Fréttablaðið - 06.05.2006, Qupperneq 46

Gangskenkur með númerinu 84, frá einu sendiráðinu hérlendis. Númerið er tilkomið af því
að sendiráðin halda alltaf tölu yfir öll sín húsgögn. Skenkurinn er frá um 1930 og kostar
30.000 kr. með afslætti.
4
Antíkbúð Jónasar Halldórssonar er
um þessar mundir að flytja starfsemi
sína úr Bæjarhrauni 10b í Hafnar-
firði á neðri hæðina á Laugavegi
118, enda segist eigandinn Jónas
hvergi annars staðar vilja vera en
í miðbænum.
Í Antíkbúðinni eru margir eigulegir
gripir og inni á milli leynast sann-
kallaðir fjársjóðir, sem hægt er að
fá á góðu verði enda er þar útsala
í fullum gangi. Jónas samþykkti að
sýna lesendum nokkur falleg hús-
gögn sem hann hefur dálæti á.
Húsgögn með sögu
Margar perlur leynast í Antíkbúðinni við Hlemm.
Hér sést Jónas Halldórsson með handmál-
aðan franskan skáp frá 1800, svokallaðan
englaskáp. Skápurinn er m.a. sérstakur
fyrir þær sakir að skrúfurnar í honum eru
handgerðar og eru því með þeim fyrstu
sem búnar voru til. Skápurinn er frátekinn
en kostar mörg hundruð þúsund krónur.
Borgúndarhólmsklukka frá miðri 19. öld,
sem fannst í hlöðu á Vatnsleysuströnd. Í
fyrstu stóð til að eyðileggja klukkuna, en
þegar í ljós kom um hvers konar grip var
að ræða var hætt við það. Klukkan kostar
80.000 kr. með afslætti.
Þetta fallega borð, hlaðið diskum, er líka úr eigu sendiráðsins. Borðið kostar 60.000 kr.
með afslætti. FRETTABLAÐIÐ/HEIÐA
Þetta fallega skatthol var í eigu fyrsta
þjóðminjavarðar Íslands, en sagan segir að
hann hafi séð J.R.R. Tolkien fyrir íslenskum
barnfóstrum. Jónas segir það vera eitt af
sínum helstu dýgripunum. Skattholið er
frá um 1840 og kostar 150.000 kr. með
afslætti.
■■■■ { hús & heimili } ■■■■■■■■■■■■■■■■■■■■■■■■■■■■■■■■■■■■■■■■■■■■■■■
Brátt fara laufin að springa út á
trjánum og áður en við vitum af
verður allt grænt í kringum okkur.
Margir rjúka til á þessum árstíma
og klippa tré og runna niður. Mikið
af þeim trjágreinum sem klipptar
eru af eru þegar farnar að bruma.
Í stað þess að skófla öllum trjá-
greinunum í endurvinnsluna er
tilvalið að nota þær til að skreyta
heimilið. Bæði eru þær fallegar og
einnig gefa þær góðan ilm. Vorið
kemur því snemma innandyra og
yndislegt að njóta þess til hins ýtr-
asta. Smart er að hafa greinarnar
í háum vösum og er jafnvel hægt
að blanda þeim saman við afskorin
blóm. Margt skemmtilegt er hægt
að gera við trjágreinarnar og því
um að gera að láta hugmyndaflugið
bara ráða. Jafnvel er hægt að flétta
þær saman á meðan þær eru enn
mjúkar og búa til litlar körfur eða
einhvers konar listaverk fyrir heim-
trjágrein }
NORDIC PHOTOS/GETTY IMAGES
...af þessum klassíska og fallega stól
eftir Hans Wegner. Stóllinn, sem
var hannaður árið 1960, kallast
„Ox-chair“ enda er hann sterkur og
stæðilegur eins og naut. Hann þótti
þó helst til framúrstefnulegur þegar
hann kom fyrst fram á sjónarsviðið
og var framleiðslu hans hætt árið
1962. Rúmum tuttugu árum síðar
var heimurinn tilbúinn að taka á
móti uxanum og framleiðsla hófst
á ný árið 1985.
við fáum aldrei nóg...
Fyrir þá sem vilja eignast fallegan matjurtagarð í
sumar, eða hafa matjurtir í glugga eða úti á svölum, er
þetta tilvalinn árstími til að skella fræjum í potta inn-
anhús. Sumar matjurtir, til dæmis salöt, brokkólí og
ýmsar kryddjurtir, vaxa nefnilega illa nema ákveðin
veðurskilyrði séu fyrir hendi. Þá getur verið sniðugt
að koma vexti af stað með forræktun áður en plantað
er úti. Fræin eru sett í blómapotta, sem geta verið
á stærð við eggjabikara eða jógúrtdollur, alveg háð
því hvað verið er að rækta. Þeim er komið fyrir rétt
undir yfirborði moldarinnar og þess gætt að hún sé
passlega rök. Plast er sett yfir á meðan fræin spíra,
en tekið af um leið og vöxtur verður sýnilegur. Plönt-
unni er síðan komið fyrir á björtum stað, enda birta
nauðsynleg í ræktun planta.
Forræktun matjurta
FR
ET
TA
B
LA
D
ID
/N
ET
IÐ
Brokkólí er ein
þeirra matjurta sem
gott getur verið að
forrækta áður en
plantað er úti.