Fréttablaðið - 15.11.2005, Page 42

Rómantík hefur löngum þótt umlykja
lífið á heimavistum landins. Oft getur
myndast mikil stemming á vistinni eins
og gefur að skilja þegar fólk á svipuðum
aldri býr hlið við hlið svo mánuðum
skiptir. Verkmenntaskólinn á Akureyri
og Menntaskólinn á Akureyri reka sam-
eiginlega heimavist þar sem nemendur,
langan veg frá heimahögum, geta feng-
ið vist á meðan á náminu stendur.
Sigmundur Magnússon vinnur á
heimavistinni og er titlaður húsbóndi á
svæðinu. Spurður hvað felist í starfi
hans segir hann það fyrst og fremst
vera umsjón með íbúunum ásamt því
að halda uppi aga og sjá til þess að
þetta stóra heimili og heimilislíf gangi
sem allra best.
Hann segir starfið öllu viðameira en
venjulegt húsvarðarstarf. „Ég er eins
konar pabbi hérna á svæðinu og ung-
mennin geta leitað til mín með ýmis
mál en þá reyni ég að leiðbeina þeim
eftir bestu getu.“
Sigmundur segir að oft geti myndast
mikil stemming á vistinni. „Það er oft
mikið fjör hérna hér og svo er félagslíf-
ið í skólunum mjög öflugt þannig að
það getur orðið ansi glatt á hjalla.“
Að sögn Sigmundar eru rúmlega
þrjú hundruð nemendur sem búa á
heimavistinni hverju sinni og þeir koma
úr öllum áttum. „Flestir koma af Norð-
vestur- og Norðausturlandi en einnig
eru nemendur sem koma að austan og
einstaka fólk af Suðurlandi, þannig að
það er í raun fólk alls staðar frá sem býr
hér á vistinni.“
Ernir Freyr Gunnlaugsson býr á
vistinni og er einn af sex fulltrúum í
svokölluðu heimavistarráði. Hann lætur
vel af dvölinni og segir gott andrúms-
loft einkenna vistina. Spurður hvort
vottur af rómantík liggi í loftinu þegar
líða tekur á veturinn jánkar hann því.
„Það er ávallt eitthvað um að fólk
pari sig saman á vistinni, enda er það
eðlilegt þegar fólk er svona mikið sam-
an í langan tíma.“
VMA og MA reka sameiginlega heimavist:
Rómantík og bræðralag
■■■■■■■■■■■■■■■■■■■■■■■■■■■■■■■■■■■■■■■■■■■■ { norðurland } ■■■■ 15
Á undanförnum árum hefur Húsa-
víkurbær þróast út í mikinn
safnabæ þar sem kennir margra
grasa. Að sögn Reinhards Reynis-
sonar bæjarstjóra hefur mikill
uppgangur verið í bænum á und-
anförnum árum og eiga söfnin á
staðnum stóran þátt í því að
byggja upp þá sterku ferða-
mannaþjónustu sem nú blómstrar
þar á bæ.
Safnahúsið á Húsavík er
stærsta safnið í bænum og er það
alfarið rekið af sveitarfélaginu
sjálfu. Það samanstendur af
nokkrum söfnum sem hafa að
geyma hina ólíkustu hluti. Þar má
telja Byggðasafnið sem staðsett er
á efstu og neðstu hæð Safnahúss-
ins. Meginmarkmið með því er að
varðveita hvers kyns muni úr hér-
aðinu sem hafa eitthvert menn-
ingarsögulegt gildi. Einnig er vert
að minnast á Sjóminjasafnið og
Héraðsskjalasafnið sem einnig eru
staðsett í Safnahúsinu sjálfu.
Þá rekur bæjarfélagið einnig
Náttúrugripasafn en megintil-
gangur þess er að vekja athygli
ferðamanna og annarra á íslensk-
um náttúrugripum. Þekktasti
gripur safnsins er án vafa Gríms-
eyjarbjörninn; uppstoppaður ís-
björn sem unninn var í Grímsey
veturinn 1969.
Fyrir utan söfnin sem bæjarfé-
lagið rekur sjálft má nefna Hið ís-
lenska reðursafn sem nýlega var
flutt frá Reykjavík til Húsavíkur,
og þá er Hvalamiðstöðin á Húsa-
vík afar merkilegt safn og einstakt
í sinni röð; helgað öllu sem teng-
ist hvölum og hvalveiðum. Það
safn hefur á undanförnum árum
átt auknum vinsældum að fagna
meðal erlendra ferðamanna sem
eiga leið um svæðið.
Því má með sanni segja að
Húsavík beri höfuð og herðar yfir
önnur sveitarfélög á Norðurlandi
þegar fjöldi safna er annars vegar.
Ljóst er að með tilkomu allra þess-
ara merkilegu safna eiga ferða-
menn í auknum mæli eftir að
sækja heim þennan mikla menn-
ingarbæ.
FRÉTTABLAÐIÐ/GVA
Safnabærinn Húsavík:
Sjóminjar og ísbirnir
GLAMPAR Í AUGUM UNGA FÓLKSINS Rómantík á menntaskólaárunum er samofin
íslenskri menntasögu, en hvort amor hafi skotið ástarörvum sínum að þessum
norðlensku ungmennum fullyrðum við ekkert um. FRÉTTABLAÐIÐ/KRISTJÁN J. KRISTJÁNSSON
MATAST Í MA Lagt hefur verið til að sjoppufæði verði bannað í menntaskólum landsins,
en heilsusamlegt fæði verði skilyrði á matseðlum menntskælinga.
BESTU ÁR ÆVINNAR Menntaskólaárin eru tími dýrmætrar vináttu og ævarandi og
auðgandi kynna.
14-15 Norðurland-lesin 14.11.2005 16:30 Page 2