Fréttablaðið - 11.12.2004, Síða 16

16
BÓKASAFNSSKÍRTEINI Á
BORGARBÓKASAFNINU KOST-
AR 1.000 KRÓNUR
Skírteinið gildir í heilt ár en börn, eldri
borgarar og öryrkjar fá það endurgjalds-
laust. Hægt er að fá lánaðar þrjátíu bæk-
ur út á hvert skírteini. Gjaldskrárhækkun
hefur verið boðuð þannig að gott er að
hafa hraðar hendur.
HVAÐ KOSTAR ÞAÐ?
Einelti á vinnustöðum hefur verið
nokkuð til umræðu undanfarna daga í
kjölfarið á rann-
sókn sem sýnir
að fimmtán pró-
sent starfsmanna
útibúa banka og
sparisjóða telja
sig hafa orðið fyr-
ir áreitni í starfi.
Þá hefur sérstök
reglugerð um
einelti einnig tek-
ið gildi.
Hannes Hákonarson bifreiðarstjóri seg-
ist ekki hafa orðið var við einelti á þeim
vinnustöðum sem hann hefur starfað á.
„Ég veit ekki hversu mikið vandamál
þetta er,“ segir Hannes. „Það er líka
mjög erfitt að segja til um það hvað
einelti er – erfitt að skilgreina það. Það
má varla orðið snerta neinn án þess að
það sé mögulega túlkað sem einelti.
Fólk er orðið mjög viðkvæmt fyrir
þessu. Flokkast það til dæmis sem
áreiti að koma við öxlina á einhverjum
á vinnustað?“ Hannes segist telja að
gerandinn geri sér oft ekki grein fyrir því
að hann sé að stunda einelti. Það end-
urspegli kannski hversu ómeðvitaðir
menn séu um málið. „Ég veit ekki alveg
hvað er hægt að gera til að vekja fólk
almennilega til umhugsunar um það
hvað einelti er. Kannski þurfa yfirmenn
á vinnustöðum að tala við starfsfólkið
um þetta. Ef til vill er það einhver lausn
– ég veit það samt ekki.“
Erfitt að skil-
greina einelti
EINELTI Á VINNUSTAÐ
SJÓNARHÓLL
Jákvæðara hugarfar og baráttuhugur,
ekki síst meðal kvenna, er afrakstur
funda framsóknarkvenna vegna mikillar
óánægju sem spratt upp við uppstokk-
un í ríkisstjórninni á haustmánuðum.
Sigrún Magnúsdóttir,
fyrrum borgarfulltrúi
og
nemi í
þjóðfræði við Háskóla Ís-
lands, segir eldhugann sem hafi ver-
ið í sumar halda áfram að þróast:
„Við erum þó ekki stöðugt með
krepptan hnefann.“
Sigrún hélt baráttuávarp á fundi
rúmlega 130 framsóknarkvenna
þann 25. ágúst vegna óánægju
þeirra með afturför jafnréttisstefnu
flokksins. Á fundinum sagði Sigrún eftir-
minnilega: „Við látum
ekki strákshvolpa lít-
ilsvirða Framsókn-
arflokkinn og störf
okkar. Né látum við
þá vanvirða stefnu-
málefni flokksins
og grafa
þannig
undan fylgi
flokksins.“
Sigrún segir
að framsókn-
arkonur hafi
talið að unnið væri eftir jafnréttislögun-
um: „Þess vegna var óánægjan svo
mikil þegar síðan var hægt að taka
ýmsa fram yfir þessa forystumenn okkar
kvenkyns. Það á bæði við um Siv og
það á líka við um Jónínu.“
Jafnréttisfulltrúi flokksins sagði í sumar
kvennaframboð koma til greina héldi
flokksforystan áfram að ganga fram hjá
konum. Sigrún segir að það hafi alls
ekki verið vilji
flestra fram-
sóknar-
kvenna.
Flokkur sé val-
inn af hugsjón: „Kvennaframboð hefur
aldrei reynst vel, enda er það ekki leng-
ur til. Það kemur upp einhver gerjun að
stofna nýtt og nýtt afl. Það endist sjald-
an lengi.“
Félagskenndin hefur eflst innan Framsóknar
EFTIRMÁL: FRAMSÓKNARKONUR STIGU JAFNRÉTTINU TIL VARNAR
11. desember 2004 LAUGARDAGUR
Býður bágstöddum að
borða á aðfangadag
Magnús Garðarsson, veitingamaður á Mangó grilli í Grafarvogi, opnar dyr sínar þeim sem minna mega sín og
eiga um sárt að binda á aðfangadagskvöld. Hann ætlar að halda sannkölluð „Mangójól“ og láta öllum líða vel.
„Hér verður boðið upp á hangikjöt
og uppstúf og bayonneskinku og
sykurbrúnaðar kartöflur að ótöldu
öðru meðlæti,“ segir Magnús
Garðarsson eða Maggi í Mangó
grilli eins og hann er jafnan kallað-
ur. Maggi býður alla velkomna til
sín sem minna mega sín, eiga um
sárt að binda og eiga hvergi höfði
sínu að að halla. Staðurinn hans,
Mangó grill, var opnaður að Veg-
húsum 1 í Grafarvogi fyrr á árinu
og gengur vel. „Þetta er líka þakk-
lætisvottur fyrir þær móttökur
sem við höfum fengið,“ segir hann.
