Fréttablaðið - 21.02.2008, Síða 46

● fréttablaðið ● hafnarfjörður 21. FEBRÚAR 2008 FIMMTUDAGUR10
Umhverfisvaktin í Hafnarfirði er nýtt átak
sem stuðlar að hreinni bæ á sjálfu afmælis-
árinu.
„Með þessu átaki bjóðum við félagasamtökum
og hópum að koma til liðs við Hafnarfjarðar-
bæ og sjá um hreinsun á ákveðnum svæðum.
Í þeim tilgangi hefur bænum verið skipt upp í
átta svæði og fyrir þátttökuna fá þessir hópar
styrk fyrir sína starfsemi,“ segir Guðjón Egg-
ertsson, verkefnastjóri fyrir Staðardagskrá
21 sem er leið sveitarfélaganna til að vinna að
sjálfbærri þróun.
Umhverfisvaktin er nýjasta verkefni Staðar-
dagskrár 21 og Guðjón býst við góðri þátttöku.
„Við skiptum greiðslu til hópanna í tvennt. Bæði
er föst greiðsla fyrir þátttöku og síðan bónus-
greiðsla fyrir þá sem hreinsa einstaklega vel,“
segir Guðjón sem bætir við að verkefnið teng-
ist einnig hundrað ára afmæli Hafnarfjarðar-
bæjar. Hann segir hugmyndina þekkta erlend-
is þrátt fyrir að bæjaryfirvöld hafi ekki skoðað
nákvæmlega framkvæmd þar en segir einnig
að ein útfærsla verkefnisins hafi verið í Mos-
fellsbæ.
„Við erum, eftir því sem ég best veit, þau
einu sem höfum lagt allt byggt land í bænum
undir þetta. Þetta verður ákveðið tilraunaverk-
efni sem við endurmetum í haust og tökum
ákvörðun um hvort framhald verði á,“ segir
Guðjón sem bætir við að skólarnir í bænum geti
einnig tekið þátt. „Skólarnir í bænum eru flestir
með eitthvert kerfi þar sem kannski einn bekk-
ur sér um hreinsun á lóðinni viku í senn. Nú
ætlum við að biðja skólana að skilgreina stærra
svæði fyrir utan skólalóðina og velja ákveðinn
hóp nemenda til að hreinsa sex sinnum á ári.
Síðan getur hópurinn fengið greiðslu og notað
í skólaferðaleg, vorhátíð eða eitthvað sambæri-
legt,“ segir Guðjón.
Þeir hópar sem þegar hafa sótt um verkefnið
eru með fjölbreytta starfsemi en Guðjón segir
það einmitt eitt markmiðanna. „Við erum með
hópa frá yngri flokki í knattspyrnu, unglinga-
starfi í golfi, alþjóðlegt barnastarf og samtök
fyrir frið og menningu svo eitthvað sé nefnt,“
segir Guðjón og bætir við að óskað sé eftir því
að hóparnir hreinsi tíu sinnum á ári, sem skiptist
í fimm skipti á vorin frá byrjun mars til byrjun
júní og síðan fimm sinnum frá ágúst til nóvem-
ber. Hann segir einnig vonast til að verkefnið
skili ákveðinni hugarfarsbreytingu. „Storm-
viðri sem hafa gengið yfir landið stuðla að því
að því að ruslið dreifist. Sérstaklega í bænum
því mikið er um framkvæmdir. Síðan eru Ís-
lendingar haldnir undarlegri áráttu sem snýst
um að henda út rusli á ferð í bíl og búast við að
það fari á hinn goðsagnakennda stað „hvergi“.
En hann er bara ekki til og allt ruslið endar ein-
hvers staðar en nú verður vonandi breyting á,“
segir Guðjón. Allar nánari upplýsingar: www.
hafnarfjordur.is
rh@frettabladid.is
Goðsögnin um hvergi
Guðjón Eggertsson verkefnastjóri
umhverfisvaktarinnar í Hafnarfirði von-
ast eftir hreinni bæ á afmælisárinu.
FRÉTTABLÐIÐ/ANTON