Fréttablaðið - 04.05.2007, Page 52

fréttablaðið kópavogur 4. MAÍ 2007 FÖSTUDAGUR8
Um fimm hundruð til sjö hundruð
börn koma vikulega í Veröldina
okkar í Smáralind. Veröldin okkar
er barnaskemmtistaður þar sem
börnin geta átt ánægjulega stund
meðan foreldrarnir þeysast á milli
verslana. Staðurinn var stofnað-
ur í október árið 2001 af systrun-
um Ernu og Kristínu Reynisdætr-
um en hefur síðastliðið ár verið í
eigu Smáralindar. Á 480 fermetr-
um á þriðju hæð Smáralindar geta
börnin rennt sér í rennibrautum,
hoppað og klifrað en svo er einnig
hægt að taka því rólega í hvíldar-
herbergi. Stórt leiktæki með þre-
faldri rennibraut er sívinsælt og
í miðjum staðnum er svæði þar
sem mikið er að gerast. Þar eru
klifurveggur, klifurnet, boltar og
trampólín svo fátt eitt sé nefnt.
Veröldin okkar er vinsæll stað-
ur til afmælishalds en að meðal-
tali eru haldin fjörutíu afmæli þar
á mánuði, flest um helgar. Nokk-
ur herbergi eru sérútbúin til af-
mælishalds og kjörið að koma með
börnin í þessa ævintýraveröld og
losna við umstangið sem fylgir því
að halda afmæli í heimahúsi.
Draumaveröld barnanna
Hann er greinilega spenntur að komast í rennibrautina þessi. FRÉTTABLAÐIÐ/VALLI
Láttu mig fá boltann, gæti litli guttinn verið að segja við þann eldri. Börn allt frá tveggja ára aldri geta komið í Veröldina okkar.
Digranesskóli keppir fyrir hönd íslands í norrænni
stærðfræðikeppni níundubekkinga sem fer fram í
Gautaborg í lok maí.
„Norðmenn byrjuðu með þessa keppni árið 1998 og
buðu síðan öðrum Norðurlandaþjóðum að taka þátt
árið 2001. Íslendingar voru þeir einu sem tóku þátt
ásamt Norðmönnum í fyrstu en nú eru allar Norður-
landaþjóðirnar með,“ segir Þórður Guðmundsson,
stærðfræðikennari í Digranesskóla.
Í fyrstu undanúrslitunum tóku 25 bekkir þátt á Ís-
landi. Þáttaka hefur farið vaxandi og í síðustu undan-
úrslitum mættu til leiks 68 íslenskir níundu bekkir þar
sem Digranesskóli fór með sigur af hólmi.
Skólinn hefur tvívegis farið með sigur af hólmi
í undanúrslitum og í öll hin skiptin komist í úrslit. Í
sjálfri aðalkeppninni hefur Digranesskóli einu sinni
lent í öðru sæti en í ár er stefnan tekin á sigur.
Að sögn Þórðar er keppt í tveimur lotum á Íslandi.
Fyrst í janúar og síðan í nóvember. Bekkurinn keppir í
heild sinni og þemað í ár var stærðfræði og byggingar.
„Við fáum að mestu leyti frjálsar hendur varðandi
þema verkefnanna. Mestu máli skiptir að stærðfræðin
sé gerð sýnileg,“ segir Þórður.
Í ár fékkst bekkurinn meðal annars við útreikninga
á tveimur íþróttahúsum. Annað húsið var hálfkúlulaga
og hitt kassalaga. Krakkarnir reiknuðu meðal ann-
ars muninn á steypumagni og yfirborðsflatarmáli og
könnuðu hve mörg tré þurfti í parkettið.
„Krakkarnir fengu aðstoð skógfræðinga frá Mógilsá
við útreikningana. Niðurstaðan var að rúmlega hundr-
að eikartré, sem eru orðin 80 ára gömul og 23 metra há
þyrfti til að parkettleggja annað íþróttahúsið,“ segir
Þórður.
Þátttakan hefur mjög fjölþætt og góð áhrif á krakk-
ana og að sögn Þórðar læra þau hve mikilvægt er að
starfa í hóp, á sama tíma og stærðfræðiskilningur
dýpkar.
„Þetta er ólíkt hefðbundinni stærðfræðikennslu.
Í staðinn fyrir að ég troði upp á þau stærðfræðinni
koma þau sjálf og segja: þú verður að kenna mér þessa
reikniaðferð því ég verð að komast að niðurstöðu,“
segir Þórður brosandi.
Í lok maí heldur bekkurinn til Gautaborgar og að
sögn Þórðar er markmiðið aðeins eitt og það er að
vinna. rh@frettabladid.is
Núna vilja krakkarnir læra stærðfræði
Elín B. Böðvarsdóttir, Emil M. Magnússon, Þórður St. Guð-
mundsson, Arnar Þórsveinsson og Fríður Halldórsdóttir halda
til Gautaborgar í lok maí. FRÉTTABLAÐIÐ/GVA