Fréttablaðið - 04.12.2004, Side 6

6 4. desember 2004 LAUGARDAGUR
Veðurstofa Íslands:
Umhleypingasamur nóvember
VEÐURFAR Nóvember var nokkuð
umhleypingasamur á landinu og
hitasveiflur miklar, að því er fram
kemur í stuttu tíðarfarsyfirliti
Veðurstofunnar. Hiti var yfir
meðallagi, þrátt fyrir að mikið
kuldakast hafi gert 15. til 20. dags
mánaðarins. Meðalhiti í Reykja-
vík mældist 2,2 stig, en það er
sagt 1,1 stigi ofan meðallags.
„Frost í Reykjavík fór í 15,1
stig aðfaranótt 19. og hefur svo
mikið frost ekki mælst þar síðan í
janúar 1981 og hitinn er sá lægsti
í Reykjavík í nóvember frá 1893,
en þá mældist frostið 17,4 stig,“
segir í tilkynningu Veðurstofunn-
ar. „Á Akureyri var meðalhiti í
nóvember 0,0 stig og er það 0,4
stigum ofan meðallags. Frost fór
mest í 15 stig á Akureyri. Í Akur-
nesi var meðalhitinn 1,9 stig, en -
3,7 á Hveravöllum.“
Úrkoma í Reykjavík mældist
113 millimetrar, rúmlega helm-
ingi yfir meðallagi, en á Akureyri
mældist úrkoma 62 millimetrar,
15 af hundraði umfram meðallag.
Að sögn Veðurstofunnar telst
haustið (október og nóvember)
hafa verið nokkuð umhleypinga-
samt, þótt tíð hafi verið fremur
hagstæð. „Hiti var í rétt rúmu
meðallagi, úrkoma nokkuð yfir
meðallagi, en sólskinsstundir ekki
fjarri meðallagi.“ - óká
DÓMSMÁL Deilt er um upphæð bóta
vegna barnsláts sem varð á Land-
spítala – háskólasjúkrahúsi í nóv-
ember 2002. Er málið nú komið
fyrir héraðsdóm og gert er ráð
fyrir að það verði fyrst tekið fyrir
í þessum mánuði, að sögn Sigríðar
Rutar Júlíusdóttur lögmanns for-
eldra barnsins.
Ríkislögmaður hefur sam-
þykkt bótaábyrgð ríkisins fyrir
hönd Landspítala - háskólasjúkra-
húss, sem er í raun viðurkenning
á því að mistök hafi átt sér stað,
að sögn lögmannsins.
Upphaf þessa máls má rekja til
þess er móðirin fór í legvatns-
stungu á Landspítala - háskóla-
sjúkarhúsi, að því er komið hefur
fram í greinargerð lögmannsins.
Var þá eftir því tekið að blóð kom
í sprautuna. Gaf það til kynna að
stungið hefði verið á æð í fylgj-
unni. Eftir þetta var móðirin sett í
sírita. Kvartaði hún ítrekað undan
því að fóstrið hreyfði sig ekki.
Eftir ítrekaðar athugasemdir þess
efnis var læknir sóttur til þess að
skoða konuna. Voru þá farin að
sjást alvarleg merki á síritanum.
Fljótlega var tekin ákvörðun
um að taka barnið með bráðakeis-
araskurði og var það gert að
þremur stundarfjórðungum liðn-
um. Hafði konan þá verið í sírita
með hléi í um það bil fjórar
klukkustundir. Það var þann 8.
nóvember sem barnið var tekið
með keisaraskurði, en aðeins fjór-
um dögum síðar lést það.
Foreldrarnir kærðu starfsfólk
Landspítalans til Landlæknisemb-
ættisins. Þá lagði lögmaður þeirra
beiðni til Lögreglustjórans í
Reykjavík þess efnis að lögreglan
rannsakaði lát barnsins, þar á
meðal hvort brotið hefði verið
gegn lögum um skyldu lækna til
að tilkynna óvænt dauðsfall sjúkl-
inga til lögreglu. Lögreglustjóri
synjaði beiðninni. Lögmaðurinn
skaut þá málinu til ríkissaksókn-
ara sem úrskurðaði að lögreglu-
rannsókn skyldi fara fram.
Ekki er vitað hvenær dómur
verður kveðinn upp í þessu sér-
stæða máli. jss@frettabladid.is
Vinnumarkaður:
Meiri bjartsýni
REKSTUR Fyrirtæki hafa svipaðar
afkomuvæntingar nú og fyrir
ári síðan, samkvæmt könnun
Samtaka atvinnulífsins. Rúmur
helmingur, eða um 56 prósent,
fyrirtækja reiknar með svipaðri
afkomu á næstu mánuðum og
verið hefur. Hlutfallið var 52 pró-
sent fyrir ári.
