Fréttablaðið - 15.06.2007, Qupperneq 4

Taktu þátt og safnaðu
stimplum hjá Olís.
Glæsilegir vinningar í boði!
Við höldum með þér!
Angela Merkel,
kanslari Þýskalands, hvetur
aðildarríki Evrópusambandsins
til að samþykkja breytta útgáfu
af stjórnarskrá ESB sem
Frakkar og Hollendingar
höfnuðu árið 2005. Ráðstefna um
sáttmálann fer fram í næstu
viku.
Þýskaland, sem situr í forsæti
Evrópusambandsins, leitast nú
við að takmarka deilur aðildar-
ríkjanna yfir stjórnarskránni við
sex grundvallaratriði. Þar er efst
á baugi ótti við að ESB þróist í
ofurríki sem traðki á réttindum
aðildarríkjanna.
Eitt af atriðum sem Merkel
vonast til að halda inni eru
reglur sem gera sambandinu
auðveldara að taka ákvarðanir án
þess að þurfa einróma samþykki
aðildarríkja.
Berst fyrir sátt
um stjórnarskrá
„Þjónustan við þessi börn verður stóraukin
og mál þeirra sett í forgang. Vonandi verður það til
þess að brottfall þeirra úr skóla minnkar,“ segir Lilja
D. Alfreðsdóttir, varaformaður menntaráðs
borgarinnar.
Nemendum með annað móðurmál en íslensku hefur
fjölgað mjög í grunnskólum frá árinu 2003. Vinnuhópur
menntaráðs Reykjavíkur, sem Lilja leiddi, skilaði
greinargerð og tillögum um málefni barna af erlendum
uppruna í gær en þær eiga að nýtast breyttum
aðstæðum í menntakerfinu.
Í um þremur leikskólum í Breiðholti; Fellaborg,
Völvuborg og Ösp, eru nemendur af erlendum uppruna
nú um og yfir helmingur nemenda. Í Austurbæjarskóla
og Fellaskóla er um fjórðungur barnanna með annað
móðurmál en íslensku.
Í ljósi þessa nýja umhverfis á Íslandi taldi mennta-
ráð að brýnt væri að móta skýrari stefnu í málefnum
barna af erlendum uppruna. Markmiðið er að þau geti
nýtt sér þjónustu skólakerfisins til jafns við önnur
börn.
Meðal þeirra hugmynda sem fram komu í greinar-
gerð hópsins var að stofnað yrði tungumálaver í
Laugalækjaskóla þar sem börn gætu viðhaldið móður-
máli sínu. Rannsóknir sýna að þau börn sem viðhalda
fyrsta tungumáli sínu eiga auðveldara með að tileinka
sér önnur. Einnig er lagt til að teymi farkennara sem
tala nokkur af algengustu tungumálunum verði mynd-
að. Fram kom í máli Lilju að fjöldi kennara af erlend-
um uppruna hefði útskrifast frá Kennaraháskóla
Íslands án þess að tungumálakunnátta þeirra og
reynsla hefði verið nýtt. Þá stendur einnig til að allt
námsefni verði gert aðgengilegra fyrir nemendur af
erlendum uppruna. Framsetning verði gerð mynd-
rænni og úrdrættir á einföldu máli settir með.
Viðræður við Námsgagnastofnun hefjist strax eftir
sumarfrí auk þess sem farið verði yfir hvernig meta
eigi íslenskukunnáttu barnanna með markvissari
hætti. Starfsfólki skólanna muni þá standa til boða
námskeið sem nýtast eigi í fjölmenningarlegri
kennslu.
Lilja segir að þverpólitísk samstaða sé um málið í
borgarráði. Kostnaður hafi ekki verið metinn nákvæm-
lega en líkast til verði hann ekki meiri en samsvarar
tveimur til þremur stöðugildum hjá borginni fyrst um
sinn.
Aukið tillit tekið til
þarfa innflytjenda
Þjónusta við börn sem hafa annað móðurmál en íslensku á að auka í skólum.
Markmiðið er að þau geti nýtt sér þjónustu skóla til jafns við önnur börn og að
brottfall þeirra minnki. Menntaráð lagði fram tillögur til úrbóta í gær.
Skákfélagið Hrókurinn
stendur fyrir bókamarkaði á
útitaflinu við Lækjargötu í dag.
Allur ágóði af bókasölunni rennur
til barnastarfs Hróksins á
Grænlandi.
