Fréttablaðið - 29.04.2006, Page 4

4 29. apríl 2006 LAUGARDAGUR
STÓRIÐJA „Um er að ræða eðlilegt
skref í ferlinu en ég vil ekki tjá
mig um hvort þetta eykur líkurnar
á að þarna rísi álver í framtíð-
inni,“ segir Ragnar Guðmundsson,
framkvæmdastjóri fjármálasviðs
Norðuráls. Í fyrrakvöld var undir-
ritaður hafnar- og lóðarsamningur
milli Norðuráls og Reykjaneshafn-
ar þar sem hafnaryfirvöld skuld-
binda sig til að sjá Norðuráli fyrir
nauðsynlegri hafnaraðstöðu komi
til uppbyggingar álvers í framtíð-
inni.
Ragnar vill ekki setja sama-
semmerki milli samningsins og
þess að nýtt álver rísi við Helgu-
vík en segir að um sé að ræða
nauðsynleg fyrstu skref verði það
niðurstaðan á endanum. „Það þýðir
lítið að byggja álver og fara síðan í
framhaldinu að skoða þessi mál.
Hlutina verður að gera í réttri röð
og það erum við að gera. Það eru
fyrirvarar í samningnum og við
getum dregið okkur út úr honum
án mikils kostnaðar eftir á.“
Pétur Jóhannsson hafnarstjóri,
sem kom að samningagerðinni,
segir að fyrirvararnir séu nokkrir.
„Verkefnið er í umhverfismati og
samningar um orkukaup eru yfir-
standandi. Framhaldið veltur á
hvað verður þar en Norðurál getur
með litlum fyrirvara dregið sig til
baka gegn ákveðnum greiðslum
sem samningurinn kveður á um.“
Pétur segist sjálfur bjartsýnn á
að álver rísi í Helguvík í framtíð-
inni en að umræddur samningur
hafi í raun aðeins verið til að
tryggja lóðina og aðgengi að höfn-
inni enda séu margir um hituna og
í raun hafi ekki verið seinna
vænna að semja. „Það mátti vart
tæpara standa enda var þegar
búið að úthluta hluta þessa lands
og þurfti því að semja við nokkra
aðila um færslu til að þetta næðist
í gegn.“
Samningurinn kveður á um að
Reykjaneshöfn sjái Norðuráli
fyrir hafnaraðstöðu en nauðsyn-
legt reynist að stækka viðlegukant
hafnarinnar um 200 metra í viðbót
við þá 150 metra sem höfnin er nú.
Á lóð við höfnina verði Norðuráli
heimilt að koma upp þeirri aðstöðu
og þeim tækjabúnaði sem þeir
þurfi á að halda verði af byggingu
álvers auk þess sem geymslu-
svæði verði útbúið fyrir aðföng og
framleiðsluvörur álversins á
seinni stigum.
Norðurál á nú þegar í viðræð-
um við Hitaveitu Suðurnesja og
Orkuveitu Reykjavíkur hvað orku
til fyrirhugaðs álvers varðar en
ekki er von á að umhverfismati
ljúki fyrr en að ári. Fyrr verða
engar ákvarðanir teknar um fram-
haldið. albert@frettabladid.is
LÍKLEG STAÐSETNING FYRIRHUGAÐS ÁLVERS Á þessari tölvuteikningu má sjá álverið sjálft auk hafnaraðstöðu Norðuráls. Þar yrði stórt
geymslusvæði fyrir framleiðsluvörur fyrirtækisins og álsíló auk ýmissa tækja og tóla sem slíkri starfsemi fylgja.
Ekki ávísun á álver
Lóðarsamningur sá er Norðurál hefur gert við hafnaryfirvöld í Helguvík þýðir
ekki endilega að fyrirtækið byggi þar álver í framtíðinni. Ásókn er í lóðir við
Helguvík og frumforsendan var að tryggja aðgengi áður en það væri um seinan.
EGYPTALAND, AP Hosni Mubarak
Egyptalandsforseti sagðist á
fimmtudag ekki ætla að líða
hryðjuverk í landinu, en á mánu-
daginn urðu þrjár sprengingar
rúmlega tuttugu manns að bana í
ferðamannabænum Dahab á Sín-
aískaga.
„Öryggi og stöðugleiki landsins
eru rauð lína sem ég mun ekki
leyfa neinum að fara yfir,“ sagði
Mubarak í sjónvarpsávarpi.
Egypska lögreglan leitar nú vís-
bendinga um árásarmennina, en
grunur hefur ýmist fallið á bedúína
á Sínaískaga eða hryðjuverkasam-
tök á borð við al-Kaída. - gb
Mubarak Egyptalandsforseti:
Ætlar ekki að
líða hryðjuverk
HOSNI MUBARAK Ávarpaði þjóðina í
sjónvarpi. FRÉTTABLAÐIÐ/AFP
FÍKNIEFNAMÁL Maðurinn sem
úrskurðaður hefur verið í gæslu-
varðhald í tengslum við innflutning
á rúmlega 22 kílóum af fíkniefnum
hefur áður komið við sögu lögreglu
og hlotið dóm fyrir fíkniefnabrot.
