Fréttablaðið - 10.11.2007, Qupperneq 102

„Eigum við að ræða það eitthvað
frekar? Auðvitað vil ég fá að hafa
styttuna í einhvern tíma, kannski
viku eða svo. Og ég er sannfærður
um að stórvinur minn Pétur
Jóhann eigi eftir að leyfa mér
það,“ segir Jón Gunnar Geirdal,
markaðsstjóri Senu, en hann er
höfundur þeirra frasa sem Ólafur
Ragnar, umboðsmaður Sólarinnar
og starfsmaður á plani bregður
fyrir sig í Næturvaktinni. Pétur
Jóhann er tilnefndur til Eddunnar
fyrir leik sinn í sjónvarpsþátta-
röðinni og segist Jón gera sér
vonir um að fá Edduna upp á hillu
í stuttan tíma fari svo að grínist-
inn verði valinn sá besti.
Næturvaktin hefur slegið í gegn
í íslensku sjónvarpi og þá ekki síst
Ólafur Ragnar. Og Jón Gunnar er
hálffeginn. „Já, því annars þyrfti
ég að breyta algjörlega um lífsstíl
og fara að nota nýjan talsmáta,“
útskýrir hann en viðurkennir um
leið að það hafi af og til farið um
hann kjánahrollur þegar fras-
arnir sem hann hefur notað í
nokkur ár voru allt í einu fest-
ir niður á blað. „Það er eitt
að tala svona en annað að
skrifa það,“ segir Jón
Gunnar. „En ég held að ég
lifi þetta af. Það er
kannski verst að margir
halda að ég sé að apa upp
frasana eftir Ólafi Ragn-
ari,“ segir Jón Gunnar.
„Ég fékk bréf frá fanga árið 2002
og hann var að þakka mér fyrir
sögurnar mínar, sem hann var vel
lesinn í,“ segir Einar Már Guð-
mundsson en þetta fangabréf varð
honum að innblæstri fyrir nýj-
ustu skáldsöguna, Rimlar hugans,
sem kemur út fyrir þessi jól.
Þegar Fréttablaðið ræddi við
Einar var hann á leiðinni til Frakk-
lands þar sem gefa á út á frönsku
fyrstu bók hans, Riddara hring-
stigans, og hann sagði að Frans-
menn væru einnig með í burðar-
liðnum franska útgáfu af
Eftirmálum regndropanna. „Það
er alveg nauðsynlegt að hitta
þessa merkilegu og fornu menn-
ingarþjóð og ræða aðeins við
hana,“ segir Einar.
Einar segir að í bréfinu hafi
umræddur fangi einnig sagt sér
sögu sína og að á þessum tíma
hafi kviknað ófáar hugmyndir um
að nýta bréfið í einhvers konar
bók. „En ég gerði bara einhverjar
veikburða tilraunir til að setja
mig í samband við hann og það
var nú frekar á mannlegum for-
sendum. Það kom hins vegar
aldrei neitt út úr því og í dag er ég
guðslifandi feginn því þá hefði ég
bara skoðað þetta út frá því hvert
fíkniefnaneyslan leiðir mann og
setið síðan eftir með koníaksglas-
ið og vindilinn í bullandi afneitun.
Enda erum við vel settu alkarnir
þannig að við teljum okkur ekki
eiga neina samleið með þeim sem
við álítum verri,“ útskýrir Einar.
Fyrir tveimur árum urðu
straumhvörf í lífi Einars þegar
hann ákvað að segja skilið við
Bakkus sem félagsskap og skráði
sig í meðferð á Vog. Og eins og
verða vill þegar menn eru útskrif-
aðir úr þeim háskóla halda þeir
áfram að sinna sínum málum,
sækja AA-fundi og hlusta á menn
segja sögur. „Mönnum er jú hald-
ið allsgáðum með sagnalist,“
útskýrir Einar og á einum slíkum
fundi lágu leiðir fangans og
skáldsins aftur saman. „Upp úr
þessu hefst gríðarlegt ferli því
hann hafði líka verið í bréfaskrift-
um við unnustu sína. Ég kynnist
þeim báðum og fer að skoða allan
þennan efnivið og saga þeirra
verður eiginlega sagan mín og
öfugt,“ segir rithöfundurinn.
Einar segir ekki algengt að
hann fái bréf frá föngum á Litla-
Hrauni en minnist símtals frá
manni sem sagðist þá vera nem-
andi í fjölbrautaskóla og þakkaði
honum fyrir sögurnar hans.
„Seinna áttum við leið saman í
sundlaug og þá viðurkenndi hann
það fyrir mér að hafa hringt í mig
frá Litla-Hrauni.“
Einar segist vera í góðu formi
og er þegar farinn að leggja drög
að næstu bók. Hann vildi þó ekki
gefa mikið upp um hana, sagði
dularfulla hluti vera að gerast og
að það hefði opnast fyrir ein-
hverjar línur. „En almættið hefur
ekki enn gefið mér leyfi til að
segja frá henni,“ segir Einar.
1
6 7 8
10
13
119
12
15
16
18
21
20
17
14
19
2 3 4 5
Sigurlaug Th. Jónsdóttir
Systkinin Sigrún og Þórarinn
Eldjárn brugðust snöggt við
umræðunni um barnabókina Tíu
litla negrastráka og útfærðu
sína eigin útgáfu í bókinni Tíu
litlir kenjakrakkar sem er
nýfarin í prentun og er
væntanleg í bókabúðir á
næstunni. Þórarinn segir þetta
ekki vera eiginlegt andsvar við
negrastrákunum sem listamað-
urinn Muggur myndskreytti á
sínum tíma heldur meira innlegg í
þessa umræðu. Þetta sé grein
af sama meiði en nær
okkur í tíma. „Sigrún
fékk þessa hugmynd
og við ákváðum bara
að drífa í þessu.
Bókin er því unnin á
mjög stuttum tíma og eiginlega
bara unnin á staðnum,“ segir
Þórarinn en bókin segir frá
tíu kenjóttum krökkum sem
stunda hrekki. Svo heltist
alltaf eitt og eitt barnið úr
lestinni en að endingu
sameinast þau öll aftur.
„Það er því enginn sem
deyr,“ segir Þórarinn en
örlög negrastrákanna í bók
Muggs eru á köflum æði
grimmdarleg.
Þórarinn
segist ekki
hafa sökkt sér
ofan í
umræðuna
um
negra-
strákana en þó fylgst
með úr fjarska. Og
hann segir gagnrýnina
sem hún hefur mátt
þola ekki vera algjör-
lega úr lausu lofti gripna.
„Nei, í sjálfur sér finnst
mér það ekki. Þetta er bók
sem er barns síns tíma og
ég held að ég geti nú
tekið undir það sem
einhver sagði, að það
væri í lagi að gefa út
slíka bók en það ætti
frekar að líta á hana
sem furðuhlut úr
fortíðinni og
sögulegt gagn heldur
en barnabók,“ segir
Þórarinn.
Negrastrákar verða kenjakrakkar
Guðfaðir Ólafs Ragnars vill fá Edduna
15%
vaxtaauki!
A
RG
U
S
/
07
-0
82
7
Nýttu þér þetta
TILBOÐ
og stofnaðu rei
kning á spron.is