Fréttablaðið - 08.06.2006, Side 12

12 8. júní 2006 FIMMTUDAGUR
ALÞJÓÐAMÁL Mikilvægt er að ríki
Mið-Austurlanda auki hlut einka-
geirans í efnahag ríkjanna og
dragi úr hinum opinbera. Leggja
þarf áherslu á að gera hagkerfi
opnari og stöðugri. Með aukinni
fjölbreytni í efnahag ríkja verða
þau ekki jafn háð olíu og nú. Þetta
er meðal þess sem kom fram í
fyrirlestri Fadi A. Haddadin, hag-
fræðings og ráðgjafa í málefnum
Mið-Austurlanda, um stöðu efna-
hagsmála í Mið-Austurlöndum í
Háskóla Íslands í gær. Fyrirlest-
urinn var á vegum Rannsóknar-
miðstöðvar um samfélags- og
efnahagsmál og Alþjóðamála-
stofnunar Háskóla Íslands.
Haddadin er stofnandi fyrstu
óháðu hugveitu frjálshyggju í
Arabalöndunum, The Lamp of
Liberty. Að sögn Haddadins hefur
hugveitan það að markmiði að
fræða almenning í arabalöndun-
um um forsendur hagvaxtar út frá
frjálshyggjunni á borð við skýrt
skilgreindan eignarétt, takmörk-
un ríkisvalds, frjáls viðskipti og
fleira.
Hugveitan heldur úti vefsíðu í
dag og áformað er að standa fyrir
fundum og þýða bækur yfir á
arabísku. „Fyrsta skref er að gera
upplýsingar aðgengilegar á arab-
ísku með þýðingum. Næsta skref
yrði að arabar færu sjálfir að
skrifa á eigin tungu um þessi mál
til að koma af stað umræðu meðal
araba.“
Hugveitan er tengd Cato-stofn-
uninni í Bandaríkjunum og segir
Haddadin til standa að koma á fót
hugveitum víða um arabalönd.
Haddadin er bjartsýnn á að
slíkar hugveitur geti haft áhrif á
stefnumótendur jafnt sem almenn-
ing og stuðlað þannig að bættum
efnahag í Mið-Austurlöndum. - sdg
ÍSRAEL Átta áður óþekktar dýra-
tegundir hafa fundist við námu-
gröft í Ísrael, á milli Jerúsalem og
Tel Aviv, þar af sjö sem eru á lífi.
Dýrin eru hryggleysingjar og
krabbadýr og fundust í 100 metra
djúpum aflokuðum helli. Vísinda-
menn telja að um fimm milljóna
ára gamalt vistkerfi sé að ræða og
það hafi verið algjörlega einangr-
að frá umheiminum vegna kalk-
steinslags sem hindrar aðgang
næringarefna og regnvatns. Sjá
má merki um náttúruval því dýrin
hafa þróast á annan hátt en þekkt-
ir ættingjar þeirra. Til að mynda
eru öll dýrin augnalaus, en í hell-
inum er ekkert ljós.
Hellirinn er talinn hafa lokast í
þá tíð er Miðjarðarhafið náði yfir
hluta núverandi Ísraels og gæti
fundurinn brugðið ljósi á þróun
vatnakerfa á þessum slóðum. Vist-
kerfið byggist á neðanjarðarstöðu-
vatni sem er tengt þekktri vatns-
æð í Ísrael, en hitastig og
efnasamsetning stöðuvatnsins er
þó annarrar gerðar en hennar.
Fundist hafa bæði ferskvatns- og
saltvatnskrabbadýr.
Vísindamenn telja að mun fleiri
dýrategundir eigi eftir að finnast,
en hellirinn er alls um tveir og
hálfur kílómetri að lengd.
Hebreski háskólinn í Jerúsal-
em kunngjörði þetta á heimasíðu
sinni, en hann stjórnar rannsókn-
inni. - kóþ
Forsögulegt vistkerfi uppgötvað í lokuðum neðanjarðarhelli í Ísrael:
Hvítir sporðdrekar finnast
NÝUPPGÖTVAÐUR SPORÐDREKI Dýrin hafa
sérhæfst og breyst í áranna rás.
FRÉTTABLAÐIÐ/AP
FINNLAND Stærsta gullnáma Evr-
ópu verður fljótlega opnuð í Lapp-
landi í Finnlandi. Kanadíska
fyrirtækið Agnico-Eagle ætlar að
byrja að vinna þar gull og eru
framkvæmdir þegar hafnar. Í
sumar verður byrjað að byggja
gullhreinsunarstöð á staðnum.
Tilraunaboranir eftir gulli
hafa verið á staðnum frá árinu
1998, að sögn vefútgáfu Helsing-
in Sanomat. Talið er að minnst
þrjár milljónir únsa af hreinu
gulli séu á staðnum og jafnvel
meira á enn meira dýpi.
Búist er við að náman skapi
tvö hundruð störf næstu þrettán
árin. - ghs
Eðalmálmur í Lapplandi:
Stærsta gull-
náma Evrópu
KOSNINGAR Frambjóðendur C-lista
í Grímsnes- og Grafningshreppi
hafa kært framkvæmd utankjör-
fundaratkvæðagreiðslu á Sólheim-
um til sýslumanns og hefur sýslu-
maður skipað nefnd sem sér um
að fara yfir kæruna og málsatvik.
Niðurstöðu er að vænta í næstu
viku.
Gunnar Þorgeirsson, oddviti C-
lista, segir að framkvæmd kosn-
inganna hafi verið mjög vafasöm
og K-listamenn hafi viðhaft mis-
jöfn vinnubrögð. Á Sólheimum
búa tuttugu og níu kjörgengir
menn en einungis fimm atkvæði
skildu á milli listanna tveggja í
kosningunum.
Komist nefndin að þeirri niður-
stöðu að galli hafi verið á fram-
kvæmdinni má því búast við að
endurtaka þurfi kosninguna. - sh
Kosningarnar á Sólheimum:
Niðurstaða í
næstu viku
BÓLUSETNING Hann varð ógurlega reiður,
þessi drengur, þegar hann var bólusettur í
Indónesíu í gær. Heilbrigðisyfirvöld bólu-
setja nú yfir 1,5 milljónir manna til þess
að koma í veg fyrir sjúkdóma í kjölfar jarð-
skjálftans mannskæða sem skók Indónesíu
í síðasta mánuði. FRÉTTABLAÐIÐ/AP
FADI A. HADDADIN Haddadin starfar meðal
annars sem ráðgjafi Alþjóðabankans í
málefnum Mið-Austurlanda. FRÉTTABLAÐIÐ/GVA
Stofnandi hugveitu í Jórdaníu ræðir stöðu efnahagsmála í Mið-Austurlöndum:
Einkageiri eflist í arabaríkjum
DÓMSMÁL Tveir ungir menn hafa
verið dæmdir í Héraðsdómi Norð-
urlands eystra í skilorðsbundið
fangelsi til tveggja ára. Þeir sitja
inni í annars vegar 45 daga og hins
vegar í mánuð rjúfi þeir skilorðið.
Þeir eru dæmdir fyrir að ráðast
í sameiningu að bílstjóra sem ætl-
aði að skutla þeim úr miðbæ Akur-
eyrar og upp að Kristjánsbakaríi
við Hrísalund. Hann ákvað hins
vegar með félaga sínum að skilja
þá ungu eftir í Hlíðarfjalli. Þar
réðust þeir að bílstjóranum og
spörkuðu í hann þar til hann missti
meðvitund. Hann nefbrotnaði og
tönn brotnaði. Annar þeirra ungu
barði einnig félaga bílstjórans
tvisvar í andlitið.
Refsing mannanna lækkar þar
sem voru sviptir frelsi og vegna
ungs aldurs. - gag
Átök fjögurra í Hlíðarfjalli:
Átök eftir
frelsissviptingu