Fréttablaðið - 15.06.2007, Síða 18

fréttir og fróðleikur
Flýr varnir
líkamans
Átök á Gaza-ströndinni
Helgi Magnús Gunnarsson,
saksóknari efnahagsbrota,
og Gísli Garðarsson, lög-
maður og fyrrverandi skatt-
rannsóknarstjóri, telja báðir
að það sé orðið tímabært að
leggja embætti skattrann-
sóknarstjóra niður og færa
verkefni og mannaforráð
annað. Efnahagsbrot verða
sífellt umfangsmeiri.
„Það má til dæmis byrja á því að
færa alla starfsmenn skattrann-
sóknarstjóra til embættis saksókn-
ara efnahagsbrota. Það myndi
hjálpa,“ sagði Helgi Magnús
Gunnarsson, saksóknari efnahags-
brota, á morgunverðarfundi í gær
er hann var spurður að því hvernig
væri hægt að efla embættið. Sagði
hann nauðsynlegt að auka fjárveit-
ingar til embættisins og fjölga
starfsfólki, í stað þess að „beita
svipunni á starfsmenn endalaust“.
Gísli G. Garðarsson, sem var for-
stöðumaður hjá Skattrannsóknar-
stjóra á árum áður en er nú einn
eigenda Lex lögmannsstofu, tók
undir þetta með Helga Magnúsi.
„Þó það hljómi undarlega, í ljósi
minna fyrra starfa, þá er ég sam-
mála Helga Magnúsi.“
Þetta kom fram á morgunverðar-
fundi Samtaka atvinnulífsins og
saksóknara efnahagsbrota í gær,
þar sem efnahagsbrot voru til
umræðu.
Sarah Jane Hughes, prófessor í
lögum við Indiana-háskóla í Banda-
ríkjunum, fjallaði um svokallaða
hvítflibbaglæpi og almenn efna-
hagsbrot út frá bandarísku lagaum-
hverfi og hvernig fyrirtæki gætu
reynt að haga sínum málum, komi
málefni tengd þeim inn á borð lög-
reglu. „Í dag eru falsanir á ýmsum
þekktum vörumerkjum, til dæmis
Gucci-töskum, meðal umfangs-
mestu efnahagsbrota og til þess að
uppræta þannig glæpi þarf öflugt
eftirlit og skynsamleg lög. Þetta á
líka við um peningaþvætti og önnur
flóknari efnahagsbrot,“ sagði Sarah
meðal annars.
Helgi Magnús var kjarnyrtur á
fundinum. Meðal annars sagði hann
„litla sem enga“ akademíska
umræðu fara fram hér á landi um
opinbert réttarfar og gagnrýndi
löggjafann, það er Alþingi, fyrir að
vanda ekki nægilega til verka við
lagasetningu sem hefði leitt til
óþarfa vandræða við meðferð mála
í dómskerfinu. „Löggjafarvaldið er
meira og minna óhæft. Menn fara
upp í sumarbústað og ætla sér að
semja lagafrumvörp, sem auðvitað
skilar engum árangri. Í stað þess að
vinna þau í samvinnu við færustu
sérfræðinga á þeim sviðum sem
starfa í viðkomandi lagaumhverfi
og þekkja því galla þess og kosti út
og inn,“ sagði Helgi Magnús. „Við
endurskoðun á lögum um meðferð
opinberra mála þá var ekki leitað
að neinu marki eftir áliti hjá ákæru-
valdinu, þó sérfræðiþekking á því
sviði sé öðru fremur að finna þar.
Þetta er náttúrlega algjörlega
galið,“ sagði Helgi Magnús.
Vitnaði hann þar til starfs réttar-
farsnefndar þar sem enginn sem
komið hefur að starfi ákæruvalds-
ins átti sæti. Jafnframt sagði Helgi
Magnús nauðsynlegt að færa verk-
efni undir ákæruvaldið frá öðrum
embættum, og tók með því undir
hugmyndir sem meðal annars hafa
komið frá Haraldi Johannessen
ríkislögreglustjóra og Boga Nils-
syni ríkissaksóknara.
