Fréttablaðið - 15.11.2005, Side 36

8 ■■■■ { norðurland } ■■■■■■■■■■■■■■■■■■■■■■■■■■■■■■■■■■■■■■■■■■■■■
Fjögurra stunda
jólanautnir
Þar sem tíminn stendur í stað og magamálið fær að
stjórna í sátt við íslenskar listir og heimilislega natni og
umhyggju.
Friðrik Valur Karlsson, matreiðslu-
meistari og eigandi veitingastaðar-
ins Friðriks V Brasserie á Akureyri,
er á góðri leið með að verða skær-
asti kokkastjarna landsins og lands-
mönnum að góðu kunnur eftir dýr-
indis uppskriftir og dugandi eld-
húsráð í morgunþáttum Gests Ein-
ars Jónassonar á Rás 2, þar sem þeir
Norðlendingarnir skiptast á skoð-
unum um það sem gleður magann.
„Það er nú varla að manni finn-
ist maður vera í útvarpi þegar mað-
ur fær sér morgunkaffi með Gesti
Einari, en ég tek með mér uppskrift
og hef reyndar óskaplega gaman af
því að tala um mat og Gestur Einar
er óhræddur við að spyrja af van-
kunnáttu leikmannsins. Í fyrstu
fannst mér hugmyndin um upp-
skrift í útvarpsþætti hæpin, en mið-
að við fjölda heimsókna á heimasíð-
una og þau hundruð símtala og
tölvupósts sem ég fæ eftir þættina
sé ég að þörfin er mikil,“ segir Frið-
rik sem gaf sjálfum sér veitinga-
staðinn Friðrik V í 31. árs afmælis-
gjöf árið 2001. Vaffið er tilkomið af
millinafni hans, Valur, en vísar
einnig í þá staðreynd að Friðrik V
Brasserie er sá fimmti fyrir norðan
sem nýtur töfrabragða Friðriks í
eldhúsinu, en sjálfur nam hann
matreiðslu á Hótel Holti í Reykjavík.
„Ég er alinn upp á Akureyri eins
og konan mín Arnrún Magnúsdótt-
ir. Ég vil hvergi annars staðar vera.
Sumir fyrir sunnan reyndu fortölur
þegar ég vildi norður í veitinga-
rekstur, en þótt fyrsta árið hafi ver-
ið æði strembið sé ég bara kostina í
dag. Við hjónin erum í þessu af
hjartans lyst og djúpt á gróðahug-
sjóninni. Hér geri ég nákvæmlega
það sem mér sýnist og það hefur
virkað vel í landsmenn, sem margir
gera sér ferð úr Reykjavík til þess
eins að fá sér að borða. Þá er Eyja-
fjörðurinn ríkulegt landbúnaðar-
hérað og ég í nánum tengslum við
byrgja sem ég er stoltur af,“ segir
Friðrik sem heillaðist af „slow
food“-stefnunni þegar hann sótti
sér innblástur til Ítalíu, en í janúar
ár hvert fer hann víða um heim til
að nema nýja matarmenningu og
aðferðir.
„Hugmyndin að „slow food“-
stefnunni er styttra bil á milli fram-
leiðenda og neytenda; að vita allt
um hráefnið og að veitt er í sam-
lyndi við náttúruna. Það hefur fyllt
mig stolti að vekja athygli fyrir að
nota ferskt hráefni úr héraðinu, en
ég veit hvar og hvenær gæsin var
skotin, hver skaut hreindýrið og
númer þess, frá hvaða bæ nautið er,
hvenær því var slátrað og hvað það
vó, hvenær og hvar bláberin voru
týnd og gsp-staðsetningu veiði-
staðar sjávarfangsins,“ segir Friðrik
brosmildur, en líkja má heimsókn á
Friðrik V Brasserie við heimsókn á
lítið, ítalskt fjölskylduveitingahús.
„Fólk gerir kröfu um að hitta
mig yfir borðhaldinu og ég labba
mikið inn í sal til að spjalla við
gestina. Veitingahúsið er ástríða hjá
okkur hjónunum og við mikið á
tánum, en þetta er fjölskyldustaður
og mín upplifun að gestirnir séu að
koma í persónulega heimsókn,“
segir Friðrik sem þann 18. nóvem-
ber byrjar með jólahlaðborð þar
sem hver og einn getur notið mat-
arins á þeim hraða sem hann kærir
sig um.
„Lengi vel fannst mér Íslendingar
vera vitleysingar sem ekki kynnu að
fara á jólahlaðborð, því þeir stóðu í
löngum biðröðum með reykt svína-
kjöt og graflaxsósu á diskum sínum
og hrúguðu eins og hægt var í hverri
ferð. Svo fór ég sjálfur og ætlaði að
gera þetta á yfirvegaðan hátt, en
skildi ástandið betur eftir að hafa
staðið í korters biðröð við forréttina
eina saman. Þá ákvað ég að bjóða
upp á annars konar jólahlaðborð þar
sem gestum eru færð sjö sett af mis-
munandi jólamat á hvert borð og
þeir geta nostrað við matinn í fjóra
tíma, sem er skemmtilegasta formið
fyrir stað af okkar stærð,“ segir Frið-
rik sem hefur jólaveisluna girnilegu
á boðstólum öll föstudags- og laug-
ardagskvöld fram að jólum.
Heima er best }
Norðurland skipar sess í hjarta mér…
…vegna þess að það er svo gott að koma heim. Eyja-
fjörður og Þingeyjarsýslan ægifögur og svo slappa ég
hvergi betur af. Helgi hjá Möggu systur og fjölskyldu í
Mývatnssveit er eins og vika á heimsins besta heilsuhæli.
Svanhildur Hólm Valsdóttir, sjónvarpskona á Stöð 2:
Heimsins besta heilsuhæli
HEIMSKOKKUR NORÐURLANDS Friðrik Valur Karlsson, eigandi Friðriks V Brasserie, hefur hafið meðhöndlun norðlenskra matvæla og
matreiðslu á æðsta plan. FRÉTTABLAÐIÐ/KRISTJÁN J. KRISTJÁNSSON
Full búð af nýjum vörum!
Mesta
úrval af skóm
norðan heiða og þótt víðar
væri leitað. Mössubúð hefur allt
það nýjasta í skóm fyrir alla aldurshópa.
Erum einnig með töskur, handgert skart,
leðurhanska og seðlaveski.
Hlökkum til að sjá ykkur á torginu
Massa, Guðrún , Laufey og Ásta Björg
08-09 Norðurland-lesið 14.11.2005 16:19 Page 2