Fréttablaðið - 15.09.2006, Síða 20

15. september 2006 FÖSTUDAGUR20
Umsjón: nánar á visir.is
KAUPHÖLL ÍSLANDS [Hlutabréf]
ICEX-15 6.139 +0,88% Fjöldi viðskipta: 356
Velta: 11.354 milljónir
HLUTABRÉF Í ÚRVALSVÍSITÖLU: Actavis 64,10 -0,93% ... Alfesca
4,90 +1,24% ... Atlantic Petroleum 574,00 +0,35% ... Atorka
6,35 +0,48% ... Avion 32,90 +0,00% ... Bakkavör 56,80 +2,16%
... Dagsbrún 4,89 +0,62% ... FL Group 20,40 +0,99% ... Glitnir
19,90 -0,50% ... KB banki 840,00 +1,57% ... Landsbankinn 25,70
+0,78% ... Marel 80,00 +0,63% ... Mosaic Fashions 17,70 -0,56%
... Straumur-Burðarás 17,00 +1,19% ... Össur 122,00 +2,52%
MESTA HÆKKUN
Össur +2,52%
Bakkavör +2,16%
KB banki +1,57%
MESTA LÆKKUN
Actavis -0,93%
Mosaic -0,56%
Glitnir -0,50%
Hlutafé Exista hf. verður skráð á
aðallista Kauphallarinnar fyrir
opnun markaða í dag. Félagið er á
meðal öflugustu fyrirtækja lands-
ins og nema heildareignir þess
yfir 300 milljörðum króna. Exista
verður fjórða verðmætasta félag-
ið í Kauphöllinni á eftir viðskipta-
bönkunum þremur.
Exista starfar á sviði fjármála-
þjónustu, einkum trygginga og
eignaleigu, meðal annars undir
merkjum VÍS og Lýsingar. Þá er
Exista kjölfestufjárfestir í nokkr-
um af stærstu fyrirtækjum lands-
ins, þar á meðal Kaupþingi banka,
Bakkavör
Group og Símanum.
Í fyrradag lauk útboði á hluta-
bréfum í Exista til starfsmanna
félagsins og til almennings, en í
boði voru 0,6 prósent heildarhluta-
fjár fyrir hvorn hóp um sig. Alls
130 milljón hlutir. Söluverð á hlut
var 21,5 krónur, en það er
sama verð og var í útboði
til fagfjárfesta í síðustu
viku.
Starfsmenn félagsins
skráðu sig fyrir öllum
hlutum sem þeim stóðu til
boða og eftirspurn í
almenna útboðinu var langt
umfram framboð. Alls bárust óskir
um kaup fyrir allt að 42 milljarða
króna, en í boði voru ekki nema 1,4
milljarðar. Í almenna úboðinu
fengu fjárfestar að kaupa fyrir
meira en 240 þúsund krónur,
eða helminginn af þeim hlut
sem þeir skráðu sig fyrir ef
upphæðin hans var lægri.
Kaupþing banki sá um
útboðið á bréfunum í Exista
og innleystur hagnaður bankans af
sölu bréfa í félaginu var 10,6 millj-
arðar króna. Þar kemur til bæði
sala í útboðinu og til lífeyrissjóða í
byrjun síðasta mánaðar. Að auki á
bankinn um 10,8 prósenta hlut í
Exista, en hann er áætlað að greiða
til hluthafa í formi arðs.
Greiningardeild Glitnis
segir allt útlit fyrir met-
hagnað á þriðja ársfjórð-
ungi hjá Kaupþingi banka
vegna viðskiptanna með
bréf Exista. „Óvíst er um
þróun verðs á bréfunum
það sem eftir lifir af þriðja árs-
fjórðungi en miðað við útboðsverð-
ið (21,5 krónur á hlut) hefur mynd-
ast 13,2 milljarða króna óinnleystur
hagnaður af eftirstandandi eign
bankans í félaginu. Samtals nemur
því hagnaður bankans af ráðstöfun
hlutabréfa í Exista sem stendur um
23,8 milljörðum króna fyrir skatta.“
Fyrir skráningu bréfa Exista bók-
færði Kaupþing banki þau á kaup-
verði en ekki áætluðu markaðsvirði
líkt og gert verður eftirleiðis.
