Fréttablaðið - 15.06.2007, Qupperneq 12

Yfirdýralæknir, Hall-
dór Runólfssson, telur brýnt að
lög um búfjárhald og lög um
dýravernd verði sett í einn bálk
og undir eitt ráðuneyti. Í sama
streng tekur Katrín Andrésdóttir
héraðsdýralæknir.
„Lög um dýravernd eiga vita-
skuld að ná yfir öll dýr,“ segir
yfirdýralæknir. „En auk þeirra
erum við með lög um búfjárhald,
sem oftast eru notuð í sambandi
við búfé. Það er truflandi að vera
með tvenn lög í gangi, því í
sumum þáttum verður skörun. Í
búfjárhaldslögunum er ekki tekið
á eldisfiski, svo dæmi sé nefnt.
Þá þarf að nota dýraverndarlög
til að taka á vandamálum sem þar
kynnu að koma upp.“
Yfirdýralæknir bendir á að
dýraverndarlögin heyri undir
umhverfisráðuneyti, en búfjár-
haldslögin undir landbúnaðar-
ráðuneyti. Framkvæmd dýra-
verndarlaga sé falin
umhverfisstofnun. Í reyndinni sé
þó framkvæmdin öll á hendi
dýralækna því það séu þeir sem
þurfi að fara í öll mál af þessu
tagi þar sem fagþekkingin liggi
hjá þeim.
„Ég hef lengi verið talsmaður
þess að sameina þennan lagabálk
þannig að við höfum ein lög yfir
dýraverndarmálin í heild sinni,“
segir yfirdýralæknir.
„Þetta er önugt í framkvæmd
eins og fyrirkomulagið er nú. Það
eru flækjustig í þessu sem þyrfti
að einfalda.“
Katrín Andrésdóttir segir að
setja þurfi lög um búfjárhald og
lög um dýravernd í ein lög. Þau
þurfi að vera hraðvirkari og skil-
virkari en nú er. Hún leggur
áherslu á að stytta þurfi lögbundið
ferli þegar vandi er kominn upp.
„Ég hefði viljað sjá breytingu
sem gerir þessi lög svipuð barna-
verndarlögum, þannig að hægt sé
að grípa inn í með aðgerðum án
þess að fara með málin fyrir dóm.
Þá væri hægt að ráðstafa vanhirt-
um skepnum strax, í stað þess að
nú getur talsverður tími liðið, því
eigendur hafa lögbundinn tíma til
andmæla og úrbóta. Þetta ferli
getur tekið allt upp í hálfan mánuð
þótt upp sé komin hræðileg neyð.
Sú leið sem nú er farin er of krók-
ótt og torfær.“
Lög um dýra-
vernd verði í
einum bálki
Yfirdýralæknir segir að sameina þurfi tvenn lög um
dýravernd í einn bálk og færa undir eitt ráðuneyti.
Héraðsdýralæknir vill að sameinuð lög verði eins og
barnaverndarlög og heimili fyrirvaralaust inngrip.
Ferðum áætlunar-
ferjunnar Herjólfs verður
fjölgað í sumar. Áætlað er að
bæta við rúmlega tuttugu ferðum
á mikilvægum ferðadögum og þá
daga verða því þrjár ferðir á
dag. Ríkisstjórnin ákvað þetta
eftir að beiðni barst frá bæjar-
stjórn Vestmannaeyja um að
bæta við þriðju ferð Herjólfs á
mikilvægum ferðadögum í
sumar.
Einkum er horft til næturferða
á föstudögum en aðrir dagar
koma einnig til greina þegar
vænta má straums ferðamanna
og mikils flutnings á bílum með
fylgivagna. Áætlaður kostnaður
er kringum þrjátíu milljónir
króna.
Ferðum fjölgað
Rússneskur maður
sem grunaður er um njósnir er í
haldi austurrískra yfirvalda.
Hann var tekinn höndum
síðastliðið mánudagskvöld.
