Fréttablaðið - 29.04.2006, Qupperneq 24

29. apríl 2006 LAUGARDAGUR24
■ SUNNUDAGUR, 23. APRÍL
Belgíuspark og Íslandskast?
Sá fyrirsögn á vef Ríkisútvarpsins
um „Belgíuspark“. Hvað er nú
það?
Undir fyrirsögninni kom fram
að Lokeren „lagði“ La Louviere 3-
2 í belgísku úrvalsdeildinni í knatt-
spyrnu.
Þá rifjaðist upp að á þessu
vefsetri hefur um nokkurt skeið
blómstrað sú ámátlega tilgerð að
kalla knattspyrnu „spark“. Það
ber vott um daufan skilning á
þessari fögru íþrótt að halda að
hún snúist um að „sparka“
þótt hún sé kennd við að
spyrna.
Svo skil ég ekki þetta
tal um „að leggja ein-
hvern“ í fótbolta,
hélt það væri gert í
glímu.
Eðlilegt framhald
af svona málblóma-
rækt væri að kalla
handknattleik
„kast“, og íslensk-
an handknattleik
þá „Íslandskast“,
nema orðasmiðir
útvarpsins vilji
fremur kenna handboltann við að
grípa en kasta og hnoða saman
orðskrípinu „Íslandsgrip“.
■ MÁNUDAGUR, 24. APRÍL
Hvað gera líkkistusmiðir?
Óskapleg uppbygging á sér stað í
þessu landi. Ég er búinn að vera á
þönum um allan bæ og í nágranna-
sveitarfélög að reyna að hafa uppi
á tveimur eikarfjölum til
að gera við úti-
dyratröpp-
urnar hjá
mér áður en
einhver háls-
brýtur sig
við að koma í
heimsókn. En það er sama hvar ég
kem, meira að segja í
Bykó segjast þeir ekki
geta afgreitt þetta fyrr
en eftir nokkrar vikur.
Hvað gera líkkistu-
smiðir ef það vantar
fjalir? Segja kúnnanum
að bíða í nokkrar vikur?
Eftirspurnin eftir timbri sýnir
að það er augljóslega engin
kreppa hjá byggingariðnað-
inum enda hefur það loðað
við þann iðnað að halda
áfram löngu eftir að kreppa
er skollin á í öðrum greinum. Í
gamla daga voru það hárskerar
sem fyrstir urðu varir við niður-
sveiflu. Þá hættu menn að mæta
til að láta snyrta sig hálfsmánað-
arlega. Núna eru það væntan-
lega auglýsingadeildir fjölmiðla
sem fyrstar merkja samdráttar-
einkenni. Hagfræðingar eru ekki
góðir spámenn – þótt hagfræðing-
ar þurfi ekki
endilega að
hafa minna vit
á efnahagsmál-
um en annað
fólk.
Þeir gera það ekki
endasleppt við mig
hjá Íslenskum get-
raunum. Nú fékk ég
enn einn tölvupóst-
inn frá þeim: „Til
hamingju þú hefur
unnið heilan strætó-
miða (280 kr.) í get-
raunum“.
Við Sólveig
fórum á
hestbak í
dásamlegu
veðri. Lífið
verður ekki
miklu
betra.
■ ÞRIÐJUDAGUR, 25. APRÍL
Jón og séra Jón – og svo
bara Jónína
Héraðsdómur Reykjavíkur hefur
dæmt karlmann í 4 mánaða skil-
orðsbundið fangelsi fyrir að aka á
lögreglumann og slá hann í kvið-
inn. Segir í niðurstöðu dómsins, að
maðurinn hafi að nauðsynjalausu
stofnað í hættu lífi og heilsu lög-
reglumanns, sem var að gegna
skyldustörfum sínum.
Það er greinilega munur á Jóni
og séra Jóni því að í gær dæmdi
sami dómstóll karlmann í 6 mán-
aða fangelsi fyrir að veitast að
sýslumanninum á Selfossi „með
því að þrífa í öxl hans, og bregða
fyrir hann fæti svo hann hrasaði
við“.
Fyrirhyggjusamir ofbeldis-
seggir ættu því ekki að
bekkj- ast til við sýslu-
menn heldur leita
uppi lög-
reglu-
menn í
þeirra
stað –
en lang-
ódýrast
er þó að
mis-
þyrma
konum, samanber það sem ég
skrifaði í dagbókina mína 23.
febrúar sl.:
„Héraðsdómur Reykjaness
hefur dæmt karlmann á þrítugs-
aldri í 50 þúsund
króna sekt fyrir að
ráðast á konu á sama
aldri í október á síð-
asta ári og slá höfði
hennar í vegg, taka
hana hálstaki, sparka
í maga hennar og
kasta henni í jörð-
ina.
Maðurinn játaði brot-
ið. Konan hlaut mar og
yfirborðsáverka á hnakka,
mar og yfirborðsáverka á
hálsi og mar á neðanverðu
baki og mjöðm.“
Sex mánaða fangelsi fyrir að
stjaka við sýslumanni. Fjögurra
mánaða skilorð fyrir að aka á lög-
reglumann og lumbra á honum að
auki. En 50 þúsund kall fyrir að
misþyrma kvenmanni – það kalla
ég tómbóluprís! Það getur verið
að allir séu jafnir fyrir lögunum,
en menn eru greinilega ekki jafnir
fyrir dómstólunum, þar gildir
greinilega hvort maður heitir Jón
eða séra Jón – eða bara Jónína.