Bjartsýnin var meiri í fyrra en
núna. Samkvæmt könnuninni
reikna um 29 prósent fyrirtækja
með batnandi afkomu en 30 pró-
sent gerðu það í fyrra. Í fyrra
gerðu 16 prósent ráð fyrir versn-
andi afkomu en aðeins 12 prósent
nú.
Bjartsýnin er meiri á höfuð-
borgarsvæðinu en á landsbyggð-
inni. - ghs
Kongó:
Liggur við
átökum
RÚANDA, AFP Utanríkisráðherra
Rúanda, sagði það verða á ábyrgð
stjórnvalda í Kongó ef stríð brýst
út milli ríkjanna tveggja. Hann
staðfesti að rúandískir hermenn
væru komnir til Kongó til að berj-
ast við rúandíska uppreisnarmenn
sem hafast þar við og tóku þátt í
þjóðernishreinsununum í Rúanda
1994.
Stjórnvöld í Kongó vilja Rú-
andaher burt og ákváðu að senda
hermenn sína á vettvang. Fá ár eru
liðin síðan Rúanda var eitt margra
ríkja sem tók þátt í mannskæðu
stríði í Kongó. Rúandastjórn sakar
Kongó um að skýla rúandískum
uppreisnarmönnum. ■
67 LÍFSTÍÐARDÓMAR Abdullah
Barghouti, háttsettur meðlimur í
Hamas, var fundinn sekur um að
hafa staðið að fjölda sprengjutil-
ræða í Ísrael og dæmdur til fang-
elsisvistar sem samsvarar 67 lífs-
tíðardómum. Hann stóð að
sprengjuárásum sem kostuðu 66
Ísraela lífið árin 2001 og 2002.
ÓVOPNAÐUR MAÐUR SKOTINN
Ísraelskir hermenn skutu óvopn-
aðan Palestínumann til bana við
herstöð nærri Ramallah á Vestur-
bakkanum. Talsmaður hersins
sagði manninn hafa verið varað-
an við þegar hann nálgaðist her-
stöðina, en þegar hann svaraði
hvorki því né viðvörunarskotum
var hann skotinn.
■ LÖGREGLUFRÉTTIR
■ MIÐ-AUSTURLÖND
VEISTU SVARIÐ?
1Hvað eru stýrivextir Seðlabanka Ís-lands háir?
2Starfsmenn hvaða olíufélags vöktuðusjálfsafgreiðslustöðvar Atlantsolíu í
vikunni?
3Í hvaða skóla fékk fjöldi framhalds-skólanemenda magakveisu í vikunni?
Svörin eru á bls. 74
edda.is
Kristofer Boone er stærðfræðisnillingur en veit
ekkert um tilfinningar. Þegar hann finnur dauðan
hund nágrannans hefur hann rannsókn. Lausnin er
stærri en nokkurn hefði órað fyrir ... hún breytir lífi
hans.
Trúið öllu hrósinu!
„Trúið öllu hrósinu:
Stórkostleg og hrífandi bók.“
- The Scotsman
Frumútgáfa bæði í kilju
og bandi. Þú velur!
Ein mest selda og
vinsælasta bók hins ensku-
mælandi heims á árinu 2004!
1.500.000 eintök seld! Ein af þessum
örfáu bókum sem allir verða að lesa.
WHSmith
Barnabók ársins
2004
WHSmith
Skáldsaga ársins
2004
Whitbread
verðlaunin
2004
LA Times-
verðlaunin
Guardian-
verðlaunin 20034. sæti
8–80 ára
Penninn Eymundsson
og Bókabú›ir MM
24. – 30. nóv.
Fjarðarál:
Óttast iðn-
aðarnjósnir
IÐNAÐUR Af ótta við iðnaðarnjósnir
verða gerðar miklar öryggiskröf-
ur á lóð Fjarðaráls á Reyðarfirði
meðan bygging álvers stendur
yfir og munu strangar reglur
gilda um aðgengi fjölmiðla að
henni.
Byggingafyrirtækið Bechtel
notar nýja tækni við verkið og ótt-
ast að samkeppnisaðilar reyni að
koma höndum yfir hana. Austur-
glugginn greinir frá þessu. Inn á
lóðina fær enginn að fara án
leyfis og ljósmyndataka og kvik-
myndun verðu takmörkuð, jafn-
vel bönnuð. Hugsanlega ræður
Bechtel ljósmyndara sem kemur
myndum til fjölmiðla. Svæðið
verður vaktað af öryggisvörðum,
bæði við hlið og með eftirlitsferð-
um.
Í frétt Austurglugga segir að
hvorki öryggisverðir né bændur í
nágrenninu hafi orðið varir við
grunsamlegar mannaferðir fram
að þessu, enda verkið komið
skammt á veg. - ghg
VORU SAMFERÐA Á LÖGREGLU-
STÖÐINA Minniháttar árekstur
varð í Hvalfjarðargöngunum í
gærmorgun. Engin slys urðu á
fólki og bílarnir skemmdust lítið.
Ökumenn bílanna voru samferða
á lögreglustöðina í Borgarnesi
þar sem tekin var af þeim
skýrsla.
TÓNLEIKAHALD Hljómlistarmenn
hafa rætt að setja verði upp verð-
mat á framlag þeirra á styrktar-
skemmtunum, segir Björn Th.
Árnason formaður Félags ís-
lenskra hljómlistarmanna. Lög-
mál hins almenna markaðar gildi
einnig um tónlistarmenn. Tími
þeirra sé peningar. Alls ekki sé
sjálfgefið að tónlistarmenn gefi
vinnu sína.
Ágúst Einarsson prófessor í
Viðskipta- og hagfræðideild Há-
skóla Íslands segir algengt að tón-
listarmenn gefi vinnu sína eða
veiti verulegan afslátt. Það geri
þeir af fúsum og frjálsum vilja en
oft sé ætlast til að tónlistarmenn
hafi sérstaklega lága reikninga
þegar komi að góðgerðarmálum.
„Víða erlendis koma styrkir
fram í mjög háu miðaverði. Neyt-
andinn gengur þá að því vísu að
það sem hann greiðir sé fyrst og
fremst út af málefninu. Menn
hafa ekki farið þá leið hér heldur
verið að leggja þetta á herðar og
samvisku tónlistarmanna sem
koma að málum.“ - gag
Hljómlistarmenn vilja að framlag þeirra sé verðmetið:
Lögmál markaða gildir
einnig um tónlistarmenn
BJÖRN TH. ÁRNASON
Segir mátt vanans stjórna því að tónlistar-
menn gefi gjarnan vinnu sína. Oft fái þeir
ekki annað en þétt handtak og hlýhug fyr-
ir. Ágúst Einarsson prófessor segir eftirtekt-
arvert hve oft tónlistarmenn gefi vinnu
sína. Það sé lofsvert og ekki sjálfgefið.
Nýr forsætisráðherra:
Grunaður um
stríðsglæpi
KOSOVO, AP Það að Ramush Harad-
inaj kunni að verða ákærður fyrir
stríðsglæpi kom ekki í veg fyrir
að þingmenn á þingi Kosovo kusu
hann forsætisráðherra.
Haradinaj er 36 ára Kosovo-
Albani sem stýrði uppreisnar-
sveitum Kosovo-Albana í barátt-
unni gegn serbneskum yfirvöld-
um. Talið er að framganga hans á
þeim vettvangi kunni að leiða til
þess að hann verði ákærður fyrir
stríðsglæpi og óttast margir að
það kunni að grafa undan friðar-
ferlinu á svæðinu. Hann var yfir-
heyrður af rannsakendum Stríðs-
glæpadómstólsins í Haag í síðasta
mánuði en hefur ekki verið
ákærður. ■
FJARÐARÁL
Teikning af fyrirhuguðu álveri í Reyðarfirði.
SNJÓKOMA Í REYKJAVÍK
Í tíðarfarsyfirliti Veðurstofu Íslands kemur
fram að sólskinsstundir í Reykjavík hafi
mælst 27 í nóvember, en það sé 12 stund-
um færra en í meðalári. Á Akureyri hafi
mælst 23 sólskinsstundir, 8 stundum
meira en að meðaltali í nóvember.
Bótafjárhæð vegna
barnsláts fyrir dóm
Deilur um upphæð bóta ríkisins vegna barnsláts semvarð á Landspítala
- háskólasjúkrahúsi eru nú komnar fyrir héraðsdóm. Ríkislögmaður
hefur samþykkt bótaábyrgð ríkisins.
MISTÖK VIÐURKENND
Samþykki ríkislögmanns á bótaábyrgð ríkisins þýðir í raun að mistök hafi átt sér stað.