Talsmaður ríkissaksóknara í
Austurríki, Gerhard Jarosch,
segir að maðurinn liggi undir
grun um að hafa tekið við
viðkvæmum upplýsingum frá
manni innan austurríska hersins.
Sá hefur einnig verið handtekinn
og settur í varðhald.
Rússneska fréttastofan ITAR-
Tass greindi frá því að Rússinn
væri meðlimur opinberrar
rússneskar sendinefndar sem
tæki þátt í ráðstefnu um geim-
ferðir sem stendur yfir í Vín.
Rússneska geimferðastofnunin
staðfesti í samtali við fjölmiðla
að maðurinn væri starfsmaður
hjá stofnuninni.
Grunaður um
að vera njósnari
Ég hefði viljað sjá breyt-
ingu sem gerir þessi lög
svipuð barnaverndarlögum.
Tveir menn um nítján
ára aldur hafa verið ákærðir fyrir
Héraðsdómi Norðurlands vestra
fyrir brot gegn valdstjórninni. Þeir
sprengdu sprengju fyrir utan hús
lögreglumanns á Blönduósi í febrú-
ar á þessu ári og eyðilögðu bíl sama
lögreglumanns innan við tveimur
mánuðum síðar.
Mennirnir veittust að lögreglu-
manninum vegna afskipta sem
hann hafði haft af þeim við skyldu-
störf. Þeir komu skoteldum fyrir í
skýli við heimili lögreglumannsins
eldsnemma morguns. Í skýlinu var
meðal annars fullur gaskútur og
olíubrúsi.
Mennirnir stofnuðu þannig lífi
og heilsu lögreglumannsins og
fimm annarra sem dvöldu í aðliggj-
andi íbúðum raðhússins, „á ófyrir-
leitinn hátt í augljósan háska,“ að
því er segir í ákæru. Þeir eru
ákærðir fyrir brot gegn valdstjórn-
inni, vopnalagabrot, hættubrot og
eignaspjöll. Þá fóru þeir um nótt og
köstuðu tveimur pokum fullum af
glerflöskum og áldósum í bíl sama
lögreglumanns þannig að aftur-
hurð dældaðist, rúða rispaðist og
lakk skemmdist talsvert.
Báðir gengust við brotunum
skömmu eftir handtöku. Lögreglu-
stjórinn á Blönduósi gerir kröfu
um samtals tæplega 250 þúsund
krónur í bætur.
Enn er óupplýst mál þar sem
skotið var úr byssu á mannlausan
lögreglubíl á Blönduósi skömmu
fyrir áramót.
Reyndu að sprengja
hús lögreglumanns
Lögregla í kínverska héraðinu Henan bjargaði
217 manns, þar á meðal 29 börnum, sem voru þvinguð
til að þræla við brennsluofna, að því er ríkisrekna
fréttastofan Xinhua greindi frá í gær.
Yfir 35.000 lögreglumenn gerðu áhlaup á 7.500
brennsluofna í héraðinu á þremur dögum. Áhlaupið
var gert í kjölfar reiðiöldu meðal almennings eftir að
fréttir bárust af baráttu 400 feðra í héraðinu við að
hafa uppi á sonum sínum sem þeir töldu að hefðu verið
seldir í þrældóm við brennsluofna.
Í opnu bréfi sem einn faðirinn birti á netinu sakaði
hann yfirvöld í Henan og nágrannahéraðinu Shanxi um
að hunsa baráttu þeirra. Feðurnir halda því fram að um
1.000 börn séu látin þræla við brennsluofna við mjög
grimmilegar aðstæður.
Að því er Xinhua greinir frá er vinnuafl fengið til
brennsluofnanna með því að lokka fólk þangað með
fölskum loforðum. Síðan er það barið, svelt og þvingað
til að vinna langa vinnudaga án borgunar. Þeir sem eru
of veikir eða veikburða til að vinna eru hýddir.
Lögregla leysir upp þrælahald