Fréttablaðið - 21.02.2008, Blaðsíða 2
2 21. febrúar 2008 FIMMTUDAGUR
Ásmundur, var þetta ekki dýr í
útrýmingarhættu?
„Ja, það minnkaði óneitanlega í
stofninum!“
Ásmundur Pálsson meindýraeyðir felldi
í vikunni eina þekkta einstakling minka-
tegundarinnar í Vestmannaeyjum.
noatun.is
LÉTTIR ÞÉR LÍFIÐ
mikla í Nóatúni!
Fiskivikan
Skötuselur
bein- og roðlaus
1.998
Þú sparar 400 kr.
kr.
kg.
LÖGREGLUMÁL Framganga starfsmanns íþróttahúss-
ins í Borgarnesi gagnvart sex ára dreng á staðnum
hefur verið kærð til lögreglu. Barnið hefur fengið
áverkavottorð og málið fer að líkindum til barna-
verndarnefndar, hafi það ekki þegar verið komið
þangað í gærkvöld.
Litli drengurinn var í skólasundi á mánudag. Hann
óhlýðnaðist við að koma út úr sturtunni eftir sundið.
Starfsmaðurinn tók þá sköfu með löngu skafti og
notaði hana á drenginn þannig að það sá á baki hans.
Sá síðarnefndi hljóp fram og mætti þá íþróttakenn-
ara á staðnum sem sá áverkana. Drengurinn var
sendur heim og greindi þá foreldrunum sínum frá
atvikinu.
„Hann var alveg
rosalega hræddur,“
segir aðstandandi
drengsins. Hann
segir sundlaugar-
vörðinn hafa hringt í
foreldra barnsins
eftir atvikið og beð-
ist afsökunar. Hins
vegar sé óviðunandi
að maðurinn sé í
vinnu áfram meðan
rannsókn málsins
standi yfir. Ekki sé
hægt að bjóða barn-
inu upp á að senda
það aftur í íþrótta-
húsið meðan mað-
urinn sé þar við
störf.
Foreldrarnir fóru
með drenginn á
heilsugæslustöðina
í Borgarnesi þar
sem læknir skoðaði
hann og gaf út
áverkavottorð. Þar segir meðal annars:
„Kemur í fylgd foreldra, hafði íþróttakennari látið
vita að sæi á drengnum eftir starfsmann í íþrótta-
húsi... Milli neðri enda herðablaða er roðaflekkur...
litlar húðblæðingar og byrjandi
mar vinstra megin...Mar á brjóst-
kassa.“
„Þarna hafa orðið afar slæm mis-
tök sem við verjum ekki,“ segir
Kristján Þ. Gíslason, skólastjóri
Grunnskólans í Borgarnesi. „Við og
yfirmaður íþróttahússins erum að
vinna þetta eftir reglum sem um
svona atvik gilda.“
Spurður um ábyrgð skólans í til-
vikum af þessu tagi, þar sem dreng-
urinn hafi verið í skólasundi, ítrekar
Kristján að málið sé komið í ferli.
„Við hörmum þetta atvik afar
mikið,“ segir hann. Spurður hvort
skólayfirvöld hafi farið fram á við
yfirmenn íþróttahússins að viðkom-
andi starfsmaður þess verði ekki lát-
inn hafa afskipti af skólabörnum meðan málið sé til
rannsóknar segir Kristján svo ekki vera.
Lögreglan í Borgarnesi segir rannsókn hafna á
málinu.
ÁVERKAVOTTORÐIÐ Á heilsu-
gæslunni skoðaði læknir drenginn og gaf út áverkavottorð.
SKAFAN Starfsmaðurinn er sagður
hafa notað sköfu til að koma drengn-
um út úr sturtunni.
Sundlaugarvörður
kærður til lögreglu
Lögreglan í Borgarnesi rannsakar nú framgöngu starfsmanns sundlaugarinnar
í Borgarnesi gagnvart sex ára dreng sem var í skólasundi. Drengurinn hefur
fengið áverkavottorð. Skólastjórinn segir þetta slæm mistök sem séu hörmuð.
