Fréttablaðið - 06.05.2006, Side 50

8 ■■■■ { hús & heimili } ■■■■■■■■■■■■■■■■■■■■■■■■■■■■■■■■■■■■■■■■■■■■■■■
Lilja og Rósa eru báðar garðyrkju-
fræðingar að mennt og kynntust
þegar þær unnu saman í Blómavali.
„Við höfðum lengi gengið með þá
hugmynd að stofna saman fyrir-
tæki og gera eitthvað saman,“ segir
Lilja. „Fyrir ári síðan stofnuðum við
heildsölu og fórum að flytja inn
ýmsar barnavörur, meðal annars
Bumbo-stólinn sem hefur verið afar
vinsæll. Síðan byrjaði boltinn að
rúlla og í mars síðastliðnum opnuð-
um við vefverslunina.“
Vefverslunin hefur farið vel af
stað og þar má finna ýmsa fallega
hluti fyrir heimilið. „Þetta eru flott-
ar vörur. Við erum ekkert að reyna
að vera með það ódýrasta heldur
leggjum við mikið upp úr hönnun
og gæðum. Við viljum vera með
háklassa netverslun sem selur vand-
aða vöru,“ segir Lilja og bætir
því við að vörurnar komi
víða að. „Við erum
til að mynda
m e ð
mikið
a f
nor-
rænni hönnun, til dæmis svokallaða
Cult-línu en það eru skemmtilegar
sænskar heimilisvörur.“
Heimasíða Y-D-Design er
aðgengileg og viðskiptavinir ættu
ekki að eiga í nokkrum vandræð-
um með að versla þar. Tím-
inn frá því varan er
keypt og þar til hún
er afgreidd er ekki
nema tveir til þrír
virkir dagar. Allar
nánari upplýsingar
er að finna á: www.
yd.is
Mikið lagt upp úr
hönnun og gæðum
Stöllurnar Lilja Marteinsdóttir og Rósa Viggósdóttir reka saman vefversl-
unina Y-D-Design. Þar eru meðal annars seldar fallegar vörur fyrir heimilið
sem ekki fást annars staðar.
Kristalsljósakrónur í nýjum
búningi.
Kristalsljósakrónur þykja alltaf
glæsilegar. Þær hafa á sér hátíðlegt
yfirbragð og glitra svo skemmti-
lega þegar ljósið skín. Það er ekki
óalgengt að nútíma hönnuðir sæki
í þessar hefðbundnu ljósakrónur
eftir innblæstri. Nú er hægt að fá
ljósakrónur sem eru nýstárlegar og
frumlegar en minna þó á gamlan
glæsileika.
Hér eru nokkur dæmi um
skemmtilegar ljósakrónur.
Gamalt mætir nýju
Glæsileikinn í fyrirrúmi.
Stílhrein hönnun eftir Tom Dixon.
Þessi skemmtilega og nútímalega ljósa-
króna heitir Ginetta og kemur frá Slamp.
Hér hefur mynd af gamaldags ljósakrónu
verið prentuð á látlausan hvítan skerm.
Einfaldara verður það varla.
Japaninn Shiro Kuramata (1934-
1991) var leiðandi í mínimalískri
hönnun á níunda áratugnum. Verk
hans eru sérstæð fyrir þær sakir að
í þeim blandar hann saman abstrakt
og mínimalískum þáttum. Japansk-
ur uppruni Kuramata réði líka nálg-
un hönnuðarins á verk sín, þannig
að í þeim gætir bæði aust- og vest-
rænna áhrifa. Sum verka hans virð-
ast nánast vera efnislaus, þar sem
hann notaði mikið af gleri í hönnun
þeirra, og oft engu líkara en að þau
hangi í lausu lofti eða séu föst í ein-
hverju ástandi. Það á til dæmis við
um glerstól sem hann hannaði og
fyllti með rauðum rósum, þannig að
útlit er fyrir að þær séu síblómstr-
andi. Ljóst er að Kuramata var
áhugaverður hönnuður og arfleifð
hans merkileg.
Leiðandi afl í
mínimalisma
Glerstóll fullur af rauðum
rósum eftir Shiro Kuramata.