Fréttablaðið - 17.02.2006, Qupperneq 6

6 17. febrúar 2006 FÖSTUDAGUR
�����������������������������
�������������
��
��
��
��
��
��
�
Dró sér fé Kona á fertugsaldri var
fyrir skemmstu dæmd í þriggja ára skil-
orðsbundið fangelsi fyrir að hafa dregið
sér rúmlega fjórar milljónir króna sem
þjónustufulltrúi í útibúi Íslandsbanka
á Húsavík. Konan hefur endurgreitt
upphæðina að fullu.
HÉRAÐSDÓMUR
ALDRAÐIR Um níutíu aldraðir ein-
staklingar, sem lokið hafa með-
ferð, dvelja á bráðadeild Landspít-
ala - háskólasjúkrahúss og komast
hvergi vegna skorts á úrræðum til
vistunar.
„Þetta fólk er eins og fangar
inni á spítala,“ sagði Ásta Ragn-
heiður Jóhannesdóttir, Samfylk-
ingunni, á Alþingi í gær.
„Ég veit dæmi þess að þó nokkr-
ir aldraðir hafa búið við þessar
aðstæður í heilt ár og jafnvel
lengur. Það er verið að ræna þetta
fólk lífsgæðum á efri árum,“ sagði
Ásta og spurði Jón Kristjánsson
heilbrigðisráðherra hvort ætlunin
væri að bregðast við vandanum.
Jón sagði að umræddir sjúk-
lingar byggju við erfiðustu
aðstæðurnar þar sem bráðveikir
gengju fyrir á þeim deildum auk
þess sem annað gengi þar fyrir
en að gera aðstæður heimilisleg-
ar. Hann sagði að 89 biðu vistar,
þar af 62 á öldrunarsviði, 13 á
lyflækningasviði, 8 á skurðlækn-
ingasviði, 2 á endurhæfingarsviði
og 4 á öðrum sviðum. Fimm hafa
beðið vistunar í meira en eitt ár
sagði Jón.
Spurt var einnig hvort komið
yrði til móts við sjúklinga sem
þyrftu á súrefnisgjöf að halda
með hærri daggjöldum.
Jón sagði að að þegar væri
greitt fyrir súrefniskostnað og
ekki stæði til að breyta því. - jh
Dæmi um að aldraðir bíði á bráðadeild að lokinni meðferð í meira en ár:
Eins og fangar á sjúkrahúsi
ÓFREMDARÁSTAND Um 90 aldraðir dvelja á
bráðadeild Landspítalans og komast hvergi
vegna húsnæðisskorts.
HAÍTÍ, AP Haítíbúar fögnuðu á götum
úti í gær er út spurðist að Réne Pré-
val, fyrrverandi
forseti, sem nýtur
mikilla vinsælda
meðal hinna
fátækustu í röðum
e y j a r s k e g g j a ,
hefði verið lýstur
sigurvegari for-
setakosninganna
sem fram fóru í
síðustu viku.
Kjörstjórn lýsti
Préval sigurvegara, með 50,1 pró-
senta fylgi, um kl. 1.30 í fyrrinótt
að staðartíma og afstýrði þar með
frekari uppþotum þar sem stuðn-
ingsmenn Prévals voru farnir að
láta ófriðlega og saka bráðabirgða-
stjórn landsins um að beita svik-
um til að hafa sigurinn af þeirra
manni. - aa
RENE PRÉVAL
Forsetakosningar á Haítí:
Préval lýstur
sigurvegari
SAKAMÁL „Mín persónulega skoðun
er sú að ekki hafi verið um götu-
gengi að ræða heldur tel ég mun
líklegra að þarna hafi atvinnu-
menn verið á ferð,“ segir Fuent-
es Real yfirlögregluþjónn í aust-
urhluta El Salvador um morðið
á Jóni Þór Ólafssyni og Brendu
Salinas Jovel. „Ég get ekkert sagt
um rannsóknina annað en það að
hún er í fullum gangi og lögreglan
hefur sett hana í algjöran forgang
og nýtur aðstoðar sérsveitar lög-
reglunnar.“
Í líkhúsi Instituto De Medicina
Legal Doctor Roberto Masferrer
þar sem líkin voru rannsökuð
fengust þær upplýsingar að Jón
hefði verið skotinn tólf skotum og
Brenda sautján.
