Fréttablaðið - 09.11.2005, Page 23

[ ]
FASTEIGNIR HEIMILI HEILSA HÚS BÖRN NÁM FERÐIR MATUR BÍLAR TÍSKA ATVINNA BRÚÐKAUP TILBOÐ O.FL
SMÁAUGLÝSINGAR
Flokkar
Bílar & farartæki
Keypt & selt
Þjónusta
Heilsa
Skólar & námskeið
Heimilið
Tómstundir & ferðir
Húsnæði
Atvinna
Tilkynningar
SMÁAUGLÝSINGAR
SÍMI: 550 5000
ÞÚ GETUR PANTAÐ
SMÁAUGLÝSINGAR
Á visir.is
Útivist er á leið á Snæfellsnes
helgina 11. til 13. nóvember.
Lagt verður af stað klukkan
átta á föstudag og gist verður
á Arnarstapa. Silvía Hrönn
Kristinsdóttir verður fararstjóri.
Hægt verður að ganga milli
Arnarstapa og Hellna, frá
Búðum að Búðarkletti eða á
sjálfan jökulinn.
Ferðaáætlun fyrir árið 2006
er nú í vinnslu hjá ferðanefnd
Ferðafélags Íslands. Þar er
að finna margar áhugaverðar
ferðir, bæði sígildar og nýrri
ferðir. Deildir félagsins víða
um land vinna einnig að
ferðaáætlun sinni og þær má
einnig finna í ferðaáætlun
Ferðafélags Íslands sem kemur
út í byrjun janúar 2006.
Stjórnun allt að 30 brúttó-
lesta skipa er nú kennd við
Framhaldsskóla A-Skaftafells-
sýslu á Höfn, meðal annars í
fjarnámi. Nemendur eru um
90 þar af 21 á Höfn, allt frá
grunnskólanemendum upp í
virðulega afa.
Skíðaferðir eru þær ferðir
sem eru hvað mest áberandi
hjá ferðaskrifstofum núna.
Um að gera að bóka sem
fyrst svo áhugasamir neyðist
ekki til að skíða í grænleitum
fjöllum Íslands. Að sama skapi
er ódýrara að hoppa í sólina
þessa dagana og því vert að
kynna sér hvaða tilboð eru í
gangi.
LIGGUR Í LOFTINU
NÁM - FERÐIR
Góðan dag!
Í dag er miðvikudagur 9. nóvem-
ber, 312. dagur ársins 2005.
Sólarupprás Hádegi Sólarlag
Reykjavík 9.37 13.12 16.45
Akureyri 9.34 12.56 16.18
Heimild: Almanak Háskólans
KRÍLIN
Það er sama hvar
ég set hitapokann
í rúmið, hinir lík-
amshlutarnir verða
alltaf öfundsjúkir!
Ingunnarskóli í Grafarholti er fyrsti
grunnskólinn í Reykjavík sem byggður er
utan um einstaklingsmiðað nám og hýsir
jafnframt tónlistarkennslu, dansskóla,
kirkjulegt starf og félagsmiðstöð unglinga.
Það er ótrúlega hljótt í Ingunnarskóla þótt
þar séu um 400 nemendur og nokkrir tugir
kennara að störfum. Í miðrýminu sem komið
er inn í úr anddyrinu eru tveir kennarar að
snæða síðbúinn hádegisverð, nokkrir nem-
endur sitja innan um bókarskápana og lesa og
enn aðrir eru að búa sig undir að læra dans.
Guðlaug Sturlaugsdóttir skólastjóri kveðst
hæstánægð með hvernig til tókst með hönnun
hljóðvistarinnar. „Loftplötur og veggir eru
hljóðdempandi og þar hefur tekist vel til. Það
er líka grundvallaratriði að hávaða sé stillt
í hóf í skóla þar sem lögð er áhersla á sam-
vinnu, þemavinnu og blöndun árganga eins og
hér,“ bendir hún á.
Það var þrjátíu manna hópur úr ýmsum
stigum samfélagsins sem fenginn var til að
koma með hugmyndir að starfsemi skólans
og síðan var skólinn hannaður utan um starf-
semina. „Það má segja að þetta sé drauma-
skólinn,“ segir Guðlaug brosandi. Hún tekur
fram að bæði nemendur og kennarar séu að
læra að vinna við þær aðstæður sem skólinn
bjóði upp á enda er bara mánuður liðinn frá
því húsið var tekið í notkun. Hún opnar inn í
stórar kennslustofur þar sem börnin vinna í
hópum með hjálp fullorðinna. Stórt miðrými
er í stofunum en líka afmarkað nemendaher-
bergi sem farið er inn í til að leggja inn stafi
eða kenna með fyrirlestrarformi. Þess á milli
er herbergið fyrir þá nemendur sem vilja
vinna einir og í þögn.
Einstaklingsmiðað nám gengur út á að
hver nemandi geti farið á sínum hraða gegn-
um námsefnið. Hann gerir áætlanir í samráði
við kennarann um hvað hann ætli að vinna
í hverri viku. Þeir sem spretta úr spori í
einni grein geta fylgt eftir þeim nemendum
sem eru ári eldri og svo öfugt. Þótt mikið sé
unnið í hópum í Ingunnarskóla þá hefur hver
nemandi á miðstigi sína vinnustöð með borði,
læstum skáp, hillu og aðstöðu til að hengja
upp dótið sitt. ■
Þar sem sjálfsagi
og samvinna gilda
Kátir krakkar í nýju og fallegu skólahúsi. FRÉTTABLAÐIÐ/PJETUR
STJÖRNUSKOÐUN
Námskeið á vegum Reykjavíkur/Akademíu
bls. 2
DREKI
Nýr skáli við Öskju
bls. 3