Fréttablaðið - 21.02.2008, Blaðsíða 35
FIMMTUDAGUR 21. febrúar 2008 5
Læknavaktin í Kópavogi tók
á móti rúmlega sextíu þúsund
manns í fyrra. Aukningin er
gríðarleg og forsvarsmenn
segja helstu ástæður samfé-
lagslegar breytingar.
„Læknavaktin á sér raunverulega
áttatíu ára sögu því forveri henn-
ar er gamla bæjarvaktin í Reykja-
vík sem var stofnuð árið 1928,“
segir Atli Árnason, lækningafram-
kvæmdastjóri Læknavaktarinnar
við Smáratorg í Kópavogi.
Læknavaktin var stofnuð í
núverandi mynd árið 1986 og er að
sögn Atla vaktþjónusta fyrir
Reykjavík og nágrannabæi.
„Gamla bæjarvaktin sinnti aðeins
höfuðborgarbúum en með þróun
þéttbýlissvæðisins var tekin sú
ákvörðun að stækka þjónustu-
svæðið árið 1998 og bæta við
Hafnarfirði og Garðabæ. Þá hafði
Kópavogur haft aðgang í þó nokk-
urn tíma,“ útskýrir Atli, sem segir
þá þróun hafa orðið til þess að
vaktin flutti í Kópavogi til að vera
miðsvæðis á þjónustusvæðinu
sem nær til 196.000 manns.
Aðsókn á vaktina hefur aukist
gríðarlega frá því hún flutti á
Smáratorg því seinasta heila árið í
Heilsuverndarstöðinni komu
þangað 18.000 sjúklingar en árið
2007 komu rúmlega 61.000 að sögn
Atla. „Mín tilfinning er sú að sam-
félagsbreytingar séu helsta orsök.
Það er enginn heimavinnandi leng-
ur og erfitt fyrir marga að hlaupa
úr vinnu á daginn. Fólk virðist
hafa meiri þörf fyrir að komast til
læknis utan dagvinnutíma vegna
ýmissa óvæntra uppákoma í
heilsufari þegar því hentar,“ segir
Atli. Svo eru alltaf einhverjir sem
hafa engan aðgang að annarri
þjónustu.
Rúmlega áttatíu læknar starfa á
Læknavaktinni, allt sérfræðingar
í heimilislækningum sem einnig
starfa á heilsugæslustöðvum á
dagvinnutíma. Vaktin er opin frá
fimm á daginn til hálftólf á kvöld-
in, auk þess sem opið er um helgar
og á helgidögum frá níu til hálftólf
að sögn Atla. Hann tekur einnig
fram að á Læknavaktinni sé rekin
umfangsmikil símaþjónusta þar
sem hjúkrunarfræðingur situr
fyrir svörum frá fimm á daginn til
átta á morgnana og allan sólar-
hringinn um helgar. Þar er einnig
hægt að fá samband við lækni ef
nauðsynlegt þykir. Heimavitjanir
hefur Læknavaktin einnig á sinni
könnu en Atli segir að farið sé í sjö
þúsund vitjanir á ári. „Við metum
hvert tilfelli þegar óskað er eftir
vitjun. Stundum á fólk kost á því
að koma til okkar, ef ekki erum við
með bíl og þá kemur sér vel að
vera miðsvæðis. Þeir sem þurfa á
vitjun að halda eru oft eldra fólk
og farlama eða yngra fólk sem er
hreinlega of veikt til að komast á
Læknavaktina,“ segir Atli og
bætir við að um 5 prósent sjúk-
linga séu send áfram á hátækni-
sjúkrahús á hverju ári. Flestir
sjúklingar sem nýta sér þjónustu
vaktarinnar um þessar mundir
eru með flensu og ýmsa smitsjúk-
dóma en annars sveiflast tilfellin
eftir árstíðum og eru bæði mörg
og misjöfn; allt frá tiltölulega ein-
földum málum upp í alvarlega lífs-
hættulega sjúkdóma sem þarfnast
réttra og skjótra viðbragða að
sögn Atla. rh@frettabladid.is
Þörfin fyrir læknisaðstoð meiri eftir vinnu
Læknavaktin á Smáratorgi
í Kópavogi er vaktþjón-
usta fyrir Reykjavík og
nágrannabæi.
Um 2,4 prósent Íslendinga
hafa skrifað undir áskorun um
jafnan rétt evrópskra kvenna
til krabbameinsleitar.
Á slóðinni www.cervicalcancerpet-
ition.eu er hægt að skrifa undir
áskorun um að allar evrópskar
konur njóti sama réttar til bestu
fáanlegra forvarna gegn legháls-
krabbameini. Undirskriftirnar eru
orðnar rúmlega 144 þúsund, frá
þrjátíu Evrópuþjóðum, þar af 7.430
frá Íslendingum sem eru 2,4 pró-
sent íslensku þjóðarinnar. Íslend-
ingar eru því í efsta sæti þeirra
þjóða sem skrifað hafa undir áskor-
unina en í næstu sætum eru Króat-
ía með 0,9 prósent og Portúgal með
0,6 prósent. - eö
Vilja betri
forvarnir
Hægt er að skrifa undir áskorun um
jafnan rétt kvenna til krabbameinsleitar
á netinu. HEYRNARÞJÓNUSTA
Dot er góður punktur
fyrir þá sem vilja heyra vel.
Þessi punktur er agnarsmátt heyrnartæki
sem með nýjustu tölvutækni bætir við heyrnina
þeirri tíðni sem notandinn hefur tapað.
Hringdu og láttu okkur fræða þig meira um
þessa undraverðu tækni.
Heimsins minnstu heyrnartæki koma frá ReSound . . . . . . . . . . . . . .