Fréttablaðið - 04.05.2007, Side 12

Lögð verða fram gögn
um sundurliðaðan kostnað sem
liggur að baki útreikningum á
lóðaverði á fundi borgarráðs á
fimmtudaginn í næstu viku. Þetta
var ákveðið á fundi borgarráðs í
gær en Vinstri græn óskuðu eftir
því á fundi ráðsins í gær að fá,
eftir einstaka liðum, uppgefinn
kostnað sem liggur að baki ákvörð-
uðu verði sem á að vera kostnað-
arverð.
Fréttablaðið óskaði einnig eftir
sundurliðun á kostnaðinum en
fékk þær upplýsingar frá Hrólfi
Jónssyni, sviðsstjóra fram-
kvæmdasviðs Reykjavíkurborgar,
að ekki væri mögulegt að fá sund-
urliðun uppgefna fyrr en búið
væri að kynna hana fyrir fulltrú-
um í borgarráði.
Liðirnir sem kostnaðurinn skipt-
ist í eru götur, holræsi, gönguleið-
ir, ræktun, opin svæði, leikskólar,
grunnskóli, íþróttasvæði og menn-
ingarmiðstöðvar, kostnaður vegna
landakaupa og fjármagnskostnað-
ur á byggingartíma. Ekki fékkst
uppgefið hvernig kostnaður skipt-
ist niður á þessa liði en kostnaður-
inn við íþróttasvæði og menning-
armiðstöðvar deilist hlutfallslega
niður á fleiri hverfi þar sem gert
er ráð fyrir samnýtingu mann-
virkja.
Eins og greint hefur verið frá
ætlar meirihluti Framsóknar-
flokksins og Sjálfstæðisflokksins í
Reykjavík að selja lóðir á föstu
verði í nýjum hverfum. Fyrir ein-
býlishúsalóðir verða greiddar ell-
efu milljónir, fyrir par- og rað-
húsalóðir 7,5 milljónir á íbúð og
fjölbýlisíbúð 4,5 milljónir.
Á fundi borgarráðs í gær voru
lagðar fram áætlanir um úthlutun
lóða í Úlfarsárdal. Samkvæmt
áætlunum er gert ráð fyrir því að
úthlutað verði 73 einbýlishúsalóð-
um, 27 parhúsalóðum, ellefu rað-
húslóðum fyrir samtals 45 íbúðir
og fjórum fjölbýlishúsalóðum
fyrir samtals 216 íbúðir.
Ofan á hverja einbýlishúsalóð
leggst fimm milljóna króna við-
bótargjald ef lóðin er seld innan
sex ára frá úthlutun, samkvæmt
almennum reglum um úthlutun
lóða í Reykjavík. Fjögurra millj-
óna króna viðbótargjald fellur á
parhúsíbúð af sömu sökum, einnig
á raðhúsíbúð en tvær milljónir á
íbúð í fjölbýli.
Fjallað um
kostnaðinn
eftir viku
Fjallað verður um sundurliðaðan kostnað sem liggur
að baki auglýstu kostnaðarverði á lóðum í nýjum
hverfum í Reykjavík í næstu viku. Sundurliðunin fæst
ekki uppgefin fyrr en að loknum fundi borgarráðs.
Sátt hefur náðst í máli
breska tónlistarmannsins Damons
Albarn gegn verkfræðistofunni
VGK-Hönnun. Albarn fékk
verkfræðistofuna til þess að gera
kostnaðaráætlun og annast
breytingar á einbýlishúsi sínu í
Reykjavík. Kostnaður við
breytingarnar fór langt fram úr
áætlun og krafðist Albarn um 40
milljóna og fór með málið fyrir
dóm.
Er málið var til meðferðar fyrir
dómi lögðu forsvarsmenn verk-
fræðistofunnar fram tillögu sem
Albarn og lögmaður hans, Heimir
Örn Herbertsson, sættust á. Efni
hennar er trúnaðarmál.
Damon Albarn
bættur skaðinn
www.hi.isÍSL
E
N
S
K
A
/S
IA
.I
S
/H
S
K
3
73
36
0
5/
07
INNTÖKUPRÓF Í LÆKNADEILD HÍ
SJÚKRAÞJÁLFUNARSKOR OG LÆKNISFRÆÐISKOR
Inntökupróf í læknadeild Háskóla Íslands fyrir nám í læknisfræði og sjúkraþjálfun
verður haldið í Reykjavík miðvikudaginn 13. og fimmtudaginn 14. júní 2007.
Nánari upplýsingar verða sendar próftakendum eftir að skráningu er lokið.
Þátttakendur þurfa að skrá sig sérstaklega til inntökuprófsins fyrir 20. maí 2007.
Sjá eyðublað á heimasíðu læknadeildar www.laeknadeild.hi.is Skráning getur
farið fram enda þótt nemandi hafi þá ekki lokið stúdentsprófi, en þegar inntöku-
prófið er þreytt skal nemandinn hafa lokið stúdentsprófi og skilað inn stað-
festingu því til sönnunar. Umsókn um skrásetningu ásamt staðfestu afriti af
stúdentsprófsskírteini eða staðfestingu um að stúdentsprófi verði lokið, skal skilað
eða senda í pósti til skrifstofu læknadeildar, Vatnsmýrarvegi 16, 101 Reykjavík.
LÆKNADEILD
LÆKNISFRÆÐI
SJÚKRAÞJÁLFUN
Nánari upplýsingar um prófið og dæmi um próf-
spurningar má finna á heimasíðu læknadeildar
Háskóla Íslands www.laeknadeild.hi.is
Inntökuprófið er eitt próf sem tekur tvo
daga, með þremur tveggja tíma próflotum
hvorn daginn, eða 12 klst. alls. Niðurstaða
prófsins birtist í einni einkunn sem verður
reiknuð með tveimur aukastöfum. Reiknað
er með að niðurstaða liggi fyrir ekki síðar en
um miðjan júlí.
Árið 2007 fá 48 nemendur í læknisfræði og 25 í
sjúkraþjálfun rétt til náms í læknadeild Háskóla
Íslands og skulu þeir hafa skráð sig hjá Nemenda-
skrá fyrir 1. ágúst. Þeir sem ekki öðlast rétt til náms
í læknadeild, eiga þess kost að skrá sig, innan
sömu tímamarka, í aðrar deildir gegn greiðslu
skrásetningargjalds skv. reglum Háskóla Íslands.
www.smjor.is
Betur fór en á horfðist í gær þegar krani á
vörubíl rakst upp í viðmiðunarrá sem liggur yfir
Miklubraut með þeim afleiðingum að ráin féll til
jarðar og hafnaði á tveimur bílum. Bílarnir
skemmdust töluvert en enginn slasaðist.
„Ég var bara að keyra eftir Miklubrautinni
þegar þetta ferlíki dettur niður á bílinn minn. Mér
dauðbrá enda áttaði ég mig ekki á því hvað var að
gerast eða hvaðan þetta kom,“ segir Þórunn Björg
Sigurðardóttir ökumaður annars bílsins sem
hafnaði undir ránni. Bíll Þórunnar skemmdist
mikið við óhappið enda var höggið mikið. „Ráin
lenti á framrúðunni minni og ég var bara heppin
að hún fór ekki í gegnum rúðuna,“ segir Þórunn
Björg.
Loka þurfti hluta Miklubrautarinnar um tíma í
gær vegna óhappsins.