Fréttablaðið - 08.06.2006, Side 41

FIMMTUDAGUR 8. júní 2006 9
Þegar sólin skín á gluggana
sjást óhreinindin vel.
Eitt af því sem eykur sumartil-
finninguna eru hreinar rúður.
Selta og óhreinindi sem sest hafa á
gluggana í vetur víkja fyrir vatni
og hreinsiefni. Gott er að nota
örlítinn dreitil af uppþvottalegi út
í vatnið þegar rúðurnar eru þvegn-
ar og góður hreingerningaklútur
eða gamalt handklæði nýtist ágæt-
lega á skúringaskrúbbinn þegar
rúður eru þvegnar að utanverðu
en mæla má líka með kústum með
svínshárum. Til eru örtrefjaklútar
sem gagnast vel innanhúss og er
svo fleygt í þvottavél eftir notkun.
Rúðuskafa er svo ómissandi til að
hreinsa burt vatn og sápu og þar
með fara síðustu óhreinindin.
Þegar búið er að þvo rúðurnar er
gott að bera léttbón á þær. Það
heldur þeim hreinum mun lengur
og ætti fólk sem býr við sjávar-
síðuna ekki síst að huga að því, þar
sem seltan er versti óvinur glugg-
anna. Einnig er hægt að nota Rain-
x sem mikið er notað á bílrúður og
jafnvel gleraugu. Það efni er tölu-
vert dýrara en bón.
Vissulega getur verið erfitt að
komast að gluggum að utanverðu
ef þeir eru mjög hátt uppi og má
þá benda á að mörg fyrirtæki
bjóða upp á gluggaþvott, bæði
fyrir heimili og fyrirtæki.
Spegilfagrar rúður
Stundum þarf að grípa til
stigans þegar gluggarnir eru
þvegnir. FRÉTTABLAÐIÐ/HEIÐA
húsráð}
Margt sem leynist í eldhússkápunum
kemur að góðum notum annars staðar
en við eldamennskuna.
Kartöflumjöl getur verið notadrjúgt
ef blettir koma í teppi eða dúka, til
dæmis rauðvíns- eða kaffiblettir. Þá er
kartöflumjölið einfaldlega látið standa á
blettunum meðan þeir eru enn blautir.
Það ætti að draga úr litnum. Einnig má
nota salt.
Matarsódi er þarfaþing til að ná
kaffi- og teskán úr bollum. Best er að
fylla bollana af sjóðandi vatni og setja
teskeið af sóda út í. Matarsóda má líka
nota til að ná leiðindablettum úr gólf-
dúk. Setjið sódann bara beint á blettina
og bleytið aðeins upp í honum.
Edik kemur að góðum notum þegar
eyða þarf reykingalykt. Best er að láta
edikið standa í skál í herberginu sem
lyktar illa. Á einhvern furðulegan hátt
hverfur lyktin eins og dögg fyrir sólu.
Rakakrem geta ekki einungis
gert húðina þína mýkri heldur
einnig viðarhúsgögnin.
Gömul og massíf viðarhúsgögn
hafa ætíð verið mikil heimilis-
prýði en eins og með annað hrörna
þau með aldrinum og slitna. Til
þess að verja slík húsgögn og gefa
þeim nýtt líf eru þau oftast olíu-
borin en hægt er að lífga aðeins
upp á húsgögnin með einföldu
ráði.
Hægt er að fara reglulega yfir
slík tréhúsgögn með rökum klút
og blanda við hann smá raka-
kremi. Það þarf ekki að vera dýr-
asta rakakremið heldur má kaupa
ódýrt rakakrem í stórum umbúð-
um. Rakakremið hreinsar bæði og
gefur húsgögnunum meiri gljáa.
Þarf ekki mikla fyrirhöfn en
árangur er alltaf sjáanlegur. - sha
Rakakrem á viðinn
Gömul húsgögn þurfa góða umönnun.