Fréttablaðið - 15.11.2005, Page 71

15. nóvember 2005 ÞRIÐJUDAGUR42
�����������
���������� ��������� ������
�����������
� � � � �
���������
�������� ���
�����
LÁRÉTT: 2 sleipur 6 skammstöfun 8 eyða
9 tilvist 11 skóli 12 róta 14 væg bólga
16 íþróttafélag 17 starfsgrein 18 gæfa
20 klukkan 21 rænuleysi.
LÓÐRÉTT: 1 dans 3 löng og lág hæð
4 klapp 5 háttur 7 holdsveikur 10 fley
13 skarð 15 blóðsuga 16 nögl 19 lík.
LAUSN
HRÓSIÐ
...fær séra Þórhallur Heimisson
fyrir að fræða brottflutta
Íslendinga um Da Vinci lykilinn.
1
6 7 8
10
13
119
12
15
16
18
21
20
17
14
19
2 3 4 5
LÁRÉTT: 2 háll, 6 al, 8 sóa, 9 líf, 11 fg,
12 skara, 14 þroti, 16 kr, 17 fag, 18 lán,
20 kl, 21 óráð.
LÓÐRÉTT: 1 vals, 3 ás, 4 lófatak, 5 lag,
7 líkþrár, 10 far, 13 rof, 15 igla, 16 kló,
19 ná.
Dótið? Tvíundarúr.
Sem er? Úr sem notast við tví-
undarkerfið sem er kerfi þar sem
einungis er notast við tölurnar 0
og 1.
Ef þú hefur einhvern tímann átt
erfitt með að greina hvað klukkan
er þarftu ekki að hafa áhyggjur
lengur. Þú getur verið með tvíund-
arúrið og sagt með stolti að þú
hafir ekki hugmynd um hvað klukk-
an er. Enginn sem ekki kannast
við flókið tvíundarkerfið veit hvað
klukkan er á þessu úri þannig að
þú þarft ekkert að skammast þín.
Ástæðan fyrir því að vera með úrið
er að sjálfsögðu sú hversu svalt
það er. Þú ert með það á úlnliðn-
um því það er flott en ekki af því
að þú vilt vita hvað klukkan er.
Úrið segir í rauninni tvo hluti um
þig: annað hvort að þú sért svo
tæknivæddur að þú getir notað
svona úr eða að þú sért of svöl
manneskja til að þurfa að vita hvað
klukkan sé.
Gallar? Auðvitað er það galli að
vera með úr en vita samt ekki
hvað klukkan er. Þú gætir orðið
að athlægi af þessum sökum.
Nördastimpillinn gæti auðveldlega
límst við þig.
Kostir? Hver vill ekki vera með flott
tvíundarúr með flottum ljósum
og undarlegum táknum? Svört
leðuról fylgir auk þess sem það er
gert úr ryðfríu stáli. Einnig er það
vatnshelt.
Verð? Úrið kostar um það bil sex
þúsund krónur á heimasíðunni
iwantoneofthese.com, fyrir utan
sendingarkostnað.
Hvernig fannst þér
Hostel, hin nýja
kvikmynd Eli Roth?
Hugleikur Dagsson rithöfundur
,,Mér fannst Hostel vera þrusugóð mynd.
Ég er mjög hrifin af frásagnaraðferðum Eli
Roth. Þetta byrjar allt svona
frekar rólega en síðan er
manni hent í djúpu laugina,
það er að segja ef djúpa
laugin er full af blóði. Síðan
leysist þetta upp í hálfgert
vonleysi aðalpersónunnar
og þannig eiga hryllingsmyndir að vera að
mínu mati.“
Frosti Logason útvarpsmaður
,,Mér fannst hún bara ágæt.
Mér fannst auðvitað það
besta við myndina þegar
splatterinn byrjaði undir
lokin, ég var hrifnastur af því.
Einnig var ég nokkuð hrifin af
austur-evrópska elementinu
í myndinni. Það var velkomin tilbreyting frá
öllu þessu Hollywood-dæmi.“
Móeiður Júníusdóttir söngkona
,,Mér fannst hún nokkuð
góð, hún kom mér töluvert á
óvart. Þar er nú alltaf gaman
að láta pína sig og hræða
svolítið. Það tókst alveg
þannig að ég labbaði sátt út
úr salnum í lokin.“
Haukur Ingi Guðnason knattspyrnu-
maður
,,Miðað við eðli slíkra mynda
fannst mér hún bara skila
sínu og var bara nokkuð
góð. Mér fannst hún vel
gerð. Auðvitað voru nokkur
óhugnanleg atriði og það
fór stundum um mann við
áhorfið en til þess er leikurinn gerður. Hroll-
vekjur eru kannski ekki þær myndir sem ég
hef mest gaman af en miðað við að Hostel
gaf sig út fyrir að vera hryllingsmynd allt frá
byrjun þá var hún bara góð.“
Karl Pétur Jónsson, framkvæmda-
stjóri Inntaks Almannatengsla
,,Mér fannst þetta vera fín
mynd. Ég er nú ekki mikill
aðdáandi hryllingsmynda en
það er ekki oft sem maður
sér svona mynd sem hefur
einhver skilaboð fram að
færa. Það er kómískt og mót-
sagnarkennt að hún gagnrýnir það að fólk
vilji borga fyrir að sjá hrylling. Þá var Eyþór
Guðjónsson frábær í hlutverki sínu.“
Í kvöld verður heimildarmyndin Skuggabörn sýnd
í Ríkissjónvarpinu. Þar er fylgst með ferð blaða-
mannsins Reynis Traustasonar í undirheima Íslands
en myndin hefur vakið þó nokkrar deilur. „Ég er
eingöngu viðfangsefni eins og aðrir sem koma fram
í myndinni og hún var algjörlega í höndum Þórhalls
Gunnarssonar og Lýðs Árnasonar,“ útskýrir Reynir.
