Fréttablaðið - 17.02.2006, Qupperneq 8

8 17. february 2006 FRIDAY
LANDBÚNAÐUR „Það er ekkert í
hendi þó að farið yrði út í þetta,“
segir Hákon Sigurgrímsson, skrif-
stofustjóri í landbúnaðarráðu-
neytinu, um áskorun sunnlenskra
bænda þess efnis að sótt verði um
heimild til að flytja inn fósturvísa
úr erlendu kúakyni. Hákon kvað
málið ekki hafa borist til ráðu-
neytisins.
„En ef svona umsókn berst
vænti ég þess að hún verði send
yfirdýralækni og dýralækna-
ráði til umsagnar. Ég vil minna á
umsókn um tilraun af þessu tagi
sem gefið var leyfi fyrir fyrir
nokkrum árum. Sú tilraun átti
að taka sjö ár,“ segir Hákon, sem
minnir á að kúabændur hefðu þá í
almennri atkvæðagreiðslu kolfellt
það að tilraunin yrði gerð.
Ofangreind tillaga var sam-
þykkt með meirihluta atkvæða á
aðalfundi Félags kúabænda á Suð-
urlandi, sem haldinn var nýverið.
23 studdu tillöguna en tíu voru á
móti. Þar var því beint til Lands-
sambands kúabænda að sækja um
heimild til að flytja inn fósturvísa
úr erlendu kúakyni til að gera
tilraun með kynbætur á íslensk-
um kúm. Í greinargerð segir að
íslenskir kúabændur séu að verða
eftirbátar nágrannaþjóða okkar
með kúakyn.
Ekki náðist í Guðna Ágústsson
landbúnaðarráðherra sem stadd-
ur er erlendis. - jss
FÓSTURVÍSAR Sunnlenskir bændur vilja
flytja inn fósturvísa sem nýttir verða í
tilraun með kynbætur á íslenskum kúm.
Sunnlenskir kúabændur vilja gera tilraun með kynbætur á íslenskum kúm:
Kúabændur vilja fósturvísa
VEISTU SVARIÐ
1 Hversu margir hafa greinst með alnæmissmit hér á landi?
2 Í hvaða sæti lenti Dagný Linda Pétursdóttir í bruni á ólympíuleik-
unum?
3 Hvað heitir varnarmálaráðherra Rússlands?
SVÖR Á BLS. 50
HEILBRIGÐISMÁL Nýleg skýrsla
yfirstjórnar og sérfræðinga
sjúkratryggingasviðs Trygg-
ingastofnunar um notendagjöld í
sjúkratryggingum hér á landi er
„nokkuð stórorð“ og í henni „stíf-
ar fullyrðingar“ sem sumar ber
að taka með miklum fyrirvara.
Þetta segir Jón Kristjánsson heil-
brigðisráðherra.
Skýrsluhöfundar fullyrða
að einstaklingum sé mismunað
með misháum notendagjöldum í
sjúkratryggingum til dæmis eftir
aldri, heilsu, sjúkdómum og tekj-
um. Í skýrslunni segir enn fremur
að hér á landi séu notendagjöld
almennt ákvörðuð með reglugerð-
um sem settar séu af stjórnvöld-
um. Þau séu afar mismunandi
eftir málaflokkum sjúkratrygg-
inga. Skýrsluhöfundar segja að
þar virðist bæði skorta samræm-
ingu og heildaryfirsýn.
Hvað varðar mismununina
telja þeir skýringuna felast að
einhverju leyti í því að aðgengi
einstaklinga og þrýstihópa að
stjórnvöldum sé mismunandi. Ein-
staklingar í litlum og veikburða
hópum, svo sem sjúklingar með
sjaldgæfa sjúkdóma, hafi augljós-
lega minni möguleika til að hafa
áhrif á stefnu stjórnvalda heldur
en sjúklingar í sterkum hópum eða
áhrifastöðum. Skýrsluhöfundar
benda á að augljóst réttlætismál
sé að samræmt afsláttarkort gildi
fyrir alla málaflokka sjúkratrygg-
inga. Með því yrði meginreglan sú,
að því veikari sem einstaklingur-
inn sé því meiri greiðsluþátttöku
fái hann frá sjúkratryggingum.
Einnig telja skýrsluhöfundar að
ekki eigi að miða afsláttarkortið
við almanaksár eins og nú er gert,
heldur verði það hlaupandi á 12
mánaða tímabili.
„Ég hef átt fund með Trygg-
ingastofnun um þessa skýrslu,
þar sem ég beindi því í þann far-
veg að farið yrði nánar yfir hana,“
segir ráðherra. „Ég vil hafa þann
fyrirvara á skýrslunni stærstan
að notendagjöld eru mishá. Það
er víðs fjarri að mismunun felist
í því, þar sem við höfum lægri
gjöld fyrir aldraða, öryrkja og
börn. Það er vísvitandi vegna þess
að við erum að styðja þá sem hafa
lægri tekjur eða standa verr að
vígi í samfélaginu.“
Ráðherra kvaðst hafa beðið
um að ákveðin atriði yrðu athug-
uð, þar á meðal mismunandi gjöld
eftir því um hvaða sjúkdóma væri
að ræða og hins vegar að gildis-
tími afsláttarkorta væri miðaður
við almanaksárið. jss@frettabladid.is
HEILBRIGÐISRÁÐHERRA Lætur vinna sum
atriði skýrslunnar nánar.
TRYGGINGASTOFNUN Sérfræðingar segja mismunun ríkja í notendagjöldum sjúkratrygginga
þar sem sumir greiði meira en aðrir.
Fólki er ekki
mismunað
Heilbrigðisráðherra bregst hart við skýrslu sérfræð-
inga Tryggingastofnunar. Þar fullyrða þeir að ein-
staklingum hér á landi sé mismunað með misháum
notendagjöldum í sjúkratryggingum.
DANMÖRK Tveir af hverjum þrem-
ur Dönum óttast að hryðjuverk
muni muni verða framin í landinu
fyrr en síðar. Þetta er niðurstaða
nýrrar skoðanakönnunar sem
greint var frá á fréttavef Politik-
en í gær.
Mestur er óttinn meðal kjós-
enda Danska þjóðarflokksins. En
níu af tíu kjósendum flokksins
telja að öfgasinnaðir múslimar
muni láta til skarar skríða í Dan-
mörku. Lene Espersen, dómsmála-
ráðherra Danmerkur, segist ekki
geta útilokað að hryðjuverk muni
eiga sér stað. Einkum ekki eftir
hin ofsafengnu mótmæli vegna
Múhameðsteikninganna. ■
Múhameðsteikningafárið:
Danir óttast
hryðjuverk