Fréttablaðið - 21.02.2008, Qupperneq 38

● fréttablaðið ● hafnarfjörður 21. FEBRÚAR 2008 FIMMTUDAGUR2
Á veitingastaðum Síam í
Hafnarfirði er boðið upp á fjöl-
breytt úrval taílenskra rétta