Fréttablaðið - 15.11.2005, Qupperneq 12

15. nóvember 2005 ÞRIÐJUDAGUR12
nær og fjær
„ORÐRÉTT“
„Mér finnst frábært að Silvía Nótt
hafi unnið,“ segir Gunnhildur Helga
Gunnarsdóttir, fyrrverandi stjórnandi
Djúpu laugarinnar sem nú vinnur
jöfnum höndum hjá Sumarferðum og
Skjá einum, um Edduverðlaunin sem
veitt voru á sunnudagskvöldið.
Hún segist vissulega vera svolítið lituð
í afstöðu sinni vegna vinnu sinnar á
Skjá einum og er fyrir vikið pínulítið
svekkt yfir að Sirrý hafi ekki hreppt
verðlaun fyrir sinn þátt.
„Annars er ég ánægð með flestallt en
tek þó fram að ég hef ekki séð allar
myndirnar sem voru tilnefndar þannig
að ég get ekki dæmt um allt.“
Gunnhildur Helga segist oft horfa á
verðlaunaafhendingar en gráti þó ekki
þótt hún missi af þeim. „Það er gott
að þær séu haldnar því það er gott
fyrir fólk að fá viðurkenningar þegar
það hefur gert vel.“
SJÓNARHÓLL
EDDUVERÐLAUNIN
Ánægð með
flestallt
Framsóknarmenn eru
skrítnir
„Þetta var alveg ævin-
týralega mikil þátttaka
og með þennan lista ættu
framsóknarmenn að
hlakka meira til kosninga
en jólanna.“
Ómar Stefánsson, sigurvegari í próf-
kjöri Framsóknarflokksins í Kópavogi.
Fréttablaðið.
Skynsamir drengir
„Vinskapur okkar strák-
anna er miklu mikilvægari
en einhver heimasíða.“
Tvímenningar, kenndir við Fazmo, í DV
um heimasíðuna fazmo.is sem þeir
hyggjast loka.
Sex félagar héldu í fimm
daga göngu um Grænland
í byrjun ágúst og nutu þar
gríðarlegrar náttúrufegurð-
ar auk félagsskapar hver
annars. Þeir sýna myndir
frá ferðinni í Norræna hús-
inu á morgun.
Gamall draumur Kristins Karls
Dulaney rættist í sumar þegar hann
hélt með fimm félögum sínum til
Grænlands. Erindið var fimm daga
ganga um landið fagra í norðvestri.
„Ég hef gengið mikið um Ísland
og hafði lengi langað til að fara til
Grænlands og ganga þar,“ segir
Kristinn Karl. Hann viðraði hug-
myndina við nokkra félaga sína og
á endanum lögðu þeir sex talsins af
stað. Þannig vill til að fjórir þeirra
búa við sömu götu og æfa þeir að
auki saman líkamsrækt.
Gott líkamlegt form er nauð-
synlegt þegar lagt er í ferð sem
þessa því 25 kílómetra ganga á dag
með um 25 kílóa farangur á bakinu
tekur á.
Enginn sexmenninganna hafði
komið á þessar slóðir áður en þar
sem gangan var þeim jafn ánægju-
leg og raun ber vitni er ekki ólík-
legt að þeir haldi aftur á svipuð mið
í leit að spennandi gönguleið.
Öfugt við það sem margur kann
að ætla gengu þeir félagarnir ekki
mikið á ís og snjó heldur grjóti. „Það
var mjög hart undir fæti og lítið um
gróður,“ segir Kristinn Karl.
Gangan gekk vonum framar og
engin ljón urðu á veginum, hvorki
hvítabirnir né aðrar skepnur. Félag-
arnir hrepptu ágætt gönguveður,
súld fyrstu dagana en sól og fínerí
þegar líða tók á ferðina.
Myndir frá ferðalaginu verða
sýndar á vegum Grænlandsfélags-
ins í Norræna húsinu annað kvöld
og hefst sýningin klukkan 20. ■
Gengið um Grænland grátt og grýttGUNNHILDUR HELGA GUNNARSDÓTTIR FYRRVERANDI SJÓNVARPSKONA
GLAÐIR Á GRÆNLANDI Frá vinstri: Kristinn Einarsson, Sturlaugur Daðason, Birgir Jósafatsson, Bjarni Helgason, Ólafur Jóhannsson og Kristinn Karl Dulaney.
SIGLT INN AMMASSALIK-FJÖRÐ Eftir langa siglingu inn fjörðinn tók við fimm daga ganga
yfir grýtt Grænland.
„Nú sjáum við fram á að langþráður draumur
rætist,“ segir Björn Davíðsson, þróunarstjóri
hjá Snerpu á Ísafirði, aðspurður um hvað sé
helst að frétta hjá honum og vísar til opnun-
ar Háskólaseturs á Ísafirði.
„Háskólasetrið fer í formlegan rekstur núna
um áramótin í verslunarhúsinu, sem kallað
er, hérna niðri á bryggju. Þetta þýðir náttúru-
lega aukin umsvif, húsnæðið þarf að stands-
etja og ljóst að víðar er verið að byggja en á
Austfjörðum,“ segir Björn ánægður með að fá
að flytja svo góðar fréttir. „Við berum miklar
vonir til þess að vel takist til með þetta. Hér
á Ísafirði eru nú þegar hátt í hundrað nem-
endur í háskólanámi í gegnum Fræðslumið-
stöð Vestfjarða og sýnir að virkilega er þörf á
stuðningi við svona nám hér. Eigi menn þess
kost að stunda námið héðan þá gera
menn það,“ segir hann og telur svo
hátta um hjá mörgum að þeir hvorki
geti, né vilji, flytja sig um set til að
stunda nám annars staðar. „Þá er
náttúrulega alveg frábært að geta
boðið fólki upp á þetta og okkur
hlakkar mikið til og erum í hátíð-
arskapi hvað þetta varðar. Okkur
munar mjög mikið um þetta
og teljum mikið framfara-
skref, enda munar um
hvert starf hér.“
Björn segist ekki
koma að stofnun
setursins beint,
nema sem varabæj-
arfulltrúi. „Mörg fyrirtæki á staðn-
um, þar á meðal Snerpa, stóðu
að því að koma þessu af stað
með því að leggja hvert um sig
150 þúsund krónur í stofnfé
inn í sjálfseignarstofnunina
sem Háskólasetrið er,“ segir
Björn og telur það sýna betur
en margt annað áhugann fyrir
rekstrinum sem fyrir hendi er
á Ísafirði. „Fyrirtækin munar
um það að starfsfólk geti
menntað sig án þess að
þurfa um leið að yfir-
gefa staðinn.“
HVAÐ ER AÐ FRÉTTA? BJÖRN DAVÍÐSSON, ÞRÓUNARSTJÓRI SNERPU Á ÍSAFIRÐI
Vonir bundnar við Háskólasetur