DÝR Tollgæslan á Suðurnesjum
fann fjögur dýr í fórum farþega
sem fóru um Keflavíkurflugvöll á
síðasta ári, og lagði hald á öll
dýrin. Um var að ræða tvær
skjaldbökur, eðlu og hund, segir
Kári Gunnlaugsson, aðaldeildar-
stjóri tollgæslunnar.
„Fólk er með þetta innan á sér
eða í handfarangri, þetta eru lítil
kvikindi þótt þau eigi kannski eftir
að verða stór,“ segir Kári. Því sé
erfitt að finna dýrin.
„Við skoðum eitt til þrjú prósent
farþega sem fara hér í gegn, og þá
er lítil von til að finna dýrin, nema
við fáum ábendingu, eða heyrum í
hundinum gelta eða kettinum
mjálma,“ segir Kári. - bj
Fundu fjögur dýr á síðasta ári:
Með skjaldbök-
ur í tollinum
ÓLÖGLEG Bannað er að halda skjald-
bökur, skriðdýr og ýmis önnur dýr hér
á landi.
SLYS Vegfarandi varð fyrir því
óláni í gær að strætisvagn ók yfir
rist hans. Að sögn Reynis
Jónssonar, framkvæmdastjóra
Strætós bs., voru meiðsli vegfar-
andans ekki alvarleg. Hann segir
vagnstjóranum hafa verið
brugðið og hann hafi verið
leystur af vaktinni.
Reynir segir tildrög óhappsins
ókunn en líklega hafi spilað
saman að vegfarandinn og
vagnstjórinn hafi ekki metið
fjarlægðir rétt. - kdk
Hlaut mar og bólgur á rist:
Strætisvagn ók
á vegfaranda
EFNAHAGSMÁL Ef fer sem horfir og
slaknar á efnahagslífinu síðla árs
2008 og árið 2009 myndi það ekki
skapa mikil þjóðhagsleg vandræði
þó álver rísi í Helguvík, jafnvel þó
það skarist við lagningu Sunda-
brautar, segir Gunnar Haraldsson,
forstöðumaður Hagfræðistofnun-
ar Háskóla Íslands.
„Menn sjá ekki fyrir sér mikið
þensluástand 2009,“ segir Gunnar.
Þó skipti miklu við mat á efnahags-
áhrifum af byggingu álversNorð-
uráls í Helguvík hversu miklar
framkvæmdir verði á yfir stand-
andi ári, segir Gunnar.
„Ef það slaknar á efnahagslíf-
inu seinnipart árs 2008 og á árinu
2009 ætti þetta að hafa jákvæð
áhrif [verði álverið reist]. Ef hins
vegar spenna á vinnumarkaði
helst áfram og fjármálakrísan
sem nú hefur áhrif gengur til baka
myndi þetta hafa neikvæð þenslu-
hvetjandi áhrif.“
Vonir standa til að reynt verði
að hefja framkvæmdir við lagn-
ingu Sundabrautar árið 2009, sama
ár og forsvarsmenn Norðuráls
hyggjast setja framkvæmdir við
álver í Helguvík á fullt.
Gunnar segir að ef um sé að
ræða arðbærar fjárfestingar á
samdráttartímum myndi það ekki
skapa mikil þjóðhagsleg vanda-
mál. Ef þenslan haldi áfram sé
ekki þjóðhagslega hagkvæmt að
báðar þessar framkvæmdir séu í
gangi á sama tíma. - bj
Bygging álvers í Helguvík mun hafa jákvæð áhrif gangi efnahagsspár eftir:
Fer saman með Sundabraut
HELGUVÍK Til stendur að framkvæmdir
við álver Norðuráls hefjist á þessu ári,
en mestur kraftur verði í framkvæmdun-
um árin 2009-2010.
BANDARÍKIN, AP Barack Obama hefur nú sigrað í tíu
prófkjörum Demókrataflokksins í röð eftir glæsileg-
an sigur bæði í Wisconsin og Hawaii á þriðjudag.
Hann hefur tryggt sér atkvæði meira en 1330 kjörm-
anna samkvæmt talningu AP fréttastofunnar, en
keppinauturinn Hillary Clinton hefur tryggt sér
rúmlega 1250 kjörmenn.
