Fréttablaðið - 04.05.2007, Síða 65

Oft á síðustu dropunum
Kristín viðurkennir semsagt að uppeldi
fjögurra barna geti oft verið erfitt. „Það
koma vissulega álagstímar og stundum
horfum við Kristján á hvort annað og
spyrjum okkur hvort við verðum ekki
að endurskoða málin. Það getur orðið
mikið að gera í vinnunni hjá okkur
báðum en sem betur fer er mikil hvatn-
ing á báðum vinnustöðum til að hlúa
að fjölskyldunni og makanum þannig
að maður gefur extra af sér í vinnunni
og er svo kátur heima hjá sér. Við
höfum líka verið heppin. Börnin okkar
eru heilbrigð og geðgóð og vandamálin
hafa aldrei verið þannig að ekki sé
hægt að leysa þau sem gerir hlutina
auðveldari. Auðvitað er maður oft á
síðustu dropunum og stundum finnst
manni sem opinber yfirvöld, fyrirtæki
og aðrir mættu huga betur að
börnunum, bæði beint og líka óbeint
með því að viðurkenna mikilvægi þess
að fólk hafi þokkalegar aðstæður til að
ala upp börnin sín. Þetta er heilmikil
vinna og ábyrgð – mesta ábyrgð sem
maður tekur á sig í lífinu - en á meðan
allir eru kátir og glaðir er þetta
skemmtilegt verkefni.“
indiana@frettabladid.is
SKO býður jafngóða GSM-þjónustu og hin símafyrirtækin, innanlands
og erlendis. Eini munurinn er lægra verð! Það kostar EKKERT að færa
GSM-símanúmerið til SKO. Þú skráir þig í þjónustuna á www.sko.is.
Hringt í SKO GSM-síma Hringt í aðra GSM- og heimasíma í alla GSM-síma á Íslandi