Fréttablaðið - 15.11.2005, Page 13

ÞRIÐJUDAGUR 15. nóvember 2005
Á fjölmennu glæpasagnaþingi í
Vilníus, höfuðborg Litháens, sem
haldið var í síðustu viku gerðist hið
óvænta; þátttakendur og áheyrend-
ur hrópuðu einum kór: „Húrra fyrir
Íslandi.“
Þingið sátu glæpasagnahöfundar
frá Norðurlöndunum, Eystrasalts-
ríkjunum og Rússlandi og var fjall-
að um þessa gerð bókmennta frá
fjölmörgum sjónarhornum.
Norðmaðurinn Nils Nordberg,
sem er sérfróður um norrænar
glæpasögur, stóð í pontu og flutti
erindi um uppsveiflu norrænna
glæpasagna. Vék hann að íslenskum
glæpasögum og fór fögrum orðum
um Arnald Indriðason og ágætan
árangur hans á alþjóðavettvangi;
Tvöfaldan Glerlykil og tilnefningu
til Gullna rýtingsins.
Árni Þórarinsson, rithöfundur
og blaðamaður, sat þingið og var
einmitt í pallborði þegar Nils flutti
fyrirlestur sinn. Hafði Árni fregnað
skömmu áður en Nils hóf mál sitt að
Arnaldur væri ekki einasta tilnefnd-
ur til Gullna rýtingsins heldur hefði
hann hlotið verðlaunin.
Árna rann blóðið til skyldunnar
og kippti í Nils, sem brá illilega við
trufluninni. Það tók hann nokkur
andartök að meðtaka skilaboð Árna
um að Arnaldur hefði unnið til verð-
launanna nokkrum mínútum áður
en þegar hann loksins gerði það
brosti hann út að eyrum, setti hnef-
ann á loft og kallaði yfir viðstadda:
„Húrra fyrir Íslandi!“
Í kjölfarið glöddust allir nær-
staddir og ekki síst heimamenn
sem enn muna sem gerst hafi í gær
þegar Íslendingar, fyrstir þjóða, við-
urkenndu sjálfstæði Litháen 1991.
„Húrra fyrir Íslandi!“ ómaði um
salarkynnin og það sem vera átti
fræðilegt málþing um stöðu glæpa-
sagnagerðar á Norðurlöndunum
og í Eystrasaltsríkjunum breyttist
skyndilega í íslenska sigurhátíð.
Arnaldi fagnað í Vilníus:
Húrra Ísland
ÖND Á HAUSTGÖNGU Haustið í Póllandi er
milt og fallegt þetta árið og því spígspora
menn og málleysingjar um laufi þakta
göngustíga skrúðgarðanna í Varsjá.
FRÉTTABLAÐIÐ/AP