olikr@frettabladid.is
Skráning Exista dregur
fram dulda eign KB banka
Bylur hæst i tómri skrifstofu
Samtök atvinnulífsins hafa látið allra
hæst í gagnrýni á hagstjórn Seðla-
bankans og hefur framkvæmdastjóri
samtakanna meðal annars sagt
bankann eiga á hættu að missa öll
hagstjórnarvopn úr hendi sér verði
ekki látið af hávaxtastefnunni. Það
var því ekki að ástæðulausu sem
blaðamönnum varð fyrst hugsað til
Samtaka atvinnulífsins þegar leita átti
viðbragða við stýrivaxtahækkun Seðla-
bankans. Þegar hringt var í samtökin
varð enginn fyrir svörum nema vélræn
kvenmannsrödd: „Í dag fimmtudag er
skrifstofa samtakanna lokuð vegna
stefnumótunarfundar. Opnum
aftur föstudag klukkan 8.30,“ sagði
vélmennið. Bylur hæst í tómri tunnu
segir máltækið.
Ávinningur eða atvinnubótavinna?
Ýmiss konar stefnumótun og markmiðssetning
tíðkast í síauknum mæli meðal fyrirtækja í landinu.
Útkomuna má oftar en ekki taka saman í nokkur
stikkorð sem ætlað er að lýsa einhvers konar
útópískri sýn á þá starfsemi sem fram
fer í viðkomandi fyrirtæki. Þannig
eru einkennisorð stórfyrirtækis hér í
bæ; sköpunargleði, samstarf, áreið-
anleiki og arðsemi. Sumir segja
slík slagorð hafa hvetjandi áhrif á
starfsmenn fyrirtækja en aðrir telja
einungis um atvinnubótavinnu
fyrir ráðgjafarfyrirtæki að ræða.
Gaman verður að sjá útkomuna hjá
Samtökum atvinnulífsins og fróðlegt
væri að vita hvort ávinningur slíks
stefnumótunarfundar er meiri
en sem nemur einum töpuðum
vinnudegi.
Peningaskápurinn...
Hlutfall vanskila af útlánum á
öðrum ársfjórðungi ársins 2006
var 0,6 prósent en var 1,1 prósent á
öðrum ársfjórðungi í fyrra. Hlut-
fallið var það sama, 0,6 prósent, í
lok næstu tveggja ársfjórðunga á
undan og hefur hlutfallið ekki verið
lægra á síðustu fimm árum. Þetta
sýna tölur sem Fjármálaeftirlitið
hefur tekið saman um vanskil
útlána hjá innlánsstofnunum. Ná
þær til vanskila sem staðið hafa
lengur en einn mánuð.
Vanskilahlutfall fyrirtækja var
rúmlega 0,5 prósent í lok 2. árs-
fjórðungs 2006 sem er svipað hlut-
fall og var í lok næstu tveggja árs-
fjórðunga á undan. Í lok annars
ársfjórðungs 2005 var hlutfallið 0,9
prósent. Vanskilahlutfall einstakl-
inga lækkaði í 0,9 prósent í lok 2.
ársfjórðungs 2006, frá 1,8 prósent-
um í lok annars ársfjórðungs 2005.
Í Vegvísi Landsbankans segir
að á því tímabili sem tölur Fjár-
málaeftirlitsins ná yfir, frá árslok-
um 2000, hafi útlán nær fjórfald-
ast. Á sama tíma hafi vanskil
aukist um 35 prósent í krónum
talið. Lækkandi vanskilahlutfall
skýrist að öllum líkindum af bætt-
um kaupmætti, bættri afkomu
fyrirtækja og hagstæðari láns-
kjörum á tímabilinu. - hhs
Vanskil í sögulegu lágmarki
KAUPHÖLL ÍSLANDS
Seðlabankinn hækkaði
stýrivexti í fjórtán prósent
í gær. Seðlabankastjóri
gaf ekkert upp um hvort
hækkunin væri sú síðasta í
bili. Framkvæmdastjóri SA
segir bankann hætta á að
standa skotfæralaus í næstu
uppsveiflu.
Stýrivextir Seðlabankans voru í
gær hækkaðir um 0,5 prósent og
standa nú í fjórtán prósentum.
