Fréttablaðið - 04.05.2007, Page 98

„Ég er bara að horfa
á leik KR og Njarðvíkur í úrslit-
unum. Ég var að fá þetta sent frá
Inga Þór,“ sagði KR-ingurinn Helgi
Már Magnússon þegar Fréttablað-
ið heyrði í honum en Helgi sjálf-
ur er í miðri úrslitakeppni í Sviss
með liði sínu BC Boncourt.
Liðið er komið í undanúrslit
eftir að hafa tryggt sér sigur í átta
liða úrslitunum í oddaleik. „Það er
búinn að vera svona KR-bragur á
okkur því við erum búnir að fara
frekar erfiða leið í gegnum úr-
slitakeppnina. Við erum ekki sig-
urstranglegir í þessu einvígi og
þeir voru búnir að vinna okkur
þrisvar í vetur og það nokkuð
sannfærandi. Þeir eiga að vinna
þetta, eru með svakalega góðan
mannskap og með langmestu pen-
ingana milli handanna. Þeir eru
búnir að vinna flesta leikina með
meira en tíu stigum. Það er gaman
að láta þá aðeins finna fyrir sér
og gera þá smá hrædda. Við erum
vel skipulagðir og erum með mjög
fínt lið. Við þurfum bara að hafa
trúna á að við getum tekið þessa
menn,“ segir Helgi sem skoraði 21
stig og var stigahæsti maður vall-
arins í 87-85 sigri BC Boncourt í
framlengingu en þetta var fyrsta
tap Fribourg í úrslitakeppninni í
ár.
Þetta var í fyrsta sinn sem hann
skoraði yfir tuttugu stig í úrslita-
keppninni. „Þeir loka svakalega á
kanann okkar sem er búinn að vera
okkar aðalmaður í vetur. Þá opn-
aðist mikið fyrir mig sem og hina
þrjá sem eru með okkur á leikvell-
inum. Ég var með tvo þrista og
síðan var ég að fara inn í teig af
því að ég var með minni mann á
mér,“ segir Helgi en þetta leit ekk-
ert alltof vel út um tíma.
„Við vorum skelfilegir sóknar-
lega þangað til allt í einu í fjórða
leikhluta að þetta fór allt að smella
hjá okkur. Við vorum að spila fína
vörn allan leikinn. Við vorum
komnir 13 stigum undir í fjórða
leikhluta þegar fimm mínútur
voru eftir. Þá small sóknin. Við
vorum alltaf yfir mest alla fram-
lenginguna,“ sagði Helgi sem setti
meðal annars niður mikilvægt víti
þegar tíu sekúndur voru eftir af
leiknum.”
Þetta var tólfti sigur Boncourt
í röð á heimavelli og þeir eru erf-
iðir heim að sækja. „Við erum
mjög sterkir á heimavelli. Þetta er
frekar lítill kofi og ég held að það
sé alveg troðið hjá okkur þegar
það eru um 1.200 til 1.300 manns
á leik. Við eigum bestu áhorfend-
urna í Sviss, þeir eru með tromm-
ur og læti og eru syngjandi allan
tímann,“ segir Helgi sem nýtur
þess að spila í Sviss.
„Þetta er búið að vera mjög
skemmtilegur vetur og þetta er
eitthvað sem maður er búinn að
stefna að frá því að maður var
lítill polli,“ segir Helgi sem er
ekki eini Íslendingurinn sem er
á fleygi-ferð í úrslitakeppninni í
Sviss því FIBA-dómarinn Aðal-
steinn Hjartarson er að dæma.
„Aðalsteinn er búinn að dæma
þrjá leiki hjá okkur í vetur og hann
er með betri dómurunum hérna
í Sviss. Við spjöllum saman fyrir
og eftir leikina um hitt og þetta
og það er alltaf gott að hitta Ís-
lendinga,“ segir Helgi sem hefur
fulla trú á að hann og félagar hans
í Boncourt haldi áfram að koma á
óvart.
„Nú er bara að stela einum leik
á útivelli og þá erum við í góðum
málum. Það hjálpar okkur að fá
góða hvíld á milli leikja því við
erum ekki með breiðasta hóp í
heimi. Við spilum aðallega á sjö
mönnum. Við þurfum að vera
grimmir hvort sem það er í vörn
eða sókn. Þeir komast langt á
virðingunni og við þurfum bara
að spila eins og í leiknum á mið-
vikudaginn,“ sagði Helgi Már að
lokum en næsti leikur er á heima-
velli Fribourg á morgun.
Helgi Már Magnússon skoraði 21 stig og var stigahæsti maðurinn á vellinum þegar lið hans BC Boncourt
varð aðeins þriðja liðið til þess að vinna Fribourg í svissneska körfuboltanum í vetur. Boncourt jafnaði um
leið undanúrslitaeinvígi liðanna í 1-1 en næsti leikur er á morgun.
Óskar Bjarni Óskars-
son, þjálfari Íslandsmeistara
Vals, verður áfram í herbúðum
félagsins næsta vetur.
„Ég á eitt ár eftir af samningi
mínum við félagið og geri fast-
lega ráð fyrir því að klára það ár.
Það eru spennandi tímar fram
undan á Hlíðarenda þar sem við
erum meðal annars að flytja í
nýtt hús,“ sagði Óskar Bjarni en
hann segir að mjög litlar breyt-
ingar verði á leikmannahópi liðs-
ins.
Allir leikmenn eru með samn-
ing fyrir utan Kristján Karlsson.
Sigurður Eggertsson gæti aftur
á móti verið á leið til Danmerkur
og svo eru erlend lið á höttunum
eftir Markúsi Mána Michaelssyni.
