Fréttablaðið - 13.01.2005, Síða 60

Usual suspects
Bréf breska fjárfestingarbankans Durlacher tóku
kipp í bresku kauphöllinni í vikunni. Breska blaðið
Independent sagði frá því að orðrómur væri um
yfirtöku félagsins. Á breska markaðnum var líkleg-
ast talið að þar væru á ferðinni KB banki eða
Landsbankinn. Ólíklegt er þó að sá orðrómur sé
réttur. Durlacher er lítill banki, jafnvel á íslenskan
mælikvarða, metinn á 2,5 milljarða króna. Auk
þess var tap af rekstri hans á síðasta starfsári. Ís-
lensku bankarnir hafa fyrst og fremst leitað fjár-
málafyrirtækja sem eru þegar í góðum rekstri.
Umræðan í Bretlandi bendir til þess að bankarn-
ir séu að komast í svipaða stöðu þegar rætt er
um yfirtöku og samruna og Baugur þegar
smásölugeirinn er annars vegar. „Það er eins
og enginn eigi dætur nema Þórður í Kjarna,“
sagði Þórður stoltur þegar síðasta
dóttirin gekk út og má heimfæra
upp á orðróminn í Bretlandi
um íslensk fyrirtæki.
Markaðurinn ekki markhópur
Mánaðarskýrsla Íbúðalánasjóðs hefur ekki mælst
sérstaklega vel fyrir á markaði. Greiningardeild KB
banka er ekki skemmt yfir skýrslunni, nema ef vera
skyldi að örlaði á þórðargleði. Greiningardeildin
vísar til þess að Íbúðalánasjóður sé stærsti og
mikilvægasti útgefandi skuldabréfa á markaði og
myndi undirstöðu verðtryggða vaxtaferilsins. KB
banki birtir síðan tilvitnun í mánaðar-
skýrslu sjóðsins þar sem skýrsluhöf-
undur fer mikinn um samfélags-
lega meðvitund sjóðsins í öllum
ákvörðunum. Greiningardeild KB
banka segir lítið sem ekkert fjallað
um atriði sem skipta miklu máli
fyrir verðmyndun bréfanna. „Fróð-
legt væri að vita hver ætlaður mark-
hópur skýrslunnar er,“ spyr grein-
ingardeildin og gefur í skyn
að það sé allavega ekki
markaðurinn.
MESTA HÆKKUN
ICEX-15 3.474
KAUPHÖLL ÍSLANDS [ HLUTABRÉF ]
Fjöldi viðskipta: 240
Velta: 3.599 milljónir
+0,26%
MESTA LÆKKUN
MARKAÐSFRÉTTIR …
Gengi íslensku krónunnar
veiktist lítillega í gær. Gengis-
vísitalan er nú 113,18 stig.
Gengi hlutabréfa í Flugleið-
um heldur áfram að hækka.
Nú hafa bréf í félaginu hækkað
um 15,2 prósent frá áramótum.
Úrvalsvísitalan hefur hækkað
um 3,42 prósent á sama tíma.
Hampiðjan tilkynnti í gær að
félagið myndi hér eftir ekki
gefa út ársreikninga sína í ís-
lenskum krónum heldur evr-
um.
FTSE vísitalan í Lundúnum
lækkaði um 0,73 prósent í gær.
Dax í Þýskalandi lækkaði um
1,16 prósent og Nikkei í Japan
lækkaði um 0,75 prósent.
28 13. janúar 2005 FIMMTUDAGUR
vidskipti@frettabladid.is
Peningaskápurinn…
Actavis 38,70 -0,77% ... Atorka 5,73 -
1,21% ... Bakkavör 25,80 -1,15% ... Burðarás 12,35 +1,65% ... Flugleiðir
11,35 +2,71% ... Íslandsbanki 11,25 +0,90% ... KB banki 470,50 +0,11%
... Kögun 47,00 -0,21% ... Landsbankinn 12,20 +1,24% ... Marel 49,50 -
0,40% ... Medcare 6,05 – ... Og fjarskipti 3,45 -1,43% ... Samherji 11,15
+0,45% ... Straumur 9,45 +0,53% ... Össur 79,50 +0,63%
Vill aukið gagnsæi
Halldór J. Kristjánsson vill
aukið gagnsæi í aðgerðum
Fjármálaeftirlitsins en
segir að birting niðurstaða
í smærri málum þjóni ekki
alltaf tilgangi skilvirkni
eftirlits.
Halldór J. Kristjánsson, banka-
stjóri Landsbanka Íslands,
segir ekki mikinn áherslumun
vera á afstöðu bankastjóra
stóru bankanna þriggja varð-
andi þörf á auknu gagnsæi í
starfi Fjármálaeftirlitsins.
Hann segir það ekki vera
ósamrýmanleg sjónarmið að
gagnsæi í starfi Fjármálaeftir-
litsins aukist en að jafnframt
geti stofnunin átt óformleg
samskipti við markaðsaðila um
smærri mál. Hann segir birt-
ingu umfjöllunar um smávægi-
leg mál ekki alltaf þjóna mark-
miðum skilvirks eftirlits.
„Landsbankinn hefur, eins og
hinir bankarnir, stutt aukið
gagnsæi í störfum Fjármála-
eftirlitsins,“ segir Halldór.
Hann segir hins vegar að það sé
mjög mikilvægt að trúnaður og
traust ríki milli eftirlitsaðila og
bankanna. Slíkt traust getur
gert samskiptaleiðir greiðari.
„Of formleg samskipti þar
sem erfitt gæti reynst að fá
leiðbeiningar frá eftirlits-
aðilum um viðhorf þeirra fyrir-
fram getur gert túlkun reglna
erfiðari og skapað vanda fyrir
fyrirtækin. Í tilvikum þar sem
slík óformleg samskipti eru
möguleg er ekki eins mikil þörf
á því að birta sérhverja niður-
stöðu,“ segir hann.
Hann segir að reynsla Lands-
bankans af samskiptum við
fjármálaeftirlit í Bretlandi sýni
að óformleg og greið tengsl
milli eftirlits og banka auki
líkur á því að sameiginlegur
skilningur ríki um framkvæmd
laga og reglna.
Halldór segir öðru máli
gegna um mál þar sem Fjár-
málaeftirlitið rannsaki brot
á reglum til dæmis varðandi
verðbréfaviðskipti. „Enginn
deilir um að fullt gagnsæi eigi
að ríkja þegar kemur að endan-
legum ákvörðunum um mál
sem kunna að hafa áhrif á af-
stöðu til félaga á markaði eða
verðmyndunar,“ segir hann.
thkjart@frettabladid.is
Flugleiðir 2,71%
Burðarás 1,65%
Landsbankinn 1,24%
Og fjarskipti -1,43%
Atorka -1,21%
Bakkavör -1,15%
HLUTABRÉF Í ÚRVALSVÍSITÖLU:
nánar á visir.is
FR
ÉT
TA
B
LA
Ð
IÐ
/V
IL
H
EL
M
HALLDÓR J. KRISTJÁNSSON Bankastjóri Landsbankans segir reynslu frá Bretlandi benda
til þess að gott traust milli banka og eftirlitsaðila geti skilað góðum árangri við eftirlit.