Fréttablaðið - 15.06.2007, Qupperneq 34

BLS. 6 | sirkus | 15. JÚNÍ 2007
Þ að hafði blundað í mér lengi að gera eitthvað sjálf. Ég var að hugsa um að opna eitthvað nýtt
en þegar mér bauðst þetta tók ég mér
viku til að hugsa málið. Ég þurfti ekki
lengri tíma,“ segir Guðbjörg Her-
mannsdóttir fyrrverandi Ungfrú Ísland
sem rekur verslunina Sirrý í Grindar-
vík. Guðbjörg tók við versluninni í apríl
og hún segir reksturinn ganga vel. „Mér
finnst þetta æðislegt, fjölbreytt og það
að hitta fólk á vel við mig. Mér þykir
gaman að gera nýja hluti og takast á
við ný viðfangsefni svo ég er alveg að
fíla mig í þessu,“ segir Guðbjörg sem
hafði starfað áður í versluninni. „Ég er
samt engin tískufrík og hef aldrei verið.
Þetta er því ákveðið verkefni sem ég er
að takast á við,“ segir hún og bætir við
að hún hafi fljótt gert sér grein fyrir að
hún yrði að versla inn allskyns föt og
einnig föt sem hún myndi ekki ganga í.
„Ég veit hvað er í tísku hverju sinni þótt
ég fylgi sjálf ekki alltaf tískunni. Því
panta ég það sem ég veit að mun
ganga,“ segir hún og bætir við að hún
hlakki til að fara erlendis í verslunar-
ferðir fyrir búðina. Guðbjörg ákvað að
vera með leikhorn fyrir börn í verslun-
inni auk þess sem hún býður gestum
upp á kaffi og jafnvel með því. „Ég
þekki hvernig börn eru í verslunum og
fannst því nauðsynlegt að bjóða þeim
upp á smá afþreyingu þegar þau koma
með mömmum sínum. Pabbarnir geta
líka sest niður og slakað á og fengið sér
kaffi ef þeir eru ekki að nenna að
versla,“ segir hún hlæjandi og bætir við
að hún hafi fengið frábærar viðtökur.
„Ég er bara rétt að byrja og þetta legst
vel í mig.“ indiana@frettabladid.is
GUÐBJÖRG HERMANNSDÓTTIR, FYRRVERANDI FEGURÐARDOTTNING ÍSLANDS,
REKUR TÍSKUVÖRUVERSLUNINA SIRRÝ Í GRINDAVÍK.
ALDREI VERIÐ TÍSKUFRÍK
SUMARDRESS
Guðbjörg í
kvartbuxum og
gulum skóm og
bol. „Þetta dress
er rosalega
þægilegt og guli
liturinn er minn
litur.“
/MYND HÖRÐUR
APPELSÍNUGULI
JAKKINN „Ég er
tiltölulega nýbyrjuð
að ganga aftur í
gallabuxum og
finnst þessar mjög
flottar. Ég keypti
leðurjakkann á
Spáni og fékk mér
líka túrkísbláan og
annan grænan.“
/MYND HÖRÐUR
DJÚSÍ GALLINN
„Ég nota þetta
mikið heima,
þetta eru
þægileg föt en
samt töff og ég
get druslast í
þessu.“
/MYND HÖRÐUR
VAN HELSING KÁPAN „Þetta er uppá-
haldskápan mín. Ég keypti hana í San
Franciso á sínum tíma og finnst hún
rosalega flott.“ /MYND HÖRÐUR
SENJÓRÍTUKJÓLL-
INN „Þetta er
nýjasta uppáhaldið
mitt. Ég fann hann
á heildsölu sem ég
versla við fyrir
búðina og varð
alveg veik og hef
ekki séð eftir því.
Svo keypti ég skó í
stíl, maður má
ekki klikka á því.“
/MYND HÖRÐUR
Þ etta er mikill heiður. Ilse Jacobsen er mjög þekkt í Skandinavíu og
selur vörur sínar um allan heim,“ segir
Helga Ólafsdóttir fatahönnuður sem
nýlega var valin önnur af tveimur fata-
hönnuðum fyrir merkið Ilse Jacobsen
sem er líklega þekktust fyrir gúmmí-
stígvélin flottu. „Ragnheiður, sem er
eigandi Ilse Jacobsen „concept“-búð-
arinnar á Íslandi, nefndi við mig að
Ilse væri að leita að hönnuðum fyrir
nýja fatalínu sem hún væri með í start-
holunum. Ég var nýkomin úr fæðing-
arorlofi og ákvað að skella ferilskránni
minni til Ilse. Ég lærði í Danmörku og
hafði alltaf langað að flytja þangað
aftur og þegar ég fékk svar til baka um
að hún vildi hitta mig ákvað ég að slá
til,“ segir Helga sem sér ekki eftir því í
dag. „Ég mætti til hennar korteri fyrir
jól svo það var ekki bakað mikið af
jólakökum á mínu heimili þau jólin. Í
staðinn sat ég og teiknaði og skissaði
og mætti svo til hennar með möppuna
mína þar sem hún sat með stóran
bunka af umsóknum. Ilse var mjög
jákvæð en svo kom stóra spurningin,
áttu ekki tvö börn og mann? Hvað með
þau? Ég hafði ekki hugsað svona langt
en tók hinn týpíska Íslending á þetta
og sagði bara: það reddast,“ segir Helga
sem flýgur reglulega milli Íslands og
Danmörku.
Von er á fötunum í verslanir í byrjun
næsta árs en Helga og hinn hönnuður-
inn, Line Rumhult, eru að hanna sum-
arlínuna fyrir árið 2008. „Stóra sýning-
in verður svo 7. ágúst, þá verður fata- og
skólína kynnt með öllum þeim látum
sem fylgja, þetta er ótrúlega spenn-
andi,“ segir Helga og bætir við að hún
eigi ótrúlega góðan mann sem standi
150 prósent á bak við hana. „Annars
gæti ég þetta ekki. Það er hins vegar
allt hægt ef viljinn er fyrir hendi og það
hafa allir stutt mig í þessu.“
indiana@frettabladid.is
Hannar föt fyrir Ilse Jacobsen
Helga Ólafsdóttir fatahönnuður
Hypnôse ilmurinn frá Lancôme er nú
fáanlegur í 30ml glasi í öskju ásamt
fallegri tösku og 100ml húðmjólk
Aðeins er greitt fyrir ilminn
Líttu við á næsta Lancôme útsölustað