Þetta er sautjánda stýrivaxta-
hækkun bankans í röð. Hækkunin
er í samræmi við spár.
Greiningardeildir viðskipta-
bankanna hafa spáð því að hækk-
unin verði sú síðasta í bili. Davíð
Oddsson, seðlabankastjóri, gaf þó
ekkert upp um það á fundi með
blaðamönnum „Stýrivextir lækka
þegar við sjáum örugg merki þess
að úr verðbólgu dragi yfir lengra
tímabil. Það er ekki okkar mark-
mið að vextir séu háir, heldur að
draga úr verðbólgu. Verði vextir
að vera háir til að það markmið
náist verður svo að vera.“ Næsti
vaxtaákvörðunardagur Seðla-
banka Íslands er 2. nóvember
næstkomandi.
Fram kom í ræðu Davíðs að
framvinda efnahagsmála frá júlí-
byrjun hafi í meginatriðum verið í
samræmi við þjóðhags- og verð-
bólguspá Seðlabankans, að öðru
leyti en því að verðbólga verði
nokkru minni en talið var. Á móti
komi hins vegar meiri viðskipta-
halli á fyrri hluta ársins sem bendi
til hraðari eftirspurnar en spáð
var og að verðbólguhorfur verði
lakari er frá líður. Viðskiptahall-
inn feli í sér að mikillar aðlögunar
sé þörf í þjóðarbúskapnum á næstu
árum. Við þær aðstæður verði pen-
ingalegt aðhald að vera nægilegt
svo verðbólga nái ekki að festast í
sessi.
Hagstjórn Seðlabankans hefur
nokkuð verið gagnrýnd að undan-
förnu og skrifaði Vilhjálmur Egils-
son, framkvæmdastjóri Samtaka
atvinnulífsins, meðal annars í
pistli á dögunum þar sem hann
lýsti þeirri skoðun að Seðlabank-
inn væri að segja sig frá hagstjórn-
inni með hávaxtastefnu sinni.
Bankinn væri á öfugu róli í hags-
veiflunni og myndi frekar magna
sveiflurnar en draga úr þeim.
Seðlabankastjóri sagði mjög
mikilvægt að hlusta á alla gagnrýni
sem kæmi frá talsmönnum atvinnu-
lífsins. Hins vegar væri enn undir-
liggjandi spenna í hagkerfinu og
því nauðsynlegt að bregðast við
„Ég tók nú eftir því að aðstoðar-
framkvæmdastjóri Samtaka
atvinnulífsins viðurkenndi í fjöl-
miðlum að mikil eftirspurn á vinnu-
markaði sýni að enn er mjög mikil
undirliggjandi verðbólguspenna í
þjóðfélaginu,“ sagði Davíð.
Vilhjálmur Egilsson kvaðst afar
óánægður með ákvörðun Seðla-
bankans. Hann sagði verðbólguna
hafa lækkað mun meira en spár
höfðu gert ráð fyrir, auk þess sem
sæi fyrir endann á stóriðjufram-
kvæmdum og verulega hefði dreg-
ist saman á íbúðamarkaði. „Við
teljum að ótvírætt stefni í sam-
drátt á næsta ári og það verði ekki
sama villta einkaneysla og áður.
Hagkerfið er að snúast í jafnvæg-
isátt og það er nauðsynlegt að
fylgja því eftir með vaxtalækkun-
um. Hættan er líka sú að Seðla-
bankinn eigi engin skotfæri í byss-
unum þegar uppsveiflan byrjar að
nýju 2008.“ jsk@frettabladid.is
Háir vextir ekki markmið
TILKYNNT UM HÆKKUN STÝRIVAXTA Framkvæmdastjóri Samtaka atvinnulífsins
gagnrýnir hávaxtastefnuna og segir Seðlabankann hætta á að standa uppi skotfæra-
laus í næstu uppsveiflu. FRÉTTABLAÐIÐ/GVA
Talsverður kippur hefur komið í
útgáfu krónubréfa á síðustu mán-
uðum og hafa alls verið gefin út
krónubréf fyrir 45 milljarða króna
frá því um miðjan júlí. Í gær og í
fyrradag bættist enn við útgáfuna
þegar KFW, Deutsche Bank
og Rabobank gáfu út bréf
fyrir alls 11 milljarða til
eins til tveggja ára.
Heildarútgáfa krónu-
bréfa frá upphafi nemur
nú 280 milljörðum króna.
Í Morgunkorni Glitnis segir
að þetta sé þó ekki lýsandi
fyrir heildarstöðu erlendra fjár-
festa í krónubréfum. Krónubréf
fyrir fjörutíu milljarða króna séu
á gjalddaga í mánuðinum en fyrsti
gjalddagi krónubréfa er í dag,
föstudag, alls fyrir þrjátíu millj-
arða. Útistandandi krónubréf í lok
mánaðarins verða því 240 millj-
arðar króna verði ekki um frekari
útgáfu að ræða í mánuðinum.
Útgáfa krónubréfa hefur haft
töluverð áhrif á gengi krónunn-
ar. Miklar sveiflur hafa verið
á gengi hennar að undan-
förnu sem að hluta til eru
reknar til krónubréfanna. Í
gær styrktist krónan um
tæp 0,6 prósent. Samkvæmt
Morgunkorninu er ólíklegt
að það megi að öllu leyti rekja
til stýrivaxtahækkunarinnar í gær
þar sem við henni var búist. Lík-
legra sé að þessi mikla útgáfa
krónubréfa á sé að knýja styrking-
una áfram. - hhs
Kippur í krónubréf
Bandaríska matvæla- og lyfjaeft-
irlitið (FDA) hefur veitt Actavis
viðvörun eftir úttekt á tilteknum
þáttum í starfsemi félagsins í Litt-
le Falls í New Jersey, einni af fjór-
um verksmiðjum Actavis í Banda-
ríkjunum. Úttektin fór fram í
febrúar síðastliðnum.
„Athugasemdir FDA tengjast á
engan hátt gæðastarfi eða fram-
leiðslu Actavis ytra, heldur því
kerfi sem við höfum byggt upp til
að halda utan um tilkynningar frá
viðskiptavinum um mögulegar
aukaverkanir lyfja og svo skrán-
ingu á þremur eldri lyfjum sem
verið hafa á markaði frá árinu
1970,“ segir Halldór Kristmanns-
son, framkvæmdastjóri innri og
ytri samskipta Actavis. Vegna
þess að lyfin þrjú voru sett á
markað áður en núgildandi reglur
um skráningu samheitalyfja komu
til, horfir FDA til þess að ef til vill
þurfi að breyta á einhvern hátt
skráningu þeirra.
Halldór segir að strax í febrú-
ar hafi félagið tekið bæði atriði til
gagngerrar endurskoðunar til að
tryggja að tilkynningar kvartana
og framleiðsla og sala eldri lyfja
væri í fullu samræmi við kröfur
FDA. Hann segir vonir standa til
að málið leysist farsællega á
næstu mánuðum og aðvörunar-
bréfið dregið til baka. Mat Acta-
vis er því að viðvörunin hafi engin
fjárhagsáhrif á Actavis, hvorki á
þessu ári né því næsta. - óká
DR. LESTER M. CRAWFORD Lester Craw-
ford er yfirmaður Bandaríska matvæla-
og lyfjaeftirlitsins, FDA.
Lyfjaeftirlit Bandaríkj-
anna varar Actavis við
Í BANKANUM Hlutfall vanskila hefur ekki verið lægra á síðustu fimm árum.
MARKAÐSPUNKTAR
Actavis hugleiðir enn viðbrögð við
hækkuðu tilboði bandaríska lyfjafyrir-
tækisins Barr í króatíska lyfjafyrirtækið
Pliva, en jafnvel er búist við útspili frá
félaginu í dag.
Í skiptingar- og samrunaáætlun Dags-
brúnar sem birt var í gær kemur fram að
skuld upp á 1,1 milljarð króna sem getur
myndast hjá félaginu vegna kaupanna á
Senu og Securitas verði breytt í hlutafé í
félaginu K2.
Alþjóðagjaldeyrissjóðurinn hefur hækk-
að spá sína um vöxt í alþjóðahagkerfinu
um 0,25 prósentustig, í 5,1 prósent fyrir
þetta ár og um sömu hlutfallstölu í 4,9
prósent fyrir næsta ár.