■ MIÐVIKUDAGUR, 26. APRÍL
Gervigreind
Fékk fallegt bréf frá íslensku-
kennara, ósk um liðveislu í bar-
áttunni gegn því að tungumál-
ið okkar veslist upp. Nú er í
tísku að halda því fram að
tungumál eigi að þróast sjálf-
krafa – og forðast að blanda
smekkvísi, skilningi eða þekk-
ingu í þá þróun.
Tók eftir því að verið
var að tala um „gervi-
greind“ og „vélmenni“ í
útvarpinu áðan.
Furðulegt orð „gervi-
greind“. Mér finnst
ókurteisi að nota það
um vélmenni. Ég brúka
það eingöngu um gagn-
rýnendur sem skrifa af
skilningsleysi eða remb-
ingi um bækurnar mínar
eða útblásna stjórnmála-
menn eða aðra sem þykj-
ast vera þess umkomnir
að hafa vit fyrir fólki.
Talandi um gervi-
greind þá skrifaði ég í
dagbókina mína í síð-
ustu viku að ég ætlaði
að kjósa Vilhjálm Þ.
sem borgarstjóra. Ég
frétti að hann hefði verið að halda
upp á sextugsafmælið sitt í dag.
Ekki vissi ég að hann væri orðinn
svona gamall. Maðurinn er ekkert
farinn að grána. Samt hlýtur hann
eitthvað vera farinn að gefa sig
því hann steingleymdi að bjóða
mér í afmælið sitt. Kannski var
það eins gott. Ég hefði kannski
lent til borðs með Davíð, Hannesi
Hólmsteini og Birni Bjarnasyni.
Trúlega hefur Villi viljað forðað
þeim frá því að lenda í hæpnum
félagsskap. Sennilega rétt athug-
að hjá honum. Best að endurskoða
þetta með stuðninginn.
■ FIMMTUDAGUR, 27. APRÍL
Egill Skallagrímsson og
alþingismenn!
Ég hef aldrei skilið hvernig fólki
dettur í hug að fara í pólitík og
geta þaðan í frá aldrei um frjálst
höfuð strokið fyrir fólki sem vant-
ar flugvöll, sjúkrahús, elliheimili,
álbræðslu eða eitthvað annað.
En allt í einu rennur upp fyrir
mér ljós. Ég sé nefnilega í fréttum
að launin eru alls ekki slæm: Ráð-
herra sem situr í 12 ár á stóli
ávinnur sér lífeyrisrétt sem jafn-
gildir 90 milljónum króna í starfs-
lokagreiðslu umfram það sem
almennur iðgjaldagreiðandi fær.
„Þingmaður sem starfar á
Alþingi í átta ár ávinnur sér líf-
eyrisréttindi sem nema 24 pró-
sentum af launum hans. Ráðherra
ávinnur sér helmingi meiri lífeyr-
isréttindi,
eða 48 pró-
sent
af
laun-
um. Með öðrum
orðum tekur það
ráðherra átta ár að ávinna sér nær
helming af launum sínum í lífeyr-
isgreiðslur. Óbreyttur starfsmað-
ur hins opinbera ávinnur sér hins
vegar lífeyrisréttindi sem nema
um 15 prósentum af meðaltekjum
á sama tímabili. Starfsmaður á
almennum markaði rekur hins
vegar lestina og ávinnur sér 11,6
prósenta lífeyrisréttindi á átta
árum.“
Þetta er náttúrlega bilun og
svínarí sem liggur á að lagfæra.
Þeir hafa gróflega misnotað
aðstöðu sína á þinginu til að
hygla sjálfum sér, bann-
settir ormarnir!
Svo þegar harðnar á
dalnum koma þessir
fuglar og segja
almenningi að hafa
sig hægan og sýna
hófsemi og ábyrgð.
Það er ekki almenn-
ingur í landinu sem
hefur misst sig í
græðgi heldur þeir
sem eiga að ganga á
undan með góðu for-
dæmi.
Svona fram-
koma ber vott um
gervigreind.
Egil Skalla-
grímsson sáluga
langaði til að
strá peningum
yfir alþingis-
menn til að
gera þá vit-
lausa. Nú þegar
hans nýtur ekki
lengur við gera
þeir það bara
sjálfir.
ALLIR ERU JAFNIR FYRIR LÖGUNUM – NEMA AUÐVITAÐ:
Sýslumenn, lögreglumenn og kvenmenn
Í Dagbók Þráins Bertelssonar er fjallað um íþróttirnar Belgíuspark og Íslandshögg, vikið að hárskerum og
hagfræðingum; ofbeldisseggjum bent á kvenmenn fremur en sýslumenn; og loks er rætt um gervigreind,
Egil Skallagrímsson og eftirlaunakjör stjórnmálamanna.
Kæra
Dagbók
Þráinn Bertelsson skrifar
OPIÐ ELDHÚS
VELKOMIN Í GLÆSILEGAN
SÝNINGARSAL OKKAR
AÐ LÁGMÚLA 8
sýningarhelgi
OPIÐ LAUGARDAG FRÁ 11-17
OG SUNNUDAG FRÁ 13-17
LÁGMÚLA 8 • SÍMI 530 2800
- HTH eldhús eru ekki eins dýr og þau líta út fyrir að vera.
Ef þú ert að huga að nýju eldhúsi er upplagt að skoða kosti HTH. Í glæsilegum sýningarsal
okkar sérðu allt það nýjasta í eldhústækjum frá AEG fléttað saman við innréttingar frá HTH.
Þetta samspil HTH og AEG er ekki bara fallegt og vandað heldur er heildarlausn af þessu tagi
á góðum kjörum hjá Bræðrunum Ormsson.