Fréttablaðið - 21.02.2008, Blaðsíða 50
21. FEBRÚAR 2008 FIMMTUDAGUR14 ● fréttablaðið ● hafnarfjörður
Kvikmyndasafn Íslands hefur
komið sér vel fyrir í Hafnar-
firði og fagnar í vor þrjátíu ára
starfsafmæli.
„Hlutverk safnsins er að safna og
varðveita íslenska menningararf-
inn sem fólginn er í kvikmyndum
til framtíðar, framkvæma nauðsyn-
legar viðgerðir og endurgerðir og
sýna safnkostinn,“ segir Þórarinn
Guðnason, forstöðumaður Kvik-
myndasafns Íslands.
Safnið er ríkisstofnun og fær
árlega fjárveitingu til reksturs og
uppbyggingar safnsins, sem í dag
er 47 milljónir króna. Starfsmenn
safnsins er nú sex, þar af eru tveir
í hlutastarfi.
„Kvikmyndasafninu er ætlað að
taka við öllu efni og munum sem
snertir kvikmyndir. Til að mynda
filmur, myndbönd, tæki, gögn, þar
með talið veggspjöld, dagskrár,
handrit, ljósmyndir og önnur
gögn,“ segir Þórarinn.
Í tilefni afmælisársins verð-
ur myndarleg dagskrá í safnabíó-
inu þar sem hápunkturinn er sýn-
ing á kvikmynd Victors Sjöström,
„Fjalla-Eyvindur“ frá árinu 1918
að sögn Þórarins. „Tónlistin við
myndina verður glæný því Atli
Heimir Sveinsson tónskáld hefur
hafið samningu á tónlist við mynd-
ina auk þess sem settir verða við
hana íslenskir millitextar og má
þannig segja að þessi sænska
mynd, sem gerð var eftir leik-
riti Jóhanns Sigurjónssonar verði
„færð heim“,“ segir Þórarinn.
Hann segir að upphaflega hafi
verið miðað við að koma safninu
fyrir í Hafnarfjarðarbíó en þegar
það var rifið samdist við yfir-
völd um að Bæjarbíó yrði safna-
bíó safnsins í staðinn. „Skrifstof-
um safnsins var komið fyrir í
gamla Bæjarútgerðarhúsinu sem
safnið tók á leigu. Þegar það var
síðan rifið, fékk safnið til umráða
vandaða byggingu við Hvaleyrar-
braut í Hafnarfirði. Sú bygging er í
ríkiseign og hýsti áður Fiskvinnslu-
skóla Íslands. Þetta húsnæði hent-
ar mjög vel, er með möguleika á
viðbótarbyggingum á lóð safns-
ins og verður framtíðarhúsnæði
safnsins,“ segir Þórarinn.
Frá 1. janúar 2003 er safnið,
samkvæmt lögum um skylduskil,
móttökusafn fyrir allar kvikmynd-
ir sem eru framleiddar, gefnar út
og sýndar opinberlega hér á landi.
Allt frá auglýsingamyndum til bíó-
mynda og allt þar á milli að sögn
Þórarins.
Þannig er kvikmyndagerðar-
mönnum skylt að afhenda safninu,
innan tveggja ára, þrjú sýningar-
eintök af kvikmyndum sem gerð-
ar eru. Eitt eintak fer til Lands-
bókasafns Íslands og frumeintök
af myndunum skal afhent innan
sjö ára. Jafnframt skal afhenda
eintök af kvikmyndum sem síðan
eru gefnar út á nýju formi svo sem
DVD-diskum eða myndböndum.
„Kvikmyndafilmur eru varðveitt-
ar í mjög stöðugu hita- og rakastigi
sem er 5 gráður á C og 35 prósenta
rakastig fyrir sýningareintök og -
5 gráður fyrir frummyndir. Þetta á
að tryggja varðveislu kvikmynda
um ókomin ár,“ útskýrir Þórarinn
sem segir sérfræðinga fullyrða
að hver mínusgráða geti aukið
varðveislutímann um hundrað ár.
„Bresku söfnin ganga jafnvel svo
langt, að geyma frumfilmur í -22
gráðu frosti.“
Kvikmyndasafnið rekur safna-
bíó í Bæjarbíói í Hafnarfirði, þar
sem sýningar eru að minnsta kosti
tvisvar í viku, á eldri og yngri perl-
um úr kvikmyndasögunni. „Safnið
kappkostar að sýna kvikmyndir
á því formi sem þær eru gerðar á
og tekst það vel í flestum tilfellum.
Mikil samvinna er milli safnanna í
Evrópu og ekki síst á Norðurlönd-
unum,“ segir Þórarinn og bætir
því við að aðsókn sé að aukast og
til standi að bæta við þriðju sýn-
ingunni vikulega á næstunni. Nán-
ari upplýsingar: www.kvikmynda-
safn.is rh@frettabladid.is
Kvikmyndaarfurinn geymdur við frostmark
Þórarinn Guðnason, forstöðumaður Kvikmyndasafns Íslands, segir aðsókn á sýningar safnabíósins vera að aukast og til standi að
bjóða þrjár sýningar á viku. FRÉTTABLAÐIÐ/ANTON
– skemmtistaðir fyrir unga sem aldna
Sundlaugar Hafnarfjarðar
Sundferð er heilbrigð og ódýr skemmtun fyrir fólk á öllum aldri.
Sjáumst í sundi!