Síðasti möguleiki Clintons til að ná aftur forystu í
forkosningakapphlaupinu verður þriðjudaginn 4.
mars, sem verður „stór þriðjudagur“ því þá verður
kosið samtímis í fjórum ríkjum, þar á meðal í
tveimur af þeim fjölmennustu, nefnilega Texas og
Ohio.
John McCain, sem hefur afgerandi forystu í
Repúblikanaflokknum, virðist ganga út frá því sem
gefnu að Obama muni sigra og þar með etja kappi
við hann í forsetakosningunum í nóvember.
„Ég mun berjast á hverjum degi fyrir því að
Bandaríkjamenn láti ekki blekkjast af glæsilegum
en innantómum kröfum um breytingar,“ sagði
McCain og átti þar greinilega við Obama.
Clinton er þó engan veginn hætt að berjast og
hvetur þátttakendur í prófkjörunum til að taka
baráttuna alvarlega: „Það er kominn tími til að átta
sig á því hvernig við getum sigrað í þessum kosning-
um,“ sagði hún í gær. - gb
Hillary Clinton er ekki á því að gefast upp í prófkjörsbaráttu Demókrataflokksins:
Sigurganga Obama heldur áfram
BARACK OBAMA Fátt virðist ætla að koma í veg fyrir sigur hans
á Hillary Clinton. FRÉTTABLAÐIÐ/AP
ALÞINGI Í fyrirspurnartíma á
Alþingi í gær furðaði Kristján L.
Möller samgönguráðherra sig á
að Birkir Jón Jónsson, þingmaður
Framsóknar, væri ekki í þingsal
þar sem hann átti að bera upp
fyrirspurn um lengingu Akureyr-
arflugvallar samkvæmt dagskrá
þingfundar.
„Er kannski háttvirtur þing-
maður með fjarvist? Af hverju er
fyrirspurnin ekki lögð fram?“
spurði Kristján.
Kjartan Ólafsson þingforseti
sagði að eftir að þingfundur hófst
hefðu borist upplýsingar um að
Birkir Jón væri forfallaður.
Fréttablaðinu er kunnugt um að
í gær hafi þingmaðurinn varið
drjúgum tíma í að svara spurn-
ingum fjölmiðla um þátttöku hans
í pókermóti um síðustu helgi.
- bþs / sjá síðu 6
Samgönguráðherra á Alþingi:
Hvar er Birkir?
INDÓNESÍA, AP Öflugur jarðskjálfti
skók vesturhluta Indónesíu í gær.
Þrír fórust í jarðskjálftanum og
að minnsta kostir 25 slösuðust að
sögn yfirvalda. Aðvörun vegna
yfirvofandi flóðbylgju var gefin
út í gærmorgun. Aðvörunin var
síðan dregin til baka þegar ekki
varð vart við mikið öldurót.
Upptök jarðskjálftans, sem
mældist 7,6 á Richterkvarða,
voru úti fyrir strönd eyjunnar
Simeulue, skammt frá vestur-
strönd Súmötru. Það svæði varð
verst úti í risaflóðbylgjunni sem
reið yfir árið 2004 og varð 230
þúsund manns að bana í tólf
löndum. - sdg
Þrír fórust og 25 slösuðust:
Jarðskjálfti við
strönd Súmötru
STJÓRNMÁL Hanna Birna Kristj-
ánsdóttir, borgarfulltrúi Sjálf-
stæðisflokksins, segist að
sjálfsögðu gefa kost á sér sem
borgarstjóraefni
sjálfstæðis-
manna. Kom
þetta fram í
þættinum
Íslandi í dag í
gærkvöldi.
Hún sagðist
hafa metið
stöðuna þannig
að hún fengi
örugga kosningu
í annað sætið
spurð um ástæður þess að hún
hafi ekki gefið kost á sér í fyrsta
sætið í prófkjöri Sjálfstæðis-
flokksins. Þá sagði hún umræð-
una hins vegar ótímabæra og að
Vilhjálmur fengi hennar stuðning
ef hann kysi að halda áfram sem
oddviti flokksins í Reykjavík. - ovd
Hanna Birna styður Vilhjálm:
Gefur að sjálf-
sögðu kost á sér
HANNA BIRNA
KRISTJÁNSDÓTTIR
SPURNING DAGSINS