Helgi Magnús spurði þeirrar spurn-
ingar, hvers vegna saksóknari efna-
hagsbrota hefði aðeins heimild til
þess að beita 300.000 króna sátta-
heimild í málum, á meðan eftirlits-
aðilar eins og Samkeppniseftirlitið,
gætu beitt stjórnvaldssektum á
fyrirtæki sem næmu milljörðum.
„Þetta þekkist ekki í löndunum í
kringum okkur og er í raun óskiljan-
legt. Þetta er einn af fjölmörgum
hlutum sem þarf að breyta,“ sagði
Helgi Magnús. Hann sagði „aug-
ljóslega“ þurfa að víkka þessar
heimildir „til samræmis við heim-
ildir eftirlitsaðila“ svo hægt væri
að leysa úr málum farsællega, ekki
síst fyrir fyrirtækin sem ættu í
hlut.
Garðar rakti í erindi sínu nokkur
dæmi þar sem ákæruvaldinu hefði
ekki gengið nægilega vel að rann-
saka efnahagsbrot. Gagnrýndi
hann öðru fremur hversu langan
tíma það tæki að rannsaka málin.
„Það tengist því að það vantar fólk
og fjármuni til þess að flýta rann-
sóknum og klára málin sem fyrst.
Það gefur auga leið.“ Vitnaði hann
til hæstaréttardóma þar sem skýr-
lega kæmi fram að óþarflega
langur málsmeðferðartími fæli í
sér mannréttindabrot gagnvart
sakborningum. Nefndi hann einnig
að það væri „augljóslega ekki nægi-
lega gott samstarf milli embætta“
og vitnaði til deilna milli saksókn-
ara efnahagsbrota og skattrann-
sóknarstjóra vegna meðferðar á
skattamálum Baugs. „Þetta varð að
fjölmiðlamáli og einhverra hluta
vegna keypti skattrannsóknarstjóri
sérfræðiálit út í bæ til þess að taka
á álitamáli sem þarna var til
umfjöllunar,“ sagði Garðar.
Helgi Magnús tók undir með
Garðari að nokkru leyti og sagði
það ekki gott ef málsmeðferð og
rannsóknir gengu ekki nægilega
hratt. Það væri hins vegar hægt að
laga með því fjölga starfsmönnum
hjá saksóknara efnahagsbrota.
Hann sagði gagnrýni á langa máls-
meðferð réttmæta. „Þrennt er hægt
að gera við þær aðstæður sem við
störfum í núna. Það er að forgangs-
raða verkefnum, beita svipunni á
starfsmenn endalaust til þess að
þeir vinni meira, þó það sé nú varla
hægt vegna þess hvernig vinnu-
álagið er, eða fjölga starfsmönnum
og færa embættinu meira fé. Ég tel
þriðja atriðið vera skynsamlegast
og það eina rétta.“
Leggja svipunni og fjölga fólki
A/S Norvik Banka, kt. 620207-9850, hefur
birt lýsingar vegna skráningar víxla bankans
í Kauphöll Íslands hf. Víxlarnir verða skráðir
15. júní 2007. Hver víxlaflokkur er að hámarki
kr. 2.000.000.000. Einingar víxlanna eru
5.000.000 kr. Heildarupphæð útgáfunnar
er 6.000.000.000 kr.
Auðkenni Útgáfudagur Gjalddagi Útg. v/skráningu
NORV 07 0619 19. mars 2007 19. júní 2007 kr. 805.000.000
NORV 07 0919 19. mars 2007 19. sept. 2007 kr. 1.425.000.000
NORV 07 1219 19. mars 2007 19. des. 2007 kr. 1.210.000.000
Víxlarnir eru vaxtalausir og óverðtryggðir.
Lýsingar og þau gögn sem vitnað er til í henni
er hægt að nálgast hjá Norvik banka 21,
E. Birznieka-Upisha Street LV-1011 Riga Latvia.
Lýsingar er einnig hægt að nálgast á heimasíðu
Norvik Banka www.norvik.lv og vef Kauphallar
Íslands hf. omxgroup.com/nordicexchange/
Markadsfrettir/Fyrirtaekjatilkynningar.
Umsjónaraðili skráningar í Kauphöll Íslands er
Kaupþing banki hf.
Reykjavík, 15. júní 2007