Fréttablaðið - 23.09.2006, Side 72

23. september 2006 LAUGARDAGUR36
Antoine er um það bil að ljúka ferð sinni um heiminn en hann hefur þegar haft við-
komu á sjö stöðum þar sem hann
spyr konur um ýmislegt varðandi
fegurð kvenna. „Ég er að vinna
átta heimildarþætti sem verða
klukkutími hver. Ég ákvað að
skipta þáttunum upp í þemu sem
eru meðal annars lýtaaðgerðir, föt,
fylgihlutir, hárgreiðsla, förðun,
líkamsrækt og undirföt. Í hverjum
þætti ber ég saman hugmyndir
kvenna á hverjum stað um hvert
þema fyrir sig og það er mjög
áhugavert að sjá hversu mismun-
andi túlkun er á fegurð á milli
staða,“ segir Antoine og viðurkenn-
ir að verkefnið hafi virkað mjög
einfalt þegar hann lagði af stað
með það en eftir því sem hann hitt-
ir fleiri konur og lærir meira, þeim
mun flóknara verði það. „Ég hef
hitt yfir hundrað konur víða um
heiminn. Sumar þeirra tala ég við í
örfáar mínútur en fæ aðrar til að
fara dýpra ofan í hvert viðfangs-
efni. Ég spyr þær allar hvað fegurð
sé og engar tvær hafa svarað
spurningunni eins. Stundum tel ég
mig hafa fundið út í hverju fegurð-
in felist en missi svo jafnskjótt
sjónar af því aftur,“ segir Frakkinn
og brosir.
Kemur fegurðin innan
frá eða utan?
Antoine segir það hafa vakið athygli
sína að engin kona af þeim sem hafi
talað við segist vilja vera falleg
fyrir karlmennina heldur einungis
fyrir sig sjálfa. „Ég veit nú ekki
hvort það sé alveg sannleikanum
samkvæmt og á jafnvel von á að
það séu smá ósannindi í þessum
staðhæfingum en þær standa allar
fast á þessu. Örfáar hafa játað að
vilja vera fallegar til þess að slá
öðrum konum við en alls ekki til að
heilla karlmenn á nokkurn hátt,“
segir Antoine og glottir. „Allar kon-
urnar sem ég tek viðtöl við fá sömu
lokaspurninguna: „Ertu falleg?“
Þeim líkar illa við þessa spurningu
og margar verða vandræðalegar en
engar tvær koma með sama svarið.
Svörin sem ég hef fengið eru til
dæmis þessi: Já, kannski; Já og nei,
eða hvað heldur þú? Sumar segja
einfaldlega: þetta er heimskuleg
spurning eða klippa!“ Hann segir
allar konur bregðast við á mismun-
andi hátt við þessari hræðilegu
spurningu. „Eins og þetta er nú ein-
föld spurning,“ segir hann og hlær.
„Það er svo merkilegt að fallegustu
konurnar sem ég hitti halda að þær
séu ekki fallegar. Ef maður spyr
ofurfyrirsætur hvort þær séu
fallegar þá svara þær því oft til að
þar sem þær heyri fátt annað allan
daginn en hversu fallegar þær séu
fari þær sjálfar að efast og treysta
því ekki lengur.“
Antoine segir margar fallegar
konur svara spurningunni um hvað
fegurð sé þannig að hún komi í raun
að innan. „Það virðast oft vera
fallegustu konurnar sem svara á
þennan hátt enda eru þær þegar
fallegar og hafa vel efni á að svara
þessu svona. Það getur verið mjög
erfitt fyrir konur að viðurkenna
eigin fegurð,“ segir hann og bætir
því við að hann hafi stundum velt
því fyrir sér til hvers konur kaupi
oft fjöldan allan af tímaritum um
fegurð og tísku ef fegurðin komi í
raun og veru innan frá. „Til hvers
þá að vera að leggja á sig alla þessa
vinnu við að ná sem mestri ytri feg-
urð?“ spyr hann.
Asískar konur skera sig úr
Leikstjórinn hefur sérstakt dálæti
á Asíu og segir álfuna skera sig
heilmikið frá öðrum heimsálfum
hvað fegurð varðar. „Í Asíu eru
konur mjög dular og halda sínum
málum algjörlega fyrir sig. Þær
koma fyrir sem feimnar og óör-
uggar en eru samt alla jafna mjög
öruggar og sjálfstæðar og vita
alveg hvað þær vilja. Meðal vest-
rænna þjóða eru konurnar mjög
opnar út á við og virka mjög sjálf-
stæðar en ég er ekkert viss um að
þær séu það innra með sér,“ segir
Antoine og ber saman viðhorf
kvenna í Los Angeles og Japan: „Í
Los Angeles telja konur fegurðina
felast í því að vera kynþokkafull en
japanskar konur segja fegurðina
felast í feimninni. Því feimnari
sem kona er, þeim mun fegurri er
hún.“
Eitt þemað í þáttunum er förðun
og spurði Antoine konu eina í New
York um það efni. „Hún sagðist
alltaf setja á sig eldrauðan varalit
til þess að vernda sig gegn karl-
mönnum. Hún útskýrði það á þann
hátt að þrátt fyrir að karlmönnum
þættu rauðar varir fallegar væri
þeim á vissan hátt ógnað af litnum.
Aftur á móti hitti ég eina gullfal-
lega kínverska konu sem notaði
engan farða annan en hvítan yfir
allt andlitið en í Kína þykir það
fallegt að konur séu hvítar. Alls
ekki sólbrúnar. Hún sagðist sleppa
öllum farða til þess að karlmenn
ættu auðveldara með að nálgast
hana. Hvíti farðinn hjálpar þeim
líka við að sýna engar tilfinningar
en í Japan og Kína mega konur
ekki sýna tilfinningar. Geisjur
maka til dæmis á sig miklu af hvít-
um farða og eldrauðum varalit. Í
þeirra tilfelli eru þetta grímur til
að fela sig á bak við,“ segir Antoine
og veltir því fyrir sér hvort fatnað-
ur og förðun séu þegar uppi er
staðið til þess að fela sig á bak við
eða til þess að draga fram línur
andlits og líkama.
Íslenskar konur fallegar
og kynþokkafullar
Antoine fékk að sjálfsögðu spurn-
ingu um hvað honum fyndist um
íslenskar konur. „Mmm... Þær eru
mjög aðlaðandi,“ segir hann og er
þá inntur eftir því hvort hann sé
sammála þeirri skoðun margra um
að íslenskar konur séu allra kvenna
fegurstar. Hann hlær að spurning-
unni og segist heyra það í hverju
landi sem hann heimsæki að þjóðin
státi af fegurstu konum heims.
„Mér finnst íslenskar konur mjög
fallegar og sjálfstæðar og harðar í
horn að taka. Ég spurði íslenska
konu að því í vikunni hvað væri
fallegt við íslenskar konur og hún
svaraði því þannig að það mætti
líkja þeim við fossa. Þær væru nátt-
úrulegar, kraftmiklar og allar ein-
stakar. Mér finnst þetta skemmti-
leg samlíking.“
Antoine segir þekktan fatahönn-
uð í Kína einmitt vera að móta nýja
ímynd fyrir kínverskar konur og
eigi sú ímynd að fela í sér kynþokka
og völd. „Það stríðir þvert gegn því
sem hefur tíðkast þar í landi um
aldir en hér á Íslandi virðist þessi
ímynd vera mjög vinsæl. Íslenskar
konur hafa svo sannarlega kyn-
þokka til að bera og þar með ákveð-
in völd einnig.“
Antoine segir að eitt það mikil-
vægasta við kvenlega fegurð sé
sjálfsöryggi enda sé það nokkuð
sem flestar konur reyni að öðlast á
einhvern hátt. Þær haldi sér í líkam-
legu formi, máli sig, fái sér ný föt og
nýja hárgreiðslu, oft í þeim tilgangi
að ná sjálfstraustinu í gegnum ytra
útlit. „Ég spjallaði eitt sinn við einn
besta förðunarfræðing Chanel
snyrtivaranna og hann sagði mér að
ástfangnar konur væru langfalleg-
astar. Væru konur ástfangnar
geisluðu þær af fegurð og ég er ekki
frá því að það sé mikið til í því.“
Fegurðin á sér engan endi
Antoine segir erfitt að komast að
einhverri einni niðurstöðu út frá
öllum þessum rannsóknum á kven-
legri fegurð. „Fegurðin á sér engan
endi,“ segir Frakkinn og bætir því
við að það verði alltaf ómögulegt
fyrir karlmenn að skilja konur til
fulls. „Mér fannst mjög fallegt
þegar gömul japönsk kona sem
hafði lifað tímana tvenna sagði mér
að fegurðin fælist í frelsinu. Að
vera falleg er að vera frjáls. Hugs-
anlega hefur hún rétt fyrir sér en
hugmyndin er bæði góð og falleg.“
Aðspurður hvernig áhugi hans
hafi kviknað á þessu verkefni segir
Antoine í gríni að það sé auðvitað af
því hann elski konur en bætir síðan
við á alvarlegri nótum: „Ég er mjög
veikur fyrir öllu sem er fallegt og
er heillaður af heimi kvenna, auk
þess sem mér líður vel innan um
konur. Franskir karlmenn viður-
kenna kvenleikann og eru ekkert
yfirmáta karlmannlegir, eða það
vona ég að minnsta kosti. Í heimi
kvenna er ekkert svart og hvítt en í
meðal karlmanna er bara spurning
um hversu sterkur eða veikur
maður er.“ sigridurh@frettabladid.is
Það er fegurð í frelsinu
KYNTÁKN Pamela Anderson er dæmigerð fyrir hugmyndir kvenna í
Los Angeles um fegurðina en þar telja konur að fegurðin felist ein-
göngu í kynþokkanum.
ASÍSK FEGURÐ Kínverska leikkonan Zhang Ziyi er ljós á hörund og
feimnisleg að sjá en feimnin er einmitt talin merki um fegurð í Asíu.
Antoine Lassaigne er franskur heimildarmyndaleikstjóri sem er á ferð um heiminn til að gera heimildar-
þætti um fegurð kvenna. Hann komst að því að flestar konur vilja vera fallegar fyrir sig sjálfar. Sigríður
Hjálmarsdóttir hitti Frakkann að máli og forvitnaðist um mismunandi skoðanir kvenna á fegurð.
Mismunandi túlkun fegurðar
Franski heimildagerðarmaðurinn Antoine hefur nú rætt við konur í
Kína, Japan, Brasilíu, Los Angeles, New York, Montreal í Kanada og
Frakklandi. „Þegar ég hef lokið upptökum hér á Íslandi mun ég fara til
Ítalíu og Þýskalands og ljúka þar með ferð minni um heiminn til að
kanna fegurð kvenna.“ Að loknum upptökum á Antoine mikla vinnu
eftir við að setja saman þættina úr öllu því efni sem hann hefur viðað
að sér. Síðar mun þáttaröðin um kvenlega fegurð verða sýnd um allan
heim og vonandi fáum við Íslendingar að sjá afraksturinn innan tíðar.
BJÖRK Segja má að Björk sé gott dæmi um íslenska fegurð sam-
kvæmt skilgreiningu Antoine enda er hún afar sjálfstæður og sterkur
persónuleiki auk þess að vera þokkafull.