Fréttablaðið - 08.06.2006, Blaðsíða 76

8. júní 2006 FIMMTUDAGUR44
maturogvin@frettabladid.is
ÞRÚGUR GLEÐINNAR
> EINAR LOGI VIGNISSON
VERT AÐ SPÁ Í
Hér á landi fást Erdingar og Hoegaarden í flestum stærri vínbúðum en
mér er ekki kunnugt um aðra hveitibjóra í almennri sölu. Gæðabjórar
eiga undir högg að sækja í síbreytilegu regluverki vínbúðanna en í
Kringlunni og Heiðrúnu er ágætt úrval.
Ölið mun flæða sem aldrei fyrr um heimsbyggðina næsta mánuðinn
þegar flautað verður til leiks í Heimsmeistarakeppninni í knatt-
spyrnu á morgun í München, höfuðborg þýskrar bjórgerðar. Fótbolt-
aaðdáendur eiga eftir að svala þorsta sínum fyrir framan sjónvarpið
eða á leikvöllum hins mikla bjórríkis Þýskalands.
Franz Beckenbauer er forseti nefndarinnar sem sér um skipu-
lagningu mótsins og því er ekki úr vegi að fjalla eilítið um hveitibjór
en keisari Franz er mikill talsmaður þeirrar bæversku hefðar og er
andlit hveitibjórsins Erdinger.
Hveitibjór hefur verið í mikilli sókn undanfarin ár og er ásamt
alkóhólléttum eða alkóhólfríum bjór eina tegund bjórs sem sölu-
aukning er á í Evrópu. Hin mikla aukning á neyslu léttvína hefur
hins vegar dregið almennt úr bjórneyslu í flestum löndum Vestur-
Evrópu.
Vegna þess að betri hveitibjór er flöskugerjaður og hlaðinn eggja-
hvítuefnum er hann talinn heilsusamlegri en hefðbundinn lagerbjór
og náttúruleg sætan höfðar mjög til kvenna og ungs fólks. Hveiti-
bjórar eru eins og nafnið gefur til kynna að uppistöðu gerðir úr
blöndu af hveitimalti og byggi. Hveitibjór er einkum seldur á flösk-
um því önnur gerjun fer fram í flöskunni og myndast við það nátt-
úruleg kolsýra og þétt og fersk froða.
Til eru bæði ljósir og dökkir hveitibjórar, einnig tær hveitibjór
sem kallaður er Kristall. Hann er fyrir þá sem þykir móskan í hveiti-
bjórnum ekki til prýði og er heldur útvötnuð útgáfa af alvöru stöff-
inu. Hveitibjór er afar vandmeðfarinn, fátt er verra en lélegur
hveitibjór af krana á annars flokks krá. Hveitibjór þarf að
vera vel kældur Best er að drekka hann úr þar til gerðu
hveitibjórsglasi, það er ekki snobb heldur verður að
viðurkennast að það munar talsverðu. Best er að hella
hveitibjór varlega í glasið meðfram hliðunum og þegar
glasið er orðið að þremur fjórðu fullt að þyrla þá botn-
fallinu í flöskunni og hella því rösklega ofan á til að fá
fallega froðu og hrista upp í gernum.
Þeir sem komast á bragðið með hveitibjórinn vilja
oft þaðan í frá helst ekkert annað. Má nefna að 65.000
manns í 48 löndum eru í „aðdáendaklúbbi“ Erdinger.
Hveitibjór er léttari í maga en lagerbjór og öl þótt um
hann gildi eins og annan bjór að þrír leikir á dag, fram-
lenging og vítaspyrnukeppni geta tekið í belginn...
Bjór keisarans Beckenbauer
Hvaða matar gætirðu síst verið án?
Ávextir eru mér lífsnauðsynlegir.
Fyrsta minning um mat:
Saltfiskur hjá ömmu Siggu.
Besta máltíð sem þú hefur
fengið:
Áll á Philip Stark hóteli í
New York þar sem ég dvaldi
með vinum.
Er einhver matur sem þér
finnst vondur?
Lifur, ég á frekar erfitt með
að koma þeim niður.
Leyndarmál úr eldhússkápnum?
Kirsuberjatómatar frá La Selva, þeir eru himneskir.
Hvað borðar þú til að láta þér líða betur?
Hollan mat.
Hvað áttu alltaf í ísskápnum?
Hörfræjaolíu og skyr.
Ef þú yrðir föst á eyðieyju, hvað tækirðu með
þér?
Fullt af ávöxtum.
Hvað er það skrítnasta sem þú hefur borðað?
Froskalappir. Þær voru samt mjög góðar.
MATGÆÐINGURINN: SIGRÍÐUR VALA ÞÓRARINSDÓTTIR HJÁ HIMNESKRI HOLLUSTU
Kirsuberjatómatar eru himneskir
Sveitahótelið Anna er
til húsa að Moldnúpi 2
undir Eyjafjöllum. Þar er
bæði hægt að gista og
njóta góðra veitinga í afar fallegum
veitingasal sem gegndi áður hlut-
verki fjóss og hesthúss. Staðurinn
er bernskuheimili listvefarans og rit-
höfundarins Önnu frá Moldnúpi og
er nafngift veitingastaðarins þaðan
komin en það kallast Önnuhús.
Sama ættin hefur átt býlið síðan
1901 og eru breytingarnar allar afar
vellukkaðar.
Matseðillinn: Það er bæði hægt að
kíkja við í kaffi hérna og í alvöru mat.
Áhersla er lögð á mat úr sveitinni á
kvöldseðlinum. Á kaffiseðlinum er
t.d. að finna vöfflu með heimagerði
rabbabarasultu. Í veitingasalnum
má sjá ýmsa gamla og skemmtilega
muni og skipa bækur Önnu þar stór-
an sess.
Verð: Það er kannski ekki jafn ódýrt
að stoppa hér fyrir kaffibolla og í
subbulegri vegasjoppu en upplifunin
er margfalt betri. Kaffið er borið fram
með gleði og í fallegum gamaldags
bollum. Hundarnir Vaskur og Kóng-
ur taka glaðvaskir á móti gestum og
hægt er að sitja úti á palli og njóta
veitinganna bjóði veðrið upp á það.

VEITINGASTAÐURINN COUNTRY HOTEL ANNA, MOLDNÚPI 2 S. 487-8955
Notaleg sveitastemning
matinn með ferskum kórí-
ander, aðallega laufunum,
en skildu stiklana eftir.
Kryddjurt þessi er mikið
notuð í asískri og suður-
amerískri matargerð.
> Bragðbættu...
Sigrún Sól ólafsdóttir,
leikkona og leikstjóri, hefur
dálæti á heimatilbúnum
réttum og nýtur sín best
þegar hún hefur tíma til að
nostra við matinn.
Hún segir þau hjónin mikla mat-
gæðinga, en Sigrún er gift píanó-
leikaranum Pálma Sigurhjartarsyni
sem þekktur er úr Það var lagið.
„Við höfum bæði einstaka
ánægju af góðum mat og ljúfum
vínum og sláum oft upp veislu
fyrir vini okkar,“ segir Sigrún Sól.
„Tilraunamennska er nokkuð
fyrirferðarmikil í eldhúsinu hjá
okkur enda er skemmtilegast að
prófa sig áfram í matargerð. Úr
einni slíkri tilraunamennsku varð
til heimatilbúinn réttur með
ítölsku ívafi, en meginuppistaðan í
honum er kálfalundir, tagliatelle
og ruccola-salat. Þessi réttur fær
ævinlega fyrsta flokks meðmæli
frá matargestum okkar og hann er
einstaklega einfaldur. Það er næst-
um hægt að elda hann blindandi,“
segir Sigrún Sól og hlær.
MARENERING FYRIR KÁLFALUNDIR
hvítlaukur eftir smekk
sítrónusafi
kálfakjöt
tagliatelle
gráðostur
1 tsk. dijon-sinnep
svartur pipar
mjólk
Hvitlaukur og sítrónusafi eftir
smekk.
Látið kálfakjötið liggja í legin-
um í nokkra klukkustundir. Sjóðið
tagliatelle. Bræðið heilt gráðost-
stykki á pönnu og blandið smá
mjólk út í til að mýkja, 1 tsk. af
dijon-sinnepi og smá svartan pipar
yfir. Látið malla á lágum straumi.
Léttsteikið kálfalundirnar á pönnu
í smjöri og olíu. Alls ekki setja salt
á kjötið. Hellið smá af gráðosta-
sósunni yfir. Þegar tagliatelle er
tilbúið, setjið í fallegt fat og hellið
smá af gráðostasósunni yfir, setjið
síðan ruccola-salat yfir, þar næst
raðið kálfalundunum fallega yfir
salatið og restina af gráðostasós-
unni yfir það. Í lokin er sett örlítið
meira af ruccola-salati yfir allt.
Raspið niður parmesanost og
dreifið yfir. Smá salt og pipar yfir
allt. Má bera fram með frönsku
smábrauði eftir smekk.
Heimatilbúnir réttir bestir
SIGRÚN SÓL ÓLAFSDÓTTIR Segir tilraunamennskuna áberandi í eldhúsinu hjá sér. FRÉTTABLAÐIÐ/VILHELM