Fréttablaðið - 30.09.2005, Blaðsíða 80

SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
DREIFING: dreifing@posthusid.is Auglýsingadeild: auglysingar@frettabladid.is Veffang: visir.is
VIÐ SEGJUM FRÉTTIR SMÁAUGLÝSINGASÍMINN ER 550 5000
Ískaldur
Léttur öllari ROYAL
Nýr konunglegur!
Skemmdar-
starfsemi á
börnum
SÚSÖNNU SVAVARSDÓTTUR
BAKÞANKAR
Mikið var að eitthvað jákvætt ogskemmtilegt lét kræla á sér í
blöðunum. Það hefur verið svo kvíð-
vænlegt að vakna seinustu dagana
vegna þess að alls staðar eru fjöl-
miðlar að troða ofaní kokið á manni
tíðindum sem maður vill alls ekkert
vita af. Í morgun, fimmtudag, lyftist
þó á manni brúnin og ekki útlit fyrir
annað en að dagurinn verði góður.
Það er loksins farið að tala um eitt-
hvað sem kemur okkur við, – því
miður annars staðar en hér – sam-
skipti barna og umgengnisforeldra.
ÞAÐ hefur einatt vakið furðu mína
hvað við Íslendingar eru þöglir um
þá skemmdarstarfsemi sem fer
fram á börnum og unglingum í
þessu landi, þegar forsjá og um-
gengnisréttur er annars vegar. Það
er gleðilegt að sjá að ungur laga-
nemi, Helgi Áss Grétarsson, hefur
skrifað sína kandídatsritgerð um að
löng málsmeðferð hafi óbætanleg
áhrif á samband barns og foreldris.
Þótt lögin líti vel út, er síður en svo
hægt að segja að framkvæmd þeirra
hafi verið okkur til sóma.
ÉG hef aldrei álitið Íslendinga
heimska. Þess vegna hef ég átt erfitt
með að skilja hvers vegna þessi þjóð
er sér ekki meðvitaðri um mikil-
vægi þess að börn umgangist báða
foreldra sína eins mikið og unnt er,
þótt foreldrarnir búi ekki báðir á
sama heimili. Jú, það er í lögum, en
hvert og eitt forsjárforeldri hefur
býsna mikið svigrúm til þess að slá
einkaeignarhaldi á barnið ef því
sýnist svo og báðir hafa tækifæri til
þess að nota þau sem vopn í átökum
sín á milli.
ÞAÐ hefur afleiðingar fyrir barn að
vera ekki í góðu tilfinningasambandi
við móður sína. Það hefur jafn
slæmar afleiðingar fyrir það að vera
ekki í góðu tilfinningasambandi við
föðurinn. Tilfinningamótun barns í
uppeldi er mikil jafnvægiskúnst.
Halli á annan hlutann, verður ekki
séð fyrir endann á afleiðingunum.
Eitt er víst, það leiðir af sér ein-
hverja andlega kröm.
MIKIÐ væri gott að sjá fjölmiðla
eyða sama púðri í að fjalla um þessi
mál og í styrjaldir milli peningaafla.
Hin raunverulegu verðmæti þjóðar-
innar felast jú í þeim börnum sem
eru að alast upp og eiga að taka við
skútunni í ekkert svo fjarlægri
framtíð.