Einar Sveinsson, eiginmað-
ur ræðismanns
Íslands í El
Salvador, hefur
verið að aðstoða
ættingja Jóns við
að fá líkið heim
en hann vill ekki
geta sér til um
hvenær það mál
verði í höfn. Hann hefur einnig
verið í sambandi við lögregluyfir-
völd þar í landi vegna þessa máls,
en það var Einar sem bar kennsl á
Jón í líkhúsinu á mánudag.
Violeta Polanco, upplýsinga-
fulltrúi lögreglunnar, segir að í
síðasta mánuði hafi 317 morð verið
framin í landinu og talið er að 60
til 70 prósent af þeim séu framin
af götugengjum eða einhverjum
tengdum þeim. Ekki hafði Polanco
tölur um það hversu mörg mál lög-
reglan hafði leyst.
Á síðasta ári voru 180 manns
handteknir fyrir morð sem er
aðeins brot af þeim morðum sem
framin eru, en þó ber þess að
minnast að oft hefur sami mað-
urinn mörg morð á samviskunni.
Real segir að hverfið Zona Rosa
þar sem Jóni Þór og Brendu var
rænt sé mjög hættulegt hverfi og
hann undrast að þau skyldu hafa
verið þar að næturlagi.
Í dagblaðinu La Prensa Graf-
ica segir frá nýlegri könnun sem
gerð var í El Salvador en sam-
kvæmt henni telja um 40 prósent
landsmanna að stærsta vandamál
landsins sé óöryggi sem fólk finn-
ur fyrir vegna ofbeldis sem þar
viðgengst en álíka margir nefna
efnahagsástandið.
Ekki náðist samband við utan-
ríkisráðherra Íslands vegna máls-
ins.
jse@frettabladid.is
Rannsókn morðsins
í algjörum forgangi
Lögreglan í El Salvador vinnur hörðum höndum að rannsókn morðsins á Jóni
Þór Ólafssyni og Brendu Salinas Jovel. Hann var skotinn tólf skotum og hún
sautján. Yfirlögregluþjónn telur atvinnumenn hafa verið að verki.
KJÖRKASSINN
Gafstu blóm í tilefni Valentínus-
ardagsins?
Já 7,9%
Nei 92,1%
SPURNING DAGSINS Í DAG
Óttastu að fuglaflensan berist
hingað til lands?
Segðu þína skoðun á Vísir.is
Dæmdur ósakhæfur Hæstiréttur
staðfesti í gær dóm héraðsdóms yfir
geðveikum manni sem ofsótti réttar-
lækni eftir að hann hafði gert erfða-
rannsóknir í faðernismáli sem maðurinn
tengdist. Maðurinn var úrskurðaður
ósakhæfur sökum geðveiki, en var gert
að greiða lækninum 300 þúsund krónur
í miskabætur.
HÆSTIRÉTTUR
Tveir lentu utan vegar Tveir bílar
óku út af Ólafsfjarðarvegi snemma
í gærmorgun. Veður og skyggni var
slæmt og misstu ökumennirnir í
báðum tilvikum sjónar á veginum.
LÖGREGLUFRÉTT
Biður Íslendinga um hjálp
„Við höfum ekki hugmynd um það
hverjir voru þarna að verki,“ segir
Blanca Nuries Jovel de Martinez,
móðir Brendu Salinas Jovel, sem
fannst látin ásamt Jóni Þór Ólafssyni í
El Salvador. „Hér er mikið um ofbeld-
isverk en þó ekki jafn hryllileg og
þetta. Svo hafa fjölmiðlar tekið þessa
umfjöllun af dagskrá síðustu daga og
ég veit ekki af hverju en það lítur jafn-
vel þannig út að einhverjir hagsmunir
spili þarna inn í. Hann vann jú fyrir fyr-
irtæki sem er að gera mjög mikilvæga
hluti fyrir landið okkar.“
Hún segir að Brenda hafi verið ekkja
en maður hennar var myrtur árið
2000. „Ég á tvær aðrar dætur og tvo
drengi en svo átti Brenda tvö börn
tíu og sex ára. Nú þegar maður horfir
upp á það að fólk sem á svo glæsta
framtíð er tekið af lífi vil ég óska eftir
því að Ísland og í raun allar þjóðir
heimsins komi okkur í til hjálpar hér
í El Salvador því við búum við ástand
sem er óviðunandi og enginn virðist
ráða við.“
Fjölskylda Brendu rekur öryggis- og
leyniþjónustufyrirtæki. Brenda starfaði
hjá fyrirtækinu. Hyggst fjölskyldan
rannsaka málið upp á eigin spýtur.
