Fréttablaðið - 16.08.2006, Qupperneq 13

MIÐVIKUDAGUR 16. ágúst 2006 13
VINNUMARKAÐUR Fjörutíu og fjór-
um flugmönnum hjá Icelandair
var sagt upp um síðustu mánaða-
mót. Þar af voru nítján fastráðnir
en tuttugu og fimm ráðnir tíma-
bundið. Varaformaður Félags
íslenskra atvinnuflugmanna,
Jóhannes Bjarni Guðmundsson,
segir að fjöldi uppsagnanna hafi
komið stéttarfélaginu á óvart.
„Núna er staðan sú að fólk sem
er að ráða sig til Icelandair er inni
yfir sumarmánuðina og dettur út
einhverja mánuði yfir vetrartím-
ann. Stundum er það ráðið aftur
eftir einn til þrjá mánuði. Þetta er
orðin lenska hjá fyrirtækinu og að
okkar mati ofnotað,“ segir Jóhann-
es. „Reynslan hefur sýnt að þegar
flugvélarnar eru til staðar er yfir-
leitt ekki hörgull á verkefnum,“
segir Jóhannes.
Ekki náðist í Jón Karl Ólafsson,
forstjóra Icelandair, við vinnslu
fréttarinnar. -rsg
Uppsagnir hjá Icelandair:
Segja upp fjölda
flugmanna
ICELANDAIR Formaður Félags íslenskra
atvinnuflugmanna segir að margir þeirra
sem fengu uppsögn muni leita starfa
erlendis.
FJARSKIPTI Hörður Einarsson
hæstaréttarlögmaður segir að
útskriftargjald Símans standist
ekki reglur EES. Hefur hann kært
Símans fyrir gjaldtökuna til eftir-
litsstofnunar EFTA, ESA. Símanot-
endur greiða gjaldið, 230 krónur,
fyrir að fá pappírsreikning sendan
í pósti, en sams konar gjald er lagt
á símnotendur OgVodafone.
„Ég tel þetta vera ólögmæta
innheimtu sem ríkisvaldið beri
ábyrgð á og beri skylda til að fjalla
um. Hitt er að gjaldið er of hátt og
sett á í hagnaðarskyni,“ segir
Hörður. Hann rak mál Reykja-
prents sem kærði útskriftargjald
Símans til Póst- og fjarskipta-
stofnunar í fyrrahaust en úrskurð-
ur úrskurðarnefndar fjarskipta og
póstmála frá því í mars var að
gjaldið væri lögmætt.
Síminn ber því við að viðskipta-
menn geti borgað reikninga á net-
inu og sloppið þannig við útskrift-
argjaldið en Hörður segir að allir
eigi rétt á að fá pappírseintak.
Jóhannes Gunnarsson, fram-
kvæmdastjóri Neytendasamtak-
anna, ætlar að fylgjast með fram-
vindu málsins og taka ákvörðun
um viðbrögð í kjölfarið. - rsg
Síminn kærður til ESA vegna útskriftargjalds fyrir pappírsreikninga:
Segir gjaldtökuna ólögmæta
SÍMINN Formaður Neytendasamtakanna
telur að útskriftargjald Símans sé fyrst og
fremst tekjulind fyrir fyrirtækið.
NEYTENDUR „Síminn vill ítreka að
útskriftargjaldið er ekki tekjulind
hjá fyrirtækinu heldur kostnaður
við reikningagerðina, umslag,
dreifingakostnað og umsýslu
reikninganna eins og fjölmörg
önnur fyrirtæki gera,“ segir í yfir-
lýsingu frá Símanum. „Með því að
innheimta útskriftargjald er
komið í veg fyrir að þeir sem velja
pappírslaus viðskipti við Símann
séu að niðurgreiða reiknings-
kostnað þeirra sem kjósa að fá
símreikninginn sendan í pósti.
Þetta er liður í þeirri stefnu Sím-
ans að auka rafrænar færslur og
minnka pappírsnotkun, m.a. til
þess að vernda umhverfið.“ - rss
Yfirlýsing Símans:
Gjaldið ekki
tekjulind
RÚSSNESK BLÓM Þau eru falleg,
blómin í Alexandergarðinum framan við
Troitskajaturninn í Moskvu, enda stóðst
stúlkan ekki mátið í gær og smellti
mynd af þeim í sólinni. FRÉTTABLAÐIÐ/AP
GALISÍA Heimatilbúinn kafbátur
fannst undan ströndum Galisíu á
norð-vesturhorni Spánar á sunnu-
daginn. Kafbáturinn, sem er um
tíu metra langur, er talinn gerður
til að smygla kókaíni, en hvorki
vímuefni né skipverjar fundust þó
um borð.
Þetta er í fyrsta skipti sem
vitað er til að kafbátar séu notaðir
í smyglferðum á Spáni, en kól-
umbískir smyglarar hafa notast
við kafbáta um nokkurt skeið í
Suður-Ameríku. BBC-fréttastofan
hefur eftir spænska blaðamannin-
um Jaime Gonzalez að smyglar-
arnir hafi líklega enn verið að
prófa bátinn fyrir sjósetningu
þegar hann fannst. - kóþ
Lögreglan í Galisíu:
Smyglkafbátur
fannst á floti
Flutningabíll valt Enginn slasaðist
þegar flutningabifreið fór á hliðina við
vegkant í Kömbunum hjá Hveragerði,
þar sem hún var notuð við vinnu. Til-
kynning barst Selfosslögreglu um fjögur
leytið og að hennar sögn urðu litlar sem
engar tafir á umferð sökum slyssins.
LÖGREGLUFRÉTTIR