Fjórir aðrir menn um og yfir
fertugt; Ólafur Ágúst Ægisson,
Ársæll Snorrason, Hörður Eyjólf-
ur Hilmarsson og Hollendingur-
inn Johan Handrick, sitja í gæslu-
varðhaldi. Ólafur Ágúst er eini
maðurinn af þessum fjórum sem
setið hefur í fangelsi hér á landi
fyrir fíkniefnabrot. Ársæll og
Handrick hafa hlotið refsidóma í
Hollandi en ekki hér á landi. - mh
Fimm menn í varðhaldi:
Tveir hlotið
dóma hér áður
���������������������������������������������������������������������
�������������
������������
���������������������
������������������������������������������������������������������
����
�����
�����
�
BELGRAD, AP Zoran Stojkovic,
dómsmálaráðherra Serbíu-Svart-
fjallalands, sagði í gær að stjórn-
völdum í landinu hefði ekki enn
tekist að hafa uppi á Ratko Mladic,
fyrrverandi herforinga Bosníu-
Serba, sem sakaður er um stríðs-
glæpi.
Núna um mánaðamótin rennur
út sá frestur sem Evrópusamband-
ið hafði sett serbneskum stjórn-
völdum til að afhenda hann en að
öðrum kosti verður öllum viðræð-
um frestað um nánari tengsl lands-
ins við Evrópusambandið. - gb
Frestur að renna út:
Mladic enn
ekki fundinn
RADOVAN OG RATKO Radovan Karadzic og
Ratko Mladic, tveir helstu leiðtogar Bosníu-
Serba úr stríðinu. FRÉTTABLAÐIÐ/AP
NATÓ Íslendingar fá aftur stjórn
verkefna í Afganistan. Geir H.
Haarde utanríkisráðherra fór
yfir störf Íslendinga í landinu á
fundi utanríkis-
ráðherra Atlants-
hafsbandalags-
ríkjanna sem
haldinn var í Búlg-
aríu í gær.
„Við ætlum að
taka aftur yfir
ákveðin verkefni
á flugvellinum með það fyrir
augum að koma yfirstjórn hans í
hendur heimamanna. Búin var til
áætlun um hvernig það gæti
gerst þegar við fórum með stjórn
flugvallarins fyrir nokkrum
misserum. Nú er unnið eftir þess-
ari áætlun.“ Geir bætir við að
Íslendingar starfi ekki aðeins á
flugvellinum í Kabúl heldur séu
einnig í svokölluðum uppbygg-
ingarteymum í landinu. „Þau
voru tvö en eru eitt núna sem við
erum aðilar að.“
Geir segir verkefni NATO í
Afganistan viðamikil. „Ókyrrðin í
landinu er mikil og af ýmsum
ástæðum. Afganistan byggir efna-
hag sinn að stórum hluta á fram-
leiðslu eiturlyfja. Grunnverkefnið
er að hjálpa þeim út úr eiturlyfja-
hagkerfinu. Það kallar á stórar
breytingar á samfélaginu og finna
þarf önnur störf fyrir bændurna
sem rækta eiturlyfin.“ - gag
GEIR H. HAARDE
Geir H. Haarde utanríkisráðherra á fundi Atlantshafsbandalagsins í Búlgaríu:
Aukin ábyrgð í Afganistan
HERNAÐUR Í AFGANISTAN Afganskir
hermenn fylgdust með hátíðahöldum í
landinu í gær. Fagnað var falli komúnism-
ans í landinu. FRÉTTABLAÐIÐ/AP
GENGIÐ
GENGI GJALDMIÐLA 28.04.2006
Gengisvísitala krónunnar
Bandaríkjadalur 74,54 74,9
Sterlingspund 134,75 135,41
Evra 93,51 94,03
Dönsk króna 12,53 12,604
Norsk króna 12,037 12,107
Sænsk króna 10,051 10,109
Japanskt jen 0,6522 0,656

SDR 109,57 110,23
HEIMILD: Seðlabanki Íslands
KAUP SALA
129,8152
SJÁVARÚTVEGSMÁL Einar K. Guð-
finnsson sjávarútvegsráðherra
ræddi um ólöglegar veiðar á
Reykjaneshrygg á ríkisstjórnar-
fundi á föstudag.
Sjóræningjaskip hafa verið til
vandræða á svæðinu og landhelg-
isgæslan hefur aukið eftirlit í kjöl-
farið. Níu skip hafa sést að undan-
förnu og þar af eru átta skráð
undir fána Georgíu.
Að sögn Björns Friðriks
Brynjólfssonar, aðstoðarmanns
sjávarútvegsráðherra, hefur
utanríkisráðuneytið haft sam-
band við stjórnvöld í Georgíu
vegna málsins og bíða nú við-
bragða þaðan. - sdg
Sjóræningaskip að veiðum:
Gæslan með
aukið eftirlit
FJÖLMIÐLAR Uppsafnað áhorf á NFS
mældist 23,6 prósent í fjölmiðla-
könnun Gallup sem gerð var í
mars. Þetta var í fyrsta skipti sem
NFS er með í könnun Gallup.
Sigmundur Ernir Rúnarsson,
fréttastjóri NFS, var ánægður
með niðurstöður könnunarinnar.
„Niðurstöðurnar eru í samræmi
við áætlanir okkar. Við finnum
fyrir miklum meðbyr. Áhorf á
kvöldfréttatímann fer vaxandi.
Framtíðarmarkmið okkar er að
vera með áhorf á kvöldfréttatíma
til jafns við aðalkeppinaut okkar,
Ríkisútvarpið.“
Spaugstofan mældist sem fyrr
vinsælasti sjónvarpsþáttur lands-
ins með 50,6 prósenta áhorf. - mh
Fjölmiðlakönnun Gallup:
NFS með 23,6
prósenta áhorf