Fréttablaðið - 15.11.2005, Blaðsíða 10

15. nóvember 2005 ÞRIÐJUDAGUR
SPÁNN Spænska innanríkisráðu-
neytið hefur lýst yfir viðbúnaðar-
ástandi í fjórtán nyrstu héruðum
landins vegna mikilla kulda og
snjóa.
Loka hefur þurft fjölda þjóð-
vega vegna snjóþyngsla og gera
veðurspár áfram ráð fyrir ofan-
komu og frosti langt inn í land.
Viðvörun ráðuneytisins gildir allt
suður að höfuðborginni Madríd.
Um helgina urðu yfir þrjátíu
bílslys sem beinlínis má rekja til
ófærðar og hálku en í þeim létust
39 manns. ■
HVÍT JÖRÐ Á SPÁNI Snjór og hálka hefur
valdið miklum umferðartöfum og slysum á
Spáni undanfarna daga.
Alls létust 39 manns í bílslysum á Spáni um helgina:
Yfirvöld vara við
mikilli ofankomu
Markmið sjóðsins er að styðja við bakið
á menningar- og listalífi, auk þess að hlúa
að mannréttinda- og líknarmálum.
Það verður gert með framlögum til
stofnana, samtaka og félaga á Íslandi,
sem hafa framangreind málefni sem
aðaltilgang sinn.
Formaður stjórnar sjóðsins er Jóhannes Jónsson, en aðrir stjórnarmenn
eru Hreinn Loftsson og Ingibjörg S. Pálmadóttir.
Ritari stjórnar sjóðsins er Soffía Lárusdóttir.
Áhugasamir aðilar, sem uppfylla ofangreind skilyrði,
eru hvattir til að senda inn umsókn ásamt stuttri
greinargerð.
Samanlögð lengd umsóknar og greinargerðar skal
takmarkast við eina vélritaða síðu (A4).
Umsóknum skal skilað fyrir 1. desember n.k. til:
Styrktarsjóður Baugs Group hf.,
b.t. Soffíu Lárusdóttur,
Túngötu 6, 101 Reykjavík
eða á netfangið styrktarsjodur@baugurgroup.com.
STYRKTARSJÓÐUR BAUGS GROUP HF.
AUGLÝSIR EFTIR UMSÓKNUM UM STYRKI ÚR SJÓÐNUM
hz
et
a
eh
f
DANMÖRK Í dag verður kosið til
sveitarstjórna í Danmörku. Kosn-
ingabaráttan í Kaupmannahöfn
hefur verið lífleg undanfarnar
vikur enda eru frambjóðendur
þriggja stærstu flokkanna lit-
ríkar og mjög ólíkar persónur.
Stefnumálin hafa ekki bara verið
í brennidepli.
Allt stefnir í að hin 64 ára Ritt
Bjerregaard, borgarstjóraefni
Jafnaðarmanna, vinni stórsigur í
Kaupmannahöfn. Hún hefur verið
áberandi í dönskum stjórnmál-
um í nær 35 ár og var á áttunda
áratugnum ráðherra og þingmað-
ur en starfaði síðan fyrir fram-
kvæmdastjórn Evrópusambands-
ins. Stjórnmálaskýrendur segja
Bjerregaard hafa háð gamaldags
en árangursríka kosningabaráttu
sem gengur út á að ná persónu-
legu sambandi við kjósendur. Hún
hafi því verið áberandi á götum
úti, ferðast um borgina á hjóli og
rætt við fólk. Þetta virðist hafa
heppnast því samkvæmt könnun
sem blaðið gerði í síðustu viku
vilja 46 prósent kjósenda í Kaup-
mannahöfn að hún verði næsti
borgarstjóri.
Þrátt fyrir ungan aldur er
þingmaðurinn Søren Pind, borg-
arstjóraefni Venstre, að bjóða sig
fram í þriðja skipti. Stefna hans
í innflytjendamálum hefur verið
gagnrýnd í baráttunni og önnur
stefnumál Venstre hafa því ekki
fengið mikla athygli. Dönsku blöð-
in segja Pind ekki hafa verið með
puttana á púlsinum og því ekki
náð til kjósenda, þrátt fyrir fok-
dýra baráttu.
Óhætt er hins vegar að segja
að oddviti Radikale Venstre í
Kaupmannahöfn sé senuþjófur
kosningabaráttunnar í Kaup-
mannahöfn. Klaus Bondam heitir
hann og er leikari að mennt og
samkynhneigður. Hann hefur litla
reynslu af stjórnmálum en þrátt
fyrir það bætir flokkur hans við
sig töluverðu fylgi ef marka má
skoðanakannanir. Hann hefur sagt
að samstarf við Danska þjóðar-
flokkinn komi ekki til greina en sá
flokkur hefur harða stefnu í mál-
efnum innflytjenda. Eins hefur
hann sagt að ef borgaraflokkarnir
myndi meirihluta komi ekki annað
til greina en að hann verði borg-
arstjóri. Hann muni ekki styðja
Søren Pind.
Aftur á móti stefnir allt í að
þeir verði í minnihluta á næsta
kjörtímabili en Ritt Bjerregaard
muni hafa tögl og haldir í stjórn
borgarinnar. kristjans@frettabladid.is
Bjerregaard er
sigurstrangleg
Sveitarstjórnarkosningar verða haldnar í Danmörku
í dag. Baráttan um borgarstjórastólinn í höfuðborg-
inni hefur verið fjörug enda litríkt fólk í kjöri.
MEÐ PÁLMANN Í HÖNDUNUM Ritt Bjerregaard (til hægri) veit að máli skiptir að ná per-
sónulegu sambandi við kjósendur enda er hún sögð nokkuð örugg um sigur í dag.
SØREN PIND
KLAUS BONDAM