Hún telur líklegt að leigumorðingjar
hafi unnið ódæðisverkið en ekki hin
illræmdu götugengi. „Þeir báðu ekki
um peninga eða neitt og þeir hafa
ekki haft í frammi hótanir við okkur.
Þau voru einu sinni áður tekin í
gíslingu í hverfinu þar sem þeim var
rænt nú um helgina. Í það skiptið voru
peningarnir teknir af þeim og þeim
svo sleppt,“ segir hún að lokum.
JÓN ÞÓR ÓLAFSSON
FRÁ VETTVANGI Þessi mynd var tekin á
vettvangi. Nú er rannsókn í fullum gangi
og er sérsveit lögreglunnar að vinna að
henni ásamt lögreglu.
ÍRAK, AP Innanríkisráðuneyti Íraks
kannar nú hvort íraska lögreglan
hafi gert út vígasveitir, að sögn
yfirmanns innan ráðuneytisins í
gær.
Tilkynnt var um rannsóknina
eftir að 12 lík fundust á þremur
mismunandi stöðum í sjíahverfi
Bagdadborgar en ummerki bentu
til þess að vígasveit hefði skotið
mennina og losað sig svo við líkin.
Hussein Kamal, aðstoðarinn-
anríkisráðherra Íraks, sagði að
ákvörðunin um rannsóknina hefði
verið tekin eftir að bandarískir
hermenn handtóku 22 menn í lög-
reglubúningum með súnní araba
nokkurn sem þeir ætluðu að svipta
lífi í síðasta mánuði. Bandarískir
hermenn hafa fundið sannanir á
því að mennirnir í vígasveitinni
séu meðlimir vegalögreglu innan-
ríkisráðuneytis Íraks, er haft eftir
yfirmanni innan bandaríska hers-
ins á fréttasíðu bandaríska blaðs-
ins the Chicago Tribune í gær.
Lík súnní araba, með bundið
fyrir augu þeirra, kefluð og skot-
in í höfuðið, hafa verið að finnast
mánuðum saman í Bagdad. Leið-
togar súnní araba segja síja-mús-
líma í lögreglu- eða herbúning-
um bera ábyrgð á þeim, og fagna
súnní arabar rannsókninni. - smk
Íraska ríkisstjórnin hrindir af stað rannsókn innan lögreglu landsins:
Tilvist vígasveitar könnuð
LÖGREGLUMAÐUR Íraskur lögreglumaður fer yfir vopnabirgðir flotans. NORDICPHOTOS/AFP
TAÍVAN, AP Taívanskir stútar hafa
nú val um refsingu sína fyrir að
aka undir áhrifum áfengis. Annað
hvort greiða þeir sekt, eða þeir
spila mahjong við eldri borgara.
Sífellt færist í aukana þar í
landi að gefa minniháttar afbrota-
mönnum verkefni í þjónustu hins
almenna borgara frekar en að
senda þá í fangelsi eða láta þá
sópa götur. Mahjong spilið hefur
þegar kennt fjölmörgum stútum,
innbrotsþjófum og þeim sem birt
hafa myndir af nöktu fólki á net-
inu að sýna sér eldra fólki ást og
umhyggju, að sögn Hsu Yi-ling
sem starfar fyrir saksóknaraemb-
ættið í Norður-Taívan. - smk
Fullum bílstjórum hegnt:
Gert að spila
mahjong