Fréttablaðið - 15.11.2005, Qupperneq 51

ÞRIÐJUDAGUR 15. nóvember 2005 23
Tilkynningar um merkisatburði,
stórafmæli, andlát og jarðarfarir í
smáletursdálkinn hér að ofan má senda
á netfangið timamot@frettabladid.is.
Auglýsingar á að senda á
auglysingar@frettabladid.is eða hringja
í síma
550 5000.
Mikill fjöldi hestamanna safnaðist saman um
helgina til að fagna á árlegri uppskeruhátíð
hestamanna á Broadway. Kátir hestamenn
skemmtu sér hið besta undir góðri stjórn
Jóhannesar Kristjánssonar eftirhermu. Á
þessum tímamótum eru veittar viðurkenn-
ingar fyrir góðan árangur á liðnu ári sem var
viðburðarríkt í meira lagi. Íslendingar stóðu
sig með stakri prýði á heimsmeistaramóti sem
haldið var í Svíþjóð í sumar og komu þaðan
hlaðnir verðlaunum. Bar þar hæst heims-
meistaratitill í fjórgangi, fimmgangi og tölti.
Að þessu sinni hlaut hinn ungi Sigurður
Straumfjörð Pálsson verðlaunin efnilegasti
knapinn. Þórður Þorgeirsson er svo gott sem
áskrifandi að titlinum kynbótaknapi ársins
og Árni Björn Pálsson var kosinn besti gæð-
ingaknapinn. Hinn gamalreyndi Sigurbjörn
Bárðarson hreppti skeiðknapatitilinn. Ekki
gat dómnefndin gert upp á milli Jóhanns
Skúlasonar heimsmeistara í tölti og Styrm-
is Árnasonar heimsmeistara í fimmgangi og
deildu þeir því með sér titlinum íþróttaknapi
ársins. Hápunktur kvöldsins var tilkynning
um knapa ársins. Þau Samúel Örn Erlings-
son, sem þetta kvöld var kosinn á lista Fram-
sóknar í Kópavogi, og Brynja Þorgeirsdóttir,
sem hefur gert hestinum góð skil í þættinum
Kóngur um stund, veittu verðlaunin sem að
þessu sinni fóru til Sigurðar Sigurðarsonar
sem svo eftirminnilega sigraði í fjórgangi á
heimsmeistarmótinu á hestinum Silfurtoppi
frá Lækjarmóti. ■
Hestamenn uppskera laun erfiðisins
KNAPI ÁRSINS Sigurður Sigurðarson hlaut
hinn eftirsótta titil Knapi ársins.
MYND/UNA SIGURÐARDÓTTIR
Listahátíð Neskirkju, Tónað inn
í aðventu, verður sett í dag með
óratoríunni La Santissima Trin-
ita eða Hin heilaga þrenning eftir
meistarann Alessandro Scarlatti
(1660-1725). Verkið er samið fyrir
einsöngvara og barokkstrengi en
sönghópurinn Rinacente flytur
verkið ásamt hljóðfæraleikurum.
Þetta er í annað sinn sem lista-
hátíð er haldin í Neskirkju og er
stefnan að hafa þetta árlegan við-
burð. Dagskrá hátíðarinnar ein-
kennist af mikilli fjölbreytni þó
höfuðáherslan sé lögð á tónlist.
Flutt verða verk frá ólíkum tíma-
bilum tónlistarsögunnar, allt frá
frumbarokki til samtíma popptón-
listar. Listrænn stjórnandi hátíð-
arinnar er Steingrímur Þórhalls-
son organisti við Neskirkju. ■
Tónað inn
í aðventu
NESKIRKJA Listahátíð Neskirkju hefst í dag
með flutningi óratoríunnar Hin heilaga
þrenning.
AFMÆLI
Hjálmar Árnason
þingmaður er 55
ára.
Snæbjörn Arn-
grímsson bókaút-
gefandi er 44 ára.
FÆDDUST ÞENNAN DAG
1887 Georgia
O‘Keefe lista-
maður.
1891 Erwin Romm-
el herforingi.
LAMPAR Á LOFTI Kveikt var á fjölda lampa í
norðurhluta Taílands nýlega á yfirstandandi
Loy Kratong hátíð. AP/REUTERS