„Þarna verða bækur úr öllum
áttum á hlægilegu verði, reyfarar í
sumarbústaðinn, fræðirit fyrir vet-
urinn og allt þar á milli,“ segir
Hrafn Jökulsson, forseti Hróksins.
Hrókurinn hefur síðastliðin
fimm ár unnið að uppbyggingu
skáklífs á Grænlandi og Hrafn er
fullviss um að fjölmargir vilji
kaupa bækur til styrktar því góða
málefni. Markaðurinn verður
opnaður klukkan 11.
Styðja skák á
Grænlandi
Baugur Group hefur
eignast alls um 38,4 prósenta hlut
í 365 hf., útgáfufélagi Frétta-
blaðsins, og stendur nálægt
fjörutíu prósenta yfirtökumörk-
um. Félagið keypti í gær 6,64
prósenta hlut í 365 fyrir 980
milljónir króna af Disknum,
félagi sem Sverrir Berg Steinars-
son fer fyrir. Baugur framseldi
þennan hlut til Landsbankans og
gerði samhliða afleiðusamning
við bankann þar sem Baugur ber
bæði fjárhagslega áhættu og
ávinning af gengi bréfanna í 365.
Jafnframt keypti Baugur 3,37
prósenta hlut í upplýsingatækni-
fyrirtækinu Teymi fyrir um 760
milljónir króna.
Bréfin voru seld með sama
hætti til Landsbankans og gerður
afleiðusamningur.
Baugur nálgast
yfirtökumörk
„Ég ætlaði ekki að trúa
þessu enda ótrúlegt að einhverjum
skuli detta þetta í hug, hvað þá
framkvæma það,“ segir Kristján
Berg, eigandi verslunarinnar Spa-
kongen í Hillerød í Danmörku.
Kristjáni var heldur en ekki brugðið
þegar hann mætti til vinnu sinnar í
gær og sá að stórum heitum potti
hafði verið stolið. Potturinn var til
sýnis fyrir utan verslunina fullur
af vatni.
„Þetta er stærðarinnar pottur,
hann er 2,35 metrar í þvermál og í
honum voru tvö tonn af vatni. Það á
ekki að vera hægt að stela þessu,“
segir Kristján, sem áttar sig ekki á
því hvernig þjófarnir hafi verið
útbúnir. „Þetta er svo stór pottur
að þú kemur honum ekki inn í einn
einasta sendiferðabíl. Þegar ég sel
svona pott tekur það mig klukku-
stund að ganga frá honum með lyft-
ara og auka mannskap,“ segir
Kristján og bætir því við að tals-
verð umferð sé í götunni og því
skrítið að enginn hafi orðið var við
þjófnaðinn.
Kristján hafði samband við lög-
reglu í gær en er þó vonlítill um að
potturinn finnist. Tjónið er talsvert
enda kostar potturinn um 1,4 millj-
ónir króna. „Þetta sýnir þó að þetta
er góð vara. Menn fara varla að
leggja á sig svona erfiði fyrir léleg-
an pott,“ segir Kristján.
Iceland Express
hefur gert samkomulag við Kolvið
um að farþegar félagsins geti
kolefnisjafnað ferðalög með
flugfélaginu um leið og flugmiðinn
er pantaður. Þjónustan verður í
boði frá og með deginum í dag.
„Það er okkur sönn ánægja að
aðstoða farþega okkar við að
kolefnisjafna sín ferðalög með
Iceland Express,“ segir Matthías
Imsland, forstjóri Iceland
Express, og bendir á að mikil
vitundarvakning hafi orðið í
þessum efnum undanfarið.
Farþegi sem vill kolefnisjafna
ferð sína greiðir á bilinu 172 til 346
krónur fyrir hverja flugferð.
Kolefnisjöfnun
fyrir flugferðir
Níu ökumenn voru
stöðvaðir fyrir of hraðan akstur
í umdæmi lögreglunnar á
Akureyri í gær. Í sex tilfellum
var um erlenda ferðamenn á
bílaleigubílum að ræða.
Ragnar Kristjánsson, varð-
stjóri hjá lögreglunni á Akur-
eyri, segir allt of algengt að
erlendir ferðamenn aki of hratt.
„Ég velti því fyrir mér hvort það
sé ekki í verkahring bílaleiganna
að fræða ferðamennina betur
um þær reglur sem gilda á
íslenskum vegum,“ segir
Ragnar.
Ferðamenn aka
of hratt