Fréttablaðið - 23.11.2007, Síða 38

BLS. 6 | sirkus | 23. NÓVEMBER 2007
„Stíllinn minn er afar skrautlegur. Ég elska skæra liti og finnst gaman að
blanda þeim saman á óvenjulegan hátt,” segir Sigríður Friðriksdóttir lit-
ríka leik- og söngkonan, sem forðast svart og grátt eins og heitan eld-
inn. Sigríður situr ekki auðum höndum þessa dagana en hún
er á fullu við æfingar á jólafrumsýningu Borgarleikhússins
„Jesus Christ Superstar“. Sigríður leikur jafnframt í sýning-
unni Gretti en verkið hefur verið sýnt fyrir fullu húsi í tæpt ár.
Sigríður á mikið og stórt kjólasafn í öllum regnbogans litum sem
hún hefur viðað að sér í gegnum tíðina. „Mér líður best í kjólum og vantar alltaf fleiri
í safnið. Ef aðstæður og vöxtur leyfðu væri ég klædd eins og Audrey Hepburn hvern
einasta dag,“ bætir Sigríður við sem er heilluð af fatatísku 5. áratugarins. „Ég hef aldrei
dottið í þá gildru að snobba fyrir einhverjum ákveðnum merkjum eða búðum en
aftur get ég verið sérvitur þegar kemur að fataefnum. Ég reyni að forðast gerviefni
og legg áherslu á að efnin séu í senn praktísk og þægileg,” svarar Sigríður aðspurð
hvort hún stjórnist af einhverjum hleypidómum í fatakaupum. Sigríður viður-
kennir þó að eiga sér sínar uppáhaldsbúðir og segist alltaf fara fyrst í Topshop
og Gyllta köttinn þegar hana vanti eitthvað í fataskápinn. En hver eru henn-
ar verstu kaup? „Fatakaupin mín í gegnum tíðina hafa ekki gengið slysa-
laust fyrir sig. Ég hef þurft að sitja uppi með ýmis tískuslys sem hefðu
betur orðið eftir í búðinni,“ svarar Sigríður hlæjandi. Oftar en ekki
hafa þó fatakaup Sigríðar slegið í gegn og er afrakstur Lundúnaferðar
hennar í sumar ofarlega á lista yfir bestu verslunarferðina. „Ég og
vinkona mín þræddum þar markaðina og ég fann æðislegan
rauðan kjól sem er í miklu uppáhaldi hjá mér þessa dagana.
Pallíettutoppurinn minn á sömuleiðis rætur að rekja til
sama leiðangurs og er algjörlega ómissandi í fataskápinn.“
Segir glitrandi leikkonan að lokum.
Bergthora@frettabladid.is
SKRAUTFJÖÐURIN SIGRÍÐUR FRIÐRIKSDÓTTIR
Gefur lífi nu lit
SIGRÍÐUR FRIÐRIKSDÓTTIR
Uppáhaldsflíkin: Fiðrildatoppurinn minn sem ég keypti á
markaði í London í sumar.
Bestu kaupin: Blái kjóllinn minn sem ég fann í Kolaportinu.
Dýrmætasta í fataskápnum: Ullarpeysa frá Handprjónasam-
bandinu.
Eftirlætis listaverkið: Maí-málverkið eftir Lilju Gunnarsdóttur
vinkonu mína.
Fyrir hverju ertu veikust: Skóm, ég fæ ekki nóg af þeim.