Fréttablaðið - 21.02.2008, Blaðsíða 31
HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Flautuleikarinn Melkorka Ólafsdóttir er hrifin af
vönduðum og kvenlegum fötum en lætur tísku-
bylgjur lítið á sig fá.
Melkorka hefur sjaldan fylgt sérstökum bylgjum eða
tískustraumum heldur farið sínar eigin leiðir í fata-
vali. „Mér hefur stundum verið strítt á því að ég sé
voðalega góð í því að finna flíkur sem enginn annar
rekst á í ólíklegustu búðum,“ segir hún. Hin síðari ár
er hún orðin pínulítið veik fyrir kvenlegum og vönduð-
um fötum, jafnvel handunnum. „Ég hef minni og minni
þolinmæði fyrir óvönduðum flíkum sem skemmast
um leið.“
Fyrir nokkrum árum fann hún forláta jakka á götu-
markaði í Jordaan-hverfinu í Amsterdam þar sem hún
var við nám. „Mér fannst hann mjög fallegur og
óvenjulegur en það er óljóst hvaðan hann kemur.“
Melkorka segir engin merki vera á jakkanum en hún
heldur að hann geti verið frá Suður-Ameríku og jafn-
vel frá Austur-Evrópu.
„Ég mundi segja að þetta væri mjög vandaður jakki.
Hann er svartur í grunninn en þó alsettur litríku
munstri. Svo er hægt að snúa honum við og þá verður
hann ennþá litríkari,“ lýsir Melkorka en hún gengur
mikið í rauðu, grænu og bláu. Hún kaupir megnið af
fötum sínum erlendis enda í góðri aðstöðu til þess. Hin
síðustu ár hefur hún verið við flautunám í Amster-
dam, London og París en er núna búsett í London.
Síðastliðinn mánuð hefur Melkorka þó verið á land-
inu og leyst af sem flautuleikari í Sinfóníuhljómsveit
Íslands. Þá hefur hún verið í upptökum fyrir Ríkisút-
varpið en hún var, ásamt Víkingi Ólafssyni píanóleik-
ara, valin fulltrúi Íslands í tónlistarkeppni evrópskra
útvarpsstöðva.
Næst er Melkorka svo væntanleg til landsins í apríl
til að spila á útgáfutónleikum kammersveitarinnar
Ísafoldar. vera@frettabladid.is
Fer sínar eigin leiðir
GÓÐAR Í GRÁU
Stjörnurnar virðast margar
hrifnar af gráa litnum þessa
dagana.
TÍSKA 2
ÖÐRUVÍSI ÚTIHURÐIR
Útidyrahurðin skiptir óneitan-
lega máli fyrir ásýnd hússins.
HEIMILI 6
Melkorka keypti jakkann á
götumarkaði í Amsterdam en
það er alls kostar óljóst hvað-
an hann er upprunninn.
FR
ÉT
TA
B
LA
Ð
IÐ
/V
IL
H
EL
M