Fréttablaðið - 16.12.2007, Side 38

8 matur
MEÐLÆTI MÁLTÍÐIN FULLKOMNUÐ
Egill er ritari þingmanna á Alþingi en er auk þess afar liðtækur í eldhúsinu. Hann hefur ferðast töluvert og á þeim
ferðum hefur hann stundum orðið fyrir
áhrifum af matseld heimamanna.
„Ég kynntist þessum rétti á Sikiley en ég
dvaldist þar sumarið 2005. Þar er mikil hefð
fyrir að matreiða eggaldin með mismunandi
hætti enda vex eggaldin þar víða,“ segir
Egill en eggaldin er stundum notað í staðinn
fyrir kjöt á Sikiley. „Hægt er að borða þetta
með salati og góðu víni þar sem eggaldinið
drekkur í sig olíuna og verður frekar þungt.
Það má líka nota þetta sem forrétt eða með
öðrum grænmetisréttum,“ útskýrir Egill og
bætir við: „Þetta er kannski heldur þungt
með kjötréttum en gæti þó fallið að smekk
sumra. Einnig getur þetta verið gott með
fiskmeti sem er fremur létt.“
Rétturinn er fremur einfaldur en tekur að
sögn Egils dágóðan tíma og steikingarlyktin
lafir í loftinu nokkra daga á eftir. „Þetta
geymist ágætlega í nokkra daga en maður
getur ekki borðað mikið af þessu í hvert
skipti,“ segir Egill, sem er enn að prófa sig
áfram með ýmiss konar samsetningar með
eggaldini. „Ég er frekar hrifinn af græn-
metisréttum og ítalskri matargerðarlist. Í
raun og veru er margt sem kemur á óvart
eins og baunaréttir þaðan sem maður þekkir
ekkert,“ segir Egill áhugasamur. Ítölsk
matar gerðarlist hefur margan heillað en
það sem færri vita er hve fjölbreytt hún er í
raun og veru. - hs
Ítalskt
DJÚPSTEIKT EGGALDIN
3-4 eggaldin
3 egg hrærð saman
um 200 g hveiti
um 100 g af rifnum parmesanosti
jurtaolía
salt
Skerið eggaldinin langsum í tæplega
sentimetra þykkar sneiðar. Stráið
salti yfir hverja sneið og látið það
drekka í sig beiskan brúnleitan safa
úr eggaldinunum í um klukkustund.
Blandið saman hveiti og rifnum
parmesanosti á diski. Skolið egg-
aldinin og þurrkið. Dýfið hverri
eggaldinsneið í eggjahræruna og
leggið á diskinn þannig að deig
myndist á báðar hliðar. Djúpsteikið í
jurtaolíunni í um 3 mínútur eða eftir
hitastigi. Borið fram heitt, volgt eða
kalt. Ágætt er að nota afganga til
dæmis í samloku ásamt grænmeti.
Áslaug er heimilisfræðikennari í Hofsstaðaskóla og er því alvön matreiðslu. Hún hefur það fyrir sið að sjóða rauðkál með jólamatnum og hefur
gert það í mörg ár. „Ég hef útbúið rauðkál fyrir jólin
frá því ég fór fyrst að búa, sem var snemma á áttunda
áratugnum, og er þetta því orðið að hefð,“ segir
Áslaug og bætir við: „Maður er nú ekki að þessu til að
spara. Það er ekkert ódýrara að útbúa rauðkálið
sjálfur og hægt er að kaupa margar tegundir af til-
búnu rauðkáli sem er auðvitað miklu fljótlegra. Þetta
er hins vegar mun betra og líka gert til gamans.“ Með
því að sjóða rauðkálið sjálfur verður það mun ferskara
og hægt er að krydda það að vild.
Rauðkál hentar með ýmiss konar mat og þá ekki
síst hátíðamat. „Þetta rauðkál er afskaplega gott með
svína- og lambasteik og er ómissandi með rjúpunum
á aðfangadagskvöld. Það er einnig gott með heitri
lifrarkæfu, soðnum kartöflum og heimabökuðu rúg-
brauði svo ég tali nú ekki um kjötbollur, svikinn héra
og fleira,“ útskýrir Áslaug. Það er ekki nauðsynlegt
að gera mikið í einu en Áslaug sýður úr tæpum tveim-
ur kílóum af rauðkáli. Ekki þarf að hafa áhyggjur þó
að eitthvað verði afgangs þar sem einfalt er að frysta
rauðkál og hita það að nýju. Það má því útbúa rauð-
kálið tímanlega og frysta þar til stóri dagurinn rennur
upp. - hs
HÁTÍÐARAUÐKÁL
1 kg ferskt rauðkál
1 dl edik
½ dl vatn
1-2 jónagold epli, fer eftir stærð
2 tsk. salt
sykur eftir smekk
kúmen ef vill
matarolía
Þvoið, hreinsið og skerið rauðkálið frekar
gróft. Þvoið því næst eplin og kjarnhreinsið
þau og skrælið. Skerið eplin í bita. Hitið olíuna
og léttsteikið rauðkálið. Annars er líka hægt
að setja það beint í pottinn og bræða sumir
smjör saman við síðustu mínúturnar í stað þess
að léttsteikja. Smjörið storknar hins vegar
þegar kálið kólnar. Bætið eplum, vatni, ediki
og salti saman við og látið sjóða við vægan
hita í 40 til 50 mínútur í potti. Fylgist vel með
og hrærið öðru hvoru. Bætið sykri saman við
þegar 10 mínútur eru eftir og smakkið til með
salti eða ediki. Þeir sem vilja geta sett kúmen
saman við.
Áslaug er meistara-
kokkur og sýður
rauðkál fyrir hver jól.
rauðkálstaugin
EGGALDIN
Egill gæðir sér á steiktu
eggaldini sem upprunn-
ið er á Sikiley. Ólíklegt er
þó að hann klári skammt-
inn þar sem eggaldinið er
afar saðsamt.
Rétturinn sem hér um ræðir getur verið hvort sem er aðalréttur
eða meðlæti. Í raun fer það bara eftir smekk og tilefni að sögn
kokksins Egils Arnarsonar.
FR
ÉT
TA
BL
A
Ð
IÐ
/A
N
TO
N
FR
ÉT
TA
BL
A
Ð
IÐ
/V
Ö
LU
N
D
U
R
RÖMM ER
Margir geta vart hugsað sér jólin án
rauðkáls. Áslaug Þorgeirsdóttir er ein
þeirra sem útbúa alltaf rauðkál fyrir jólin
og gaf hún okkur uppskriftina að sínu
klassíska heimalagaða rauðkáli.
M
M