Fréttablaðið - 27.02.2007, Page 10

Alltaf stóð til að Fjár-
festingafélagið Gaumur eignaðist
hlut í bátnum Thee Viking og
öðrum bátum sem skráðir voru á
Jón Gerald Sullenberger í Flórída.
Þetta kom fram í máli Jóhann-
esar Jónssonar, kaupmanns í
Bónus og stjórnarmanns í Baugi
Group, í Héraðsdómi Reykjavíkur
í gær, þegar aðalmeðferð í Baugs-
málinu var fram haldið.
Jóhannes gat ekki skýrt hvers
vegna greiðslur frá Gaumi, sem er
í eigu hans og fjölskyldu hans, til
Jóns Geralds vegna bátakaupa á
Flórída, féllu niður skömmu áður
en reglulegar greiðslur fóru að
berast frá Baugi til Nordica, félags
Jóns Geralds.
Jóhannes gaf sömu skýringu og
tveir ákærðu – þeir Jón
Ásgeir Jóhannesson og
Tryggvi Jónsson – á
greiðslunum úr Baugi.
Hann sagði þær hafa
verið hugsaðar til að
styrkja Nordica vegna
starfa félagsins fyrir
Baug. Jón Gerald, sem ákærður er
í öðrum hluta málsins, hefur hins
vegar borið að greiðslurnar hafi
átt að fjármagna eignarhlut Gaums
í bátunum.
Jóhannes sagði Gaum hafa alls
greitt um 40 milljónir til Nordica
vegna þriggja skemmtibáta, og
alltaf hefði staðið til að Gaumur
fengi eignarhlut í bátunum í sam-
ræmi við það fé sem lagt hefði
verið í þá. Þetta er heldur sterkara
orðalag en fram kom þegar Jón
Ásgeir gaf skýrslu fyrir dómi, en
hann sagði að það hefði komið til
tals að Gaumur fengi hlut í bátun-
um.
Hreinn Loftsson, stjórnarfor-
maður Baugs Group, bar einnig
vitni fyrir dómi í gær. Hann sagði
að engar hótanir hefðu falist í
orðum Davíðs Oddssonar, þáver-
andi forsætisráðherra, um að rann-
sókn skattayfirvalda, samkeppnis-
yfirvalda eða lögreglu á Baugi
væri yfirvofandi á fundi með sér í
London 26. janúar 2002.
Framburður Hreins í gær
var mun hófstilltari en
framburður Jóns Ásgeirs
fyrir dómi, en hann hélt
því fram síðastliðinn fimmtudag
að Davíð hefði á fundinum hótað
Hreini því að Baugur yrði fyrir
barðinu á lögreglu, samkeppnis-
málum og skattayfirvöldum.
Hreinn sagði fyrir dómi í gær
að Davíð hefði á fundinum sagst
vera afar andsnúinn því að íslensk-
ir bankar styrktu Baug í áhættu-
fjárfestingum erlendis, og honum
hefði verið ljóst að ekki væri að
draga úr opinberri umræðu sem
verið hafði um Baug í aðdraganda
fundarins. Í kjölfarið sagðist
Hreinn svo hafa gripið til aðgerða
til þess að tryggja að allt innan
Baugs væri „110 prósent“ tilbúið,
kæmi til einhvers konar opinberr-
ar rannsóknar.
Gaumur átti
að fá hlut í báti
Jóhannes í Bónus sagði Gaum hafa átt að fá hlut
í bátum á Flórída. Stjórnarformaður Baugs sagði
engar hótanir hafa falist í orðum Davíðs Oddssonar.
BAUGS M Á L I Ð
Hvar í heiminum er verið að
koma upp dómsdagsgeymslu
sem mun geyma allar þekktar
frætegundir heimsins?
Hvaða leikara hitti krafta-
karlinn Magnús Ver nýlega eftir
að hafa verið við tökur á bjór-
auglýsingu í Bandaríkjunum?
Hvaða knattspyrnulið varð
enskur deildarbikarmeistari í
fjórða sinn um helgina?
Fimmtudaginn 1. mars verður haldið fjármálakvöld í Holtagarðaútibúi.
Dagskráin hefst kl. 20.
Skattamál
Sérfræðingar Landsbankans í skattamálum fara yfir skattaumhverfið á Íslandi, ýmis
álitaefni varðandi skattlagningu fjármagnstekna og hagnýt atriði við framtalsgerð.
Skráning á fjármálakvöld fer fram á landsbanki.is
Nánari upplýsingar á landsbanki.is eða í Ráðgjafa- og þjónustuveri í síma 410 4000.
Allir velkomnir
ÍS
LE
N
SK
A
SI
A
.IS
/
LB
I
36
45
5
02
/0
7
FIMMTUDAGSKVÖLD ERU
FJÁRMÁLAKVÖLD