegar smáa letrið er
skoðað ekki jafn merkilegur og
virðist við fyrstu sýn.
Komið hefur í ljós að Emirates
greiðir félaginu tæplega helmingi
minna fyrir auglýsingar en Voda-
fone greiðir helstu andstæðingum
þess, Manchester United.
Samkvæmt samningnum
styrkir flugfélagið Arsenal á tvo
vegu; greiðir helming alls kostn-
aðar vegna nýja heimavallarins
sem mun heita um ókomin ár Em-
irates-völlurinn.
Ljóst má vera að fyrir lítið fé-
lag á borð við Arsenal er samning-
urinn grundvöllur þess að nýi
völlurinn verði tilbúinn 2006 en
ekki mikið seinna.
Á hinn bóginn snýr samningur-
inn einnig að auglýsingum flugfé-
lagsins á búningum Arsenal til
átta ára frá árinu 2006 og hafa
reiknimeistarar fundið út að með-
an Manchester United fær 1,3
milljarða króna fyrir auglýsingar
Vodafone á sínum búningum fær
Arsenal aðeins 630 milljónir
króna.
albert@frettabladid.is
STOLTUR WENGER Stjórn Arsenal hefur að líkindum farið aðeins of geyst í samninga-
gerð við Emirates en talið er að hluti ástæðunnar sé að Arsene Wenger hafði lítinn hug á
að vera áfram hjá liðinu nema liðið fengi völl á stærð við þann á Old Trafford.