Birgjar staðarins taka þátt í vel-
gjörningnum og starfsfólkið sömu-
leiðis, sem allt gefur vinnu sína
þetta kvöld. Maggi segist alls stað-
ar hafa fengið góð viðbrögð og
lofar jólagjöfum fyrir þá sem
koma. „Þetta verða alvöru jól.
Sannkölluð Mangójól.“
Það var eiginkona Magga sem
átti hugmyndina og öðrum þótti hún
stórgóð. „Við höfum haldið jól um
allan heim: í Mexíkó, Bandaríkjun-
um, á Bahamaeyjum og Spáni, svo
það var tilvalið að prófa eitthvað
nýtt núna. Fjölskyldan verður nátt-
úrlega saman því við erum öll í
þessu. Svo setjumst við bara yfir
kertaljósi heima daginn eftir.“
Maggi setti sig í samband við
séra Vigfús Þór Árnason í Grafar-
vogskirkju sem er í góðu sambandi
við þá sem þarfnast aðstoðar. Hjá
honum getur fólk fengið boðsmiða
í jólaveisluna. „Svo er ég í sam-
bandi við Hreyfil og ætla að reyna
að fá leigubílstjóra til að aka fólki
til og frá staðnum. Ef það gengur
ekki á ég sjálfur tíu manna bíl og
fæ einhvern til að skutlast með
fólkið. Það verður ekki vandamál.“
Maggi er ævintýramaður, hefur
búið víða um heim og fengist við
margt. Hann stóð í byggingafram-
kvæmdum á Bahamaeyjum árið
1999 en fellibylur eyðilagði allt
saman. Hann lét það ekki á sig fá,
kom sér til Bandaríkjanna og fór á
puttanum til Miami þar sem hann
safnaði hjálpargögnum fyrir eyjar-
skeggja. „Ég hef verið í alls konar
umsýslu, hótelskóla og bara lifað
lífinu,“ segir Maggi í Mangó grilli,
fullur tilhlökkunar eftir aðfanga-
dagskvöldinu sem verður óneitan-
lega sérstakt hjá honum í ár.
bjorn@frettabladid.is
FR
ÉT
TA
B
LA
Ð
IÐ
/S
TE
FÁ
N
HANNES
HÁKONARSON
Jólasveinarnir:
Deildar meiningar um tilvist þeirra
JÓLASVEINAR Von er á jólasveinin-
um Stekkjastaur til byggða í nótt
og er viðbúið að gluggakistur
víða um land verði þaktar skóm
af ýmsu tagi. Engu að síður eru
skiptar skoðanir um hvort jóla-
sveinninn sé yfirhöfuð til. Vís-
indavefur Háskólans hefur sett
fram helstu rök með og á móti í
málinu.
Þeir sem telja jólasveininn til
benda til dæmis á að sveinarnir
sjást víða um jólaleytið, til dæm-
is á jólaböllum og niðri í bæ.
Krakkar fá gjafir í skóinn og
þeim er sagt að jólasveinarnir
setji þær þar. Hver annar ætti
svo sem að setja gjafirnar í skó-
inn? Ennfremur hefur heyrst að
fólk verði stundum vart við ýmis
ummerki eftir komu jólasveina.
Til dæmis á Skyrgámur að hafa
farið í ísskápinn hjá fólki og
skilið eftir sig skyrslettur.
Þeir sem telja að jólasveinar
séu ekki til spyrja hvernig á því
geti staðið að einn jólasveinn
geti farið heim til allra barna á
landinu og gefið þeim í skóinn á
einni nóttu. Á landinu eru um
70.000 börn fimmtán ára og
yngri. Ef við hugsum okkur að
jólasveinninn hafi í mesta lagi
tólf klukkustundir til að færa
þeim öllum gjöf í skóinn á með-
an þau sofa þarf hann að setja
gjafir í 97 skó á hverri mínútu.
Ennfremur eiga sumir erfitt
með að skilja hvernig jóla-
sveinninn getur borið allt dótið.
Ef meðalþyngd gjafar er 200
grömm þá þarf jólasveinninn að
burðast með fjórtán tonn af gjöf-
um þegar hann leggur af stað.
Jafnframt hefur verið dregið í
efa að sveinki hafi efni á öllum
þessum gjöfum.
- shg
STEKKJASTAUR
Hvernig hefur hann efni á öllum þessum gjöfum?
MAGNÚS GARÐARSSON VEITINGAMAÐUR
„Þetta verða alvöru jól. Sannkölluð Mangójól,“ segir Maggi á Mangó grilli.
FR
ÉT
TA
B
LA
Ð
IÐ
/P
JE
TU
R
16-17 (24 klst) 10.12.2004 19:38 Page 2