Fréttablaðið - 15.06.2007, Qupperneq 8

Hvað heitir aðstoðarutanrík-
isráðherra Bandaríkjanna sem
staddur var hér á landi í gær?
Hver er þjálfari meistara-
flokks KR í knattspyrnu?
Hvað er áætlað að friðarsúla
Yoko Ono í Viðey muni kosta?
A
R
G
U
S
/
0
7-
0
4
4
6
„Ég er með mjög gott starfsfólk í vinnu
sem fær borgað það sem það á skilið,“ segir Ágúst
Einarsson, rektor Háskólans á Bifröst. Meðaltal
launa viðskiptafræðikennara við skólann er tæplega
þremur milljónum hærra en við Háskóla Íslands.
Í nýrri skýrslu Ríkisendurskoðunar kemur fram að
Bifröst greiðir hæstu laun kennara í viðskiptafræði á
landinu, rúmar 7,5 milljónir kr. á ári, að launatengdum
gjöldum meðtöldum. HÍ borgar viðskiptafræðikenn-
urum tæpar 4,7 milljónir á ári að meðaltali.
„Þetta er bara eins og kaupin gerast á
ríkiseyrinni,“ segir Halldór Jónsson, sviðsstjóri
vísindasviðs HÍ.
„Ákveðin grunnlaun eru bundin í kjarasamningum
og þetta er meðalkostnaðurinn,“ segir Halldór.
„Dreifingin er hins vegar talsverð, við erum með
stóran hluta launa bundinn í hvatakerfum, mönnum
er raðað í launaflokka eftir rannsóknarafköstum.“
Halldór segir að launamuninn megi mögulega
skýra með því að Bifröst hafi hærri tekjur á hvern
nemanda.
„Við erum að borga okkar kennurum og starfsfólki
ágætlega miðað við það sem gengur og gerist. Hér
ræður markaðurinn og gæði fólksins. Mér finnst
þetta sýna að kennarastörf geta líka verið vel
launuð,“ segir Ágúst.
Tæplega 750 sjóliðar af herskipum
þriggja NATO-þjóða fá tækifæri til að skoða
Reykjavík um helgina á meðan skip þeirra liggja við
Reykjavíkurhöfn. Samtök hernaðarandstæðinga
mótmæla komu skipanna hingað til lands.
„Það er gott að vera í Reykjavík og við erum
ánægð að vera komin hingað,“ sagði Michael K.
Mahon, aðmíráll í Bandaríkjaflota, þegar hann
ræddi við fjölmiðla um borð í bandaríska beitiskip-
inu USS Normandy í gær. „Heimsókn skipanna er
táknræn og sýnir að NATO stendur við skuldbind-
ingar sínar um varnir allra 26 aðildarríkja NATO,“
sagði Mahon.
Auk Normandy lögðust þýska freigátan FGS
Sachsen og spænska birgðaskipið SPS Patino að
bryggju í Reykjavík. Almenningur á þess kost að
fara um borð í skipin um helgina, áður en þau leggja
úr höfn áleiðis til Bretlands á mánudag.
Normandy hefur tekið þátt í bæði fyrra og síðara
Íraksstríðinu, auk þess sem það tók þátt í árásum í
Bosníu og Afganistan.
Samtök hernaðarandstæðinga mótmæla komu
skipanna hingað til lands og segja kurteisisheim-
sóknir af þessu tagi til þess fallnar að draga upp
glansmynd af her og hermennsku. Frekar ætti að
minnast þess fólks sem hefði orðið fyrir sprengjum
þessara vígatóla.
Um 750 sjóliðar skoða borgina
Foreldrar Madeleine
McCann, sem var rænt af hótelher-
bergi í Portúgal fyrir rúmum
mánuði, sögðust í gær „mjög
vonsvikin“ yfir
því að fjölmiðlar
birtu nafnlausa
vísbendingu um
örlög dóttur
þeirra áður en
lögregla gat
rannsakað hana.
Hollenskt
dagblað segist
hafa látið
lögregluna á
Portúgal fá
nafnlaust bréf með korti sem sýni
hvar Madeleine kunni að vera
grafin. Staðurinn er í fimmtán
kílómetra fjarlægð frá hótelinu
sem henni var rænt frá. Lögreglu
hefur borist fjöldi vísbendinga en
leit hefur engan árangur borið.
Eru vonsvikin
yfir umfjöllun
Hærra hlutfall rekstrar-
tekna Háskólans í Reykjavík (HR)
kom frá ríkinu en hjá Háskóla
Íslands (HÍ) árið 2005. Munar þar
mestu um sjálfsaflafé, annað en
skólagjöld.
HR fékk 76 prósent tekna sinna
frá ríkinu, 21 prósent þeirra voru
skólagjöld og 3 prósent komu ann-
ars staðar frá.
HÍ fékk hins vegar 66 prósent
tekna sinna frá ríkinu, 10 prósent
þeirra voru innritunargjöld og 24
prósent flokkast undir aðrar
tekjur. Meðal þeirra eru erlendir
sem innlendir styrkir, ágóði af end-
urmenntunarnámskeiðum, tekjur
Happdrættisins og annað.
HR fær meira
frá ríkinu en HÍ
Forsvarsmenn
undirskriftarsöfnunar gegn
hausaþurrkun Laugafisks á
Akranesi krefjast þess nú að
Heilbrigðiseftirlit Vesturlands
stöðvi starfsemina.
„Með vísan til þess að Heil-
brigðisnefnd Vesturlands ákvað
á fundi sínum 22. maí að
afturkalla áður útgefið starfs-
leyfi Laugafisks frá í nóvember
og að ekki hefur verið gefið út
bráðabirgðastarfsleyfi krefj-
umst við þess, undirritaðir íbúar
á Akranesi, að starfsemi
Laugafisks verði stöðvuð án
tafar. Ljóst er að fyrirtækið
hefur ekki starfsleyfi,“ segir í
bréfi íbúanna. Heilbrigðiseftir-
litið segir Laugafisk uppfylla
skilyrði starfsleyfis.
Krefjast þess að
lokað verði á
hausaþurrkun