Fréttablaðið - 04.05.2007, Síða 38

BLS. 2 | sirkus | 4. MAÍ 2007
Heyrst hefur
Hætt við að selja í Eikarásnum
Líkt og Sirkus greindi frá á dögunum
settu Habitat-hjónin Ingibjörg Þorvalds-
dóttir og Jón Arnar Guðbrandsson
glæsivillu sína í Eikarásnum í Garðabæ á
sölu þar sem sá möguleiki var fyrir hendi
að þau myndu flytjast til Danmerkur til að
fylgja eftir rekstri þeirra tískuverslana sem
þau reka þar undir merkjum Oasis. Nú
hafa þau tekið húsið af sölu og ætla að
búa áfram á Íslandi. Þau verða þó áfram
með annan fótinn í Danmörku enda
tímafrekt að fylgjast með fjórum
verslunum Oasis sem þar eru starfræktar.
250 millur fyrir Kjarvalshús
Miklar vangaveltur er nú í gangi um það
á hvaða verði Kjarvalshúsið við
Sæbraut á Seltjarnarnesi muni seljast en
það kom í sölu um síðustu helgi. Húsið
er sérlega glæsilegt, um 440 fermetrar
að stærð og með stórkostlegu
sjávarútsýni. Ekki skemmir síðan sagan
fyrir því húsið var upphaflega byggt fyrir
Jóhannes Kjarval. Ekki er langt síðan að
minna hús með lakara sjávarútsýni
seldist á 165 milljónir í næsta nágrenni
og leiða fasteignasalar líkur að því að
Kjarvalshúsið geti jafnvel farið á 250
milljónir.
Dýnamískur dúett á Króknum
Sæluvikunni í Skagafirði verður lokað
með dægurlagahátíð í kvöld, föstudags-
kvöld. Góðir
gestir munu
stíga á stokk og
má þar nefna
Aðalheiði
Ólafsdóttur,
betur þekkta
sem Heiðu í
Idolinu, Regína
Ósk og Friðrik Ómar að ógleymdum
Björgvini Halldórssyni.
Heyrst hefur að Heiða
muni stíga á stokk og
taka dúett með
skagfirska sveiflukóngn-
um Geirmundi
Valtýssyni og er
beðið eftir því
með óþreyju
á Króknum.
Bæjarstjóri fjarverandi á
afmæli Gróttu
Íþróttafélagið Grótta á Seltjarnarnesi hélt
upp á fjörutíu ára afmæli sitt með hófi á
föstudaginn fyrir rúmri viku. Öllum helstu
fyrirmönnum í bæjarfélaginu var boðið í
veisluna en eftir því var tekið að eins
þeirra var saknað sárlega. Það var
Jónmundur Guðmarsson bæjarstjóri
sem tilkynnti fjarvist af
óviðráðanlegum orsökum
eins og það var orðað.
Jómundur notaði síðan
tækifærið á fundi með
félögum sínum í Sjálfstæðis-
flokknum á Nesinu og
útskýrði fjarveru
sína. Útskýringin
er trúnaðarmál.
S jónvarpsþátturinn Tekinn með Auðunni Blöndal, sem sló í gegn
á sjónvarpsstöðinni Sirkus í vetur og
náði meðal annars rétt rúmlega 17%
áhorfi í könnun Capacent, verður
aftur á dagskrá í haust. Áreiðanlegar
heimildir Sirkus herma að þátturinn
verði á Stöð 2 og mun meira verði
lagt í hann nú heldur en í fyrra þegar
þátturinn var gerður með lágmarks-
tilkostnaði.
Tekinn er í anda þáttarins Punk‘d
með Ashton Kutcher, þar sem frægt
fólk verður fyrir barðinu á hrekkjum
þáttastjórnandans, og herma
heimildir Sirkus að samið hafi verið
við MTV, framleiðslustöð Punk‘d, og
Kutcher sjálfan í Frakklandi í síðasta
mánuði um afnot af umgjörð
þáttarins. Áhorfendur mega eiga von
á mun meira fjöri, sprengingum og
látum, í nýju þáttaröðinni sem telur
tólf þætti og hefur sýningar í haust.
Pálmi Guðmundsson, sjónvarps-
stjóri Stöðvar 2,vildi ekki tjá sig um
nýja þáttinn þegar Sirkus ræddi við
hann en ekki náðist í þáttastjórnand-
inn Auðunn Blöndal áður en blaðið
fór í prentun.
Miklu flottari Tekinn á Stöð 2 næsta vetur
HREKKJALÓMUR Auðunn Blöndal mun halda uppteknum hætti og hrekkja fræga Íslendinga sjónvarpsáhorfendum til skemmtunar.
EFTIRMINNILEGUR BUBBI Auðunn
Blöndal stríddi Bubba Morthens á
eftirminnilegan hátt í einum þátta
Tekinn síðasta vetur. Bubbi brást vel við
og þakkaði fyrir sig með þéttu taki um
háls Auðuns.
Þ rátt fyrir að Lárus Welding, hinn þrítugi nýskipaði forstjóri Glitnis, hafi starfað
og búið í London undanfarin ár
virðist hann hafa séð fyrir sér
breytingar á sínum högum. Lárus
gerði sér nefnilega lítið fyrir og
keypti eitt sögufrægasta hús
Hlíðahverfisins á 120 milljónir
seint á síðasta ári. Húsið, sem
stendur við Blönduhlíð, nefnist
Árskógar og var teiknað og
hannað af Freymóði Jóhannes-
syni, skáldi og listamanni, einatt
nefndum 12. september, á því
herrans ári 1946. Þegar húsið var
auglýst fyrir rúmu ári var sagt í
auglýsingunni að það byggi yfir
ákveðinni reisn og tignarleika og
hefði verið gert upp á stórglæsi-
legan hátt.
Lárus og fjölskylda hans keyptu
húsið af athafnakonunni Írisi
Björk Jónsdóttur, sem rekur
meðal annars tískuvöruverslun-
ina GK. Íris Björk gerði húsið upp
af miklum myndugleik og var
hvergi til sparað eins og sést á
myndunum sem fylgja greininni.
Árskógar er á þremur hæðum
og samtals um 280 fermetrar auk
39 fermetra bílskúrs. Lárus og
eiginkona hans, Ágústa Margrét
Ólafsdóttir, eiga tvær dætur og
ljóst að vel mun fara um banka-
stjórann, konu hans og börn í
húsinu.
Þegar Sirkus ræddi við Ágústu
Margréti vildi hún ekkert
láta hafa eftir sér um
ástæður þess að
fjölskyldan hefði
komið sér fyrir í
Hlíðunum af öllum
stöðum.
FALLEGT INNAN SEM UTAN Eins og sjá má á þessum myndum var ekkert til sparað í
endurbótum innanhúss í Blönduhlíð 8.
NÝI GLITNISFORSTJÓRINN LÁRUS WELDING SEST AÐ Í BLÖNDUHLÍÐINNI
KEYPTI SÖGUFRÆGA GLÆSIVILLU
Á 120 MILLJÓNIR
FORSTJÓRINN
Í HLÍÐUNUM
Lárus Welding,
nýskipaður
forstjóri
Glitnis, keypti
Árskóga fyrir
120 milljónir
síðasta haust.
GLÆSILEGT HÚS Blönduhlíð 8 er afar fallegt hús
og eitt það reisulegasta í Reykjavík.