Fréttablaðið - 30.12.2006, Síða 38

Sögusagnir þess efnis að Ford
og Toyota ætli sér í eina sæng
tröllríða nú bílaiðnaðinum.
Þetta gerðist í kjölfar þess
að fréttir um fund yfirmanna
fyrirtækjanna láku út.
Ford sendi frá sér yfirlýsingu þess
efnis að yfirmaður fyrirtækisins,
Alan Mulally, hafi vissulega fund-
að með yfirmönnum Toyota í Japan
en samruni hafi ekki verið ræddur.
Í yfirlýsingunni, sem er afar stutt,
er það ítrekað að yfirmenn bíla-
framleiðanda hittist stöðugt og
ræði mögulega samvinnu á sviði
tækniþekkingar og framleiðslu. Þó
að yfirlýsingin hafi átt að kveða
niður sögusagnir hefur hún gert
lítið annað en að ýta undir orðróm
þess efnis að Ford leiti eftir sam-
runa, þrátt fyrir fullyrðingar um
annað fyrr á árinu.
Ford hefur gengið afleitlega á
þessu ári og er tapið mikið. Toyota
heldur hins vegar áfram að stækka
og fyrir þremur árum komst Toy-
ota upp fyrir Ford og í annað sæti
yfir stærstu bílaframleiðendurna.
Söluspár fyrirtækisins gera einnig
ráð fyrir að á næsta ári verði þeir
öflugri en GM og um leið
stærstu bílafram-
leiðendur heims.
Bæði fyrir-
tækin myndu
græða á samrun-
anum. Ford vantar
tækni sem Toyota býr yfir, sem og
reynslu Toyota að byggja upp orð-
stír bílategunda. Ford á nóg af
verksmiðjum í Bandaríkjunum
sem eru einungis nýttar að hluta.
Toyota er einmitt að leita að leið til
að framleiða sína bíla í Bandaríkj-
unum svo þeir geti keppt við GM á
þeirra heimavelli. Við fyrstu sýn
virðist þetta vera fullkomið hjóna-
band.
Fullyrðingar stjórnar Ford gætu
hins vegar verið sannar. Samvinna
er algeng í bílaiðnaðinum og tækni
sem fundin er upp af einu fyrir-
tæki er sjaldnast bundin við það
eitt lengi. Kostnaður við þróunar-
vinnu er gríðarlegur og reyna
framleiðendur að græða
með því að selja þekk-
ingu, jafnvel til
keppinauta. Með
hliðsjón af þessu
telja sérfræðing-
ar líklegt að Ford
ásælist „hybrid“-tækni Toyota og
getur fundurinn vel hafa snúist um
slík viðskipti.
Á meðan engar frekari útskýr-
ingar berast úr herbúðum fyrir-
tækjanna eru þetta einungis vanga-
veltur en ljóst er að margir eru
farnir að veðja á samruna og mynd-
un nýs risa í bílaiðnaðinum. Risa
sem mun gnæfa yfir keppinauta
sína.
Hugsanleg sameining
Ford og Toyota
550 5000
AUGLÝSINGASÍMI