Fréttablaðið - 10.12.2007, Qupperneq 25

HEIMILI HEILSA HÚS BÖRN NÁM FERÐIR MATUR BÍLAR JÓLIN KOMA GRÆJUR ATVINNA VINNUVÉLAR O.FL.
Sara Hlín á sér uppáhaldshorn þar sem fjöl-
skyldan nýtur ósjaldan góðra samverustunda.
Sara Hlín Hálfdánardóttir bókaútgefandi segir tungu-
sófann sem hún og maður hennar festu kaup á í fyrra
án efa uppáhaldshlutinn sinn. „Við keyptum hann
þegar ég var ólétt að öðru barninu okkar og þá aðal-
lega af því hann er með alveg sérstaklega breiðri
tungu sem rúmar alla fjölskylduna. Á kvöldin og sér-
staklega um helgar liggjum við fjögur í tungunni með
eitthvað gott í skál og höfum það náðugt,“ segir Sara
Hlín.
Fyrir átti Sara Hlín sófa sem var meira fyrir augað
en ekki mjög þægilegur og var þessi keyptur með
fjölskyldustundirnar í huga. „Svo þegar drengirnir
eru sofnaðir getum við hjónin teygt þarna úr okkur
yfir góðri mynd,“ útskýrir hún.
Sara Hlín segir tungusófann hafa margþætt nota-
gildi og að strákarnir hennar sæki mikið í hann. „Ég
hef það fyrir reglu að setjast niður með þeim einu
sinni á dag þar sem ég gef þeim alla mína athygli.
Oftast lesum við bók og ég reyni að gera báðum til
geðs en annar er sjö mánaða og hinn þriggja og hálfs.
Yfirleitt sýni ég þeim litla dýrabók á meðan ég les
fyrir þann eldri og afraksturinn af því hefur skilað
sér í fyrsta dýrahljóðinu hjá þeim stutta en hann
hvæsir eins og ljón þegar hann er spurður hvað ljónið
segir.“
Sara Hlín rekur bókaútgáfuna Unga ástin mín og
fyrir þessi jól komu þar út ellefu nýjar bækur. Í fyrra
gaf hún út sex bækur fyrir minnstu börnin og fengu
þær góðar viðtökur. Nú hefur hún bætt við úrvalið og
gefur meðal annars út verkefna- og vinnubækur fyrir
eldri börn og stefnir að útgáfu lestrarbóka. Sara
þýðir bækurnar sjálf og segist leggja mikið upp úr
því að hafa þær á fallegri og góðri íslensku því lengi
býr að fyrstu gerð.
vera@frettabladid.is
Dýrmætar stundir með
fjölskyldunni í tungunni
Tungusófinn hefur margþætt notagildi. Þar er kúrað, lesið og leikið. FRÉTTABLAÐIÐ/VILHELM
SKIPULAG Á SKÓNUM
Skóskápar og hillur
koma sér vel þegar
haldin eru jólaboð.
HEIMILI 4
JÓLABLÓMIN KOMIN
Lifandi blóm lífga upp á
heimilið um jólin.
JÓL 3