Verður áfram
með Val
Valur og KR spila til úr-
slita í Lengjubikar kvenna í Eg-
ilshöllinni klukkan 19.15 í kvöld.
Þetta hafa verið tvö sterkustu
liðin á vormótunum og hafa þegar
unnið hvort annað einu sinni það
sem af er árinu.
Valskonur eru komnar í úrslita-
leikinn áttunda árið í röð en hefur
aðeins tekist að vinna deildabik-
arinn tvisvar sinnum árið 2005 og
2003. Í fyrra tapaði Valsliðið 1-2
fyrir Breiðablik í úrslitaleiknum.
Valur og KR hafa mæst þrisvar
sinnum í úrslitaleik deildabikars-
ins og allir leikirnir hafa endað
með stórsigri. Valur vann síðast 6-
1 árið 2005 en KR vann hins vegar
hina tvo leikina, 4-0 árið 2002 og 8-
2 tveimur árum áður.
Liðin hafa þegar spilað úr-
slitaleik á þessu tímabili því KR
tryggði sér Reykjavíkurmeistara-
titilinn með 4-3 sigri í óopinberum
úrslitaleik þessa móts en bæði lið
voru þá ósigruð fyrir lokaleikinn.
KR komst þá í 1-0, Valsliðið jafn-
aði og komst síðan tvisvar yfir
áður en Fjóla Dröfn Friðriksdótt-
ir tryggði KR sigurinn og þar með
titilinn.
Valur vann leik liðanna í riðla-
kepppni Lengjubikarsins 4-1 þar
sem Margrét Lára Viðarsdóttir
skoraði þrennu. Valsliðið hefur
unnið alla sex leikina sem Mar-
grét Lára hefur spilað í vor með
markatölunni 35-3 og Margrét
Lára hefur skorað sextán þessara
marka sjálf.
Sjö mörk skoruð í síðasta úrslitaleik liðanna
Lúkas Kostic, þjálfari U-
17 landsliðs karla, hefur kallað
til Arnar Darra Pétursson, mark-
vörð í Stjörnunni, í landsliðið sem
tekur nú þátt í úrslitakeppni EM
í Belgíu.
Kemur hann í stað Trausta Sig-
urbjörnssonar sem rotaðist í leik
Íslands og Englands í fyrradag.
Hann verður sennilega ekkert
meira með í keppninni.
Ísland mætir Hollandi í kvöld
klukkan 18.15.
Arnar Darri
í hópinn
Íslenska 17 ára landslið-
ið spilar í kvöld sinn annan leik
í úrslitakeppni Evrópumótsins
í Belgíu þegar liðið mætir Hol-
lendingum. Ísland tapaði 0-2 fyrir
Englendingum í fyrsta leik en
Holland gerði þá 2-2 jafntefli á
móti heimamönnum í Belgíu. Hol-
lenska liðið tryggði sér stigið með
því að skora glæsilegt mark beint
úr aukaspyrnu þremur mínútum
fyrir leikslok.
Íslensku strákarnir urðu fyrir
tveimur áföllum í upphafi fyrsta
leik íslensks landsliðs í úrslita-
keppni EM í knattspyrnu. Fyrst
skoruðu Englendingar eftir að-
eins fjórar mínútur og þá meidd-
ist markvörðurinn Trausti Sig-
urbjörnsson það illa að hann var
borinn útaf og tekur ekkert meira
þátt í mótinu. Landsliðsþjálfar-
inni Lúkas Kostic sagði liðið geta
spilað betur og skrekkurinn ætti
að vera farinn úr liðinu fyrir leik-
inn í kvöld.
Strákarnir eru örugglega stað-
ráðnir í að gera betur gegn Hol-
landi. Það er að miklu að keppa
því það er ekki nóg með að tvö
efstu liðin komist í undanúrslit-
in þá mun þriðja sætið gefa tæki-
færi á að komast í úrslitakeppni
HM því þangað komast fimm
efstu liðin.
Hetja íslenska liðsins frá því í
milliriðlinum, Kolbeinn Sigþórs-
son, æfði með íslenska liðinu í gær
og menn eru bjartsýnir á að hann
geti spilað gegn Hollandi í dag en
Kolbeinn, sem skoraði sex mörk
í þremur leikjum í milliriðlinum,
gat ekki spilað fyrsta leikinn vegna
meiðsla.
Lúkas Kostic býst við að geta
notað Kolbein í leiknum í dag en
það sé meiri spurning um hversu
mikið hann getur spilað í leiknum.
U-17 ára landslið Íslands hefur
aldrei unnið Holland en þetta verð-
ur fimmta viðureign þjóðanna. Hol-
land hefur unnið tvo leiki og tvisv-
ar hafa þjóðirnar gert jafntefli.
Eina mark Íslands í leikjunum á
móti Hollandi skoraði Jökull Ingi
Elísabetarson í 1-1 jafntefli 26.
september 2000.
Leikurinn í dag hefst klukkan
18.15 að íslenskum tíma en fyrr
um daginn spila Belgar og Eng-
lendingar en þau eru með íslenska
liðinu í riðli. England getur tryggt
sér sæti í undanúrslitunum með
sigri.
Strákarnir mæta Hollendingum í kvöld
Birgir Leifur Hafþórs-
son var sjóðheitur á fyrsta hring
opna ítalska meistaramótsins sem
fram fer í Mílanó.
Birgir Leifur kom í hús á fimm
undir pari en frábær frammi-
staða á síðari níu holunum skil-
aði Birgi þessum árangri en hann
kom spilaði seinni níu á fjórum
undir pari.
Birgir Leifur er ásamt öðrum
í fjórtánda sæti mótsins, fimm
höggum á eftir efsta manni Joak-
im Backstrom.
Spilaði á fimm
undir pari
Herrakvöld 5. maí
Kíktu á blikar.is