Fréttablaðið - 09.03.2006, Blaðsíða 85

Heildsölu lagersala
Listaverð Utsöluverð frá
Utivistarjakki 29,990 11,900
Hlaupajakki 8,990 3,900
Flíspeysa 12,990 5,900
HiTec Golfskór 12,990 5,900
Fótboltaskór 13,990 5,900
Einnig mikið úrval af:
Skíðafatnaði, Utivistarfatnaði, Golffatnaði,
Iþróttafatnaði, Brettafatnaði
Barna-, unglinga- og fullorðinsstærðir
50-90% afsláttur!!
Við rýmum til á lagernum vegna sumarlínu
okkar sem kemur fljótlega til landsins.
Við seljum því eldri lager og sýnishorn á ótrúlegu verði!
www.zo-on.com
ZO-ON Iceland
Nýbýlavegur 18
(gengið inn Dalbrekku megin)
Opnunartími
Fimmtud. 14-20
Föstud. 14-20
Laugard. 10-18
Sunnud. 11-17
Mánud. 14-20
9-13 mars 2006
Fyrstur kemur,
fyrstur fær!
Komið tímanlega
því takmarkað magn er
til af öllum vörum
[ TÓNLIST ]
UMFJÖLLUN
Skoski dúettinn Arab Strap er ekki
mikið fyrir að pakka hlutum í fal-
legan pappír. Þeir eru þekktir fyrir
að færa hlustandanum mjög óslíp-
aðar plötur með djörfu, en alltaf
ótrúlega heiðarlegum textum.
Kannski ekki svo mikil furða í ljósi
þess að sveitin heitir Arab Strap,
sem er ensku heiti fyrir plastdildó
er stelpur festa á sig með beltisól-
um til að geta elskast með öðrum
stelpum. Ég ætla að leyfa ímyndun-
arafli ykkar að sjá um afganginn.
Stundum er textar söngvarans
Aidan Moffett í það miklu aðalatriði
að lögin hljóma nánast eins og ljóð-
lestur yfir indírokk. Hreimur hans
er svo ótrúlega skoskur að það er
eins og maður sé að hlusta á senu úr
Trainspotting. Maður fær það á til-
finninguna að Aidan noti texta sína
sem eins konar sáluhjálp, leið til
þess að tappa af innri pirring. Fyrir
vikið er stundum erfitt að átta sig á
því um hvað hann er að tala, en það
skiptir litlu.
Ég veit ekki alveg hvort það sé
svo góð hugmynd að nota textagerð
sína sem sáluhjálp. Þannig dreifir
textahöfundurinn bara sínum eigin
skít yfir á hlustandann, sem er
kannski ekki alltaf reiðubúinn til
þess að hlusta. Til allrar lukku er
það oftast unaður að fá að kíkja inn
í sjúkan haus herra Moffett.
Það er erfitt að segja hvort Arab
Strap séu að þróast eitthvað með
þessari nýju plötu sinni eða ekki.
Tónlistin er kannski örlítið fjörugri
en áður, en samt hljóma þeir eins og
þeir séu lokaðir inn í sínum eigin
heim. Það er ekkert lag hérna sem
grípur mann einhverjum heljartök-
um og það eru aðallega textarnir og
flutningur þeirra sem gerir þetta
áhugavert. Það er alveg óhætt að
segja að þetta sé ekkert sérlega
skemmtilegt. Það er heldur ekki
hægt að segja að þessi stöðnun komi
mikið á óvart. Að mínu mati hefur
Arab Strap ekki gert neitt sérstak-
lega áhugavert tónlistarlega síðan
Philophobia kom út árið 1998. Síðan
þá hafa þeir verið fastir á svipuðum
nótum, en þó alltaf boðið upp á góða
textagerð og hlutir vera matreiddir
nægilega hrátt svo það sé enn safi í
þeim.
Arab Strap er orðin ein af þess-
um sveitum sem gagnrýnendur
hlusta á nánast af virðingu einni
saman. Nánast af kurteisi, vegna
þess hversu sjálfstæðir og einstakir
þeir voru þegar þeir birtust okkur
upphaflega fyrir tæpum 10 árum
síðan. Núna eru þeir orðnir eins og
Jói frændi sem maður hittir árlega í
jólaboðinu og maður á sama samtal-
ið við ár eftir ár. Það gerist bara
vegna þess að menn eru einfaldlega
of ólíkir til þess að geta tengst á
djúpstæðari hátt andlega.
„Gaman að sjá þig Arab, hvernig
hefurðu það? Ennþá að blæða úr
hjarta þínu á plastdiska fyrir þá
sem nenna að hlusta? Flott hjá þér...
jæja, hvernig lýst þér á kalkúninn í
ár?“. Birgir Örn Steinarsson
Sama samtalið, aftur,
aftur og aftur
ARAB STRAP:
THE LAST ROMANCE
Niðurstaða: Sjötta breiðskífa Arab Strap er
ekki slæm en heldur ekki góð. Sama tegund af
kaffi og síðast, á sama kaffihúsi og menn eru
í sömu sætunum að segja sömu brandarana.
Öllum líður samt sæmilega.
Fyrsta sólóplata söngkonunnar Cor-
inne Bailey Rae, sem er nýkomin út
hér á landi, fór beint á topp breska
breiðskífulistans.
Bailey Rae gaf út EP-plötuna Like
a Star í nóvember í fyrra og síðan þá
hefur hún notið mikillar hylli í Bret-
landi. Miklar vonir eru bundnar við
Rae í framtíðinni enda þykir rödd
hennar með eindæmum góð auk þess
sem lögin og textarnir á nýju plöt-
unni eru sagðir standa vel fyrir sínu.
Hefur henni þegar verið líkt við stór
nöfn á borð við Billie Holiday, Erikah
Badu, Lauren Hill og Macy Gray.
Platan, sem er samnefnd söng-
konunni, hefur fengið mjög góðar
viðtökur víðast hvar og fékk meðal
annars fjórar stjörnur í hinu virta
tónlistartímariti Q.
Fyrsta smáskífulag plötunnar,
Put Your Records on, kom út 20.
febrúar. ■
Rae beint á toppinn
C0RRINE BAILEY RAE Breska söngkonan
hefur gefið út sína fyrstu breiðskífu.
Miðasala er hafin á tónleika Ians
Anderson í Laugardalshöll þann
23. maí. Þar mun hann koma fram
ásamt hljómsveit sinni og meðlim-
um úr Sinfóníuhljómsveit Íslands.
Ian Anderson á að baki langan
og farsælan feril með hljómsveit-
inni Jethro Tull. Sveitin hefur selt
yfir 60 milljónir platna á þeim
tæpu fjórum áratugum sem hún
hefur starfað.
Miðasalan á tónleikana fer
fram í verslunum Skífunnar, BT á
Akureyri og Selfossi á á midi.is.
Miðaverð er á bilinu 5.500 til 8.900
auk miðagjalds.
Miðasala
hafin
IAN ANDERSON Flautuleikarinn og söngvar-
inn knái er á leiðinni til Íslands.
Grínistarnir Steinn
Ármann Magnússon,
Bjarni töframaður,
Rökkvi Vésteinsson og
Þórhallur Þórhallsson
koma fram á sérstöku
góðgerðaruppistandi á
Gauki á Stöng í kvöld
til styrktar flogaveik-
um. Kynnir verður
Oddur Boxser.
Síðasta góðgerðaruppi-
stand var haldið fyrir
mánuði síðan þegar 52.000
krónur söfnuðust handa
krabbameinsjúkum börn-
um. Aðgangseyrir í kvöld
er 500 krónur og opnar
húsið klukkan 21.30.
Uppistand á Gauknum
STEINN ÁRMANN MAGNÚSSON
Fjórir grínistar láta gamminn
geysa á Gauki á Stöng í kvöld.
Staðfest hefur verið að Nick Mason,
fyrrum trommuleikari Pink Floyd,
muni spila meistaraverkið Dark
Side of the Moon með Roger Waters
á tónleikum hans í Frakklandi.
Eins hefur Waters boðið Rick
Wright, fyrrum hljómborðsleikara
Pink Floyd, að spila með sér á tón-
leikunum.
Svo gæti því farið að Mason og
Wright muni spila með Waters á tón-
leikum hans í Egilshöllinni þann 12.
júní. Þeir þrír komu saman í London
síðasta sumar ásamt fjórða meðlimi
Pink Floyd, David Gilmore, á Live 8
við frábærar undirtektir.
Mason með Waters
ROGER WATERS Fyrrum forsprakki Pink
Floyd heldur tónleika hér á landi 12. júní.