„Ég tók þá ákvörðun strax að þeir réðu lokaútkom-
unni,“ bætir Reynir við en tekur fram að honum þyki
myndin vera sláandi og unnin á faglegan hátt.
Lögbannskröfu yfir myndinni var hafnað eftir að
leikstjórar samþykktu að klippa burt nokkur atriði.
Reynir segist una þeirri ákvörðun og segist vel geta
skilið ef menn vilji sýna samúð. „Ég er mjög sáttur
við bæði Þórhall og Lýð.“
Það var Páll Bragi, forstjóri Eddu útgáfu, sem kom
að máli við Reyni og spurði hvort hann hefði áhuga á
að skrifa bók um þetta málefni. „Ég tók mér dágóðan
tíma til umhugsunar en þegar allt kom til alls vildi
ég sýna góðborgurum landsins inn í hugarheim dóp-
ista og forða þar af leiðandi börnum frá þeirri hel-
vítisvist sem þeirra veröld er,“ segir Reynir og vísar
því algjörlega á bug að hér hafi einfaldlega átt að búa
til metsölubók um málefni sem hefur verið mikið í
umræðunni. „Ég hef skrifað bækur sem ég hugsaði
fyrir metsölu en sú hugsun læddist aldrei að mér við
gerð þessarar bókar,“ segir Reynir og útskýrir enn
fremur að hann hafi vingast við margt af þessu fólki.
„Það tók mikið á að fylgjast með fólkinu og maður fór
að hafa miklar áhyggjur af því,“ segir hann. „Hugs-
unin um þjóðþrifaverk var miklu nær en hugmyndin
um gróða.“ - fgg
Sáttur við útkomuna
REYNIR TRAUSTASON Heimildarkvikmynd um ferð hans í undir-
heima Reykjavíkur hefur þegar vakið nokkrar deilur og sitt sýnist
hverjum. FRÉTTABLAÐIÐ/E.ÓL.
DÓTIÐ TVÍUNDARÚR
Hvað er klukkan?
Í dag kemur út Jónsbók, saga Jóns
Ólafssonar athafnamanns, sem er
skráð af Einari Kárasyni. Bókin
kom úr prentun í gær og var Jón
mættur í prentsmiðjuna Odda þar
sem hann beið eftir fyrstu ein-
tökunum. Helga eiginkona hans
og Friðrik sonur hans voru með
honum í för og biðu jafn spennt
eftir að sjá útkomuna. Eintökin
áttu að koma um þrjúleytið en
smá seinkun varð á. Jón tók öllu
með stóískri ró og sagði sögu
af kvikmyndaframleiðanda hjá
Paramount á meðan. Ef einhver
veit að tíminn er peningar þá er
það Jón Ólafsson.
Jón segir bókina ekki vera ævi-
sögu heldur baráttusögu. Sjálfur
stóð hann í útgáfustarfsemi í þrjá-
tíu ár en er nú orðinn að útgáfu-
efni og sagði þá tilfinningu vera
undarlega. „Það er skrýtið að vera
kominn hinum megin við borðið,“
útskýrir hann. Í því augnabliki
opnaðist hurðin inn í prentsalinn
og þá gafst tækifæri til að líta á
gripinn.
„Þetta er ég,“ sagði Jón og benti
á þykka doðranta sem biðu eftir
því að vera pakkað inn. Yrkis-
efnið vildi þó ekkert gefa upp um
efni bókarinnar og sagðist ætla
að tjá sig um efni hennar í dag.
„Ég er víst í fjölmiðlabindindi,“
útskýrði hann og benti á Pál Vals-
son, útgáfustjóra hjá Eddu. Hann
brosti bara. „Það er allavega búið
að bóka þetta,“ sagði athafnamað-
urinn og hló.
Fjölskyldan flettir í gegnum
bókina, sem er um fimm hundruð
blaðsíður. Hana prýða ljósmynd-
ir sem aldrei hafa komið fyrir
almenningssjónir. Helga og Frið-
rik sjá myndir af sér og skella upp
úr. Fjölskyldan skoðar síðan bók-
ina saman og stoppar við sumar
síðurnar. „Þetta er mjög smart og
ég er virkilega ánægður með það
sem Edda hefur gert. Umgjörðin
er æðisleg,“ sagði Jón. Útgáfu-
stjóranum var augljóslega létt
enda veit Jón það af fyrri reynslu
að kápan skiptir ekki síður máli
en innihaldið. „Það er ekki létt að
gera mér til geðs,“ bætti hann við
og brosti. Í dag verður útgáfuteiti
haldið og öllum sem nefndir eru á
nafn í bókinni hefur verið boðið.
Jón vonaðist til að sem flestir
sæju sér fært að mæta. „Það er
þannig að fyrir mér eru allir jafn-
ir, hvort sem það eru vinir eða
fjandmenn.“
freyrgigja@frettabladid.is
JÓN ÓLAFSSON: VONAST TIL AÐ SJÁ SEM FLESTA Í ÚTGÁFUTEITINU
Þetta er ekki ævisaga
heldur baráttusaga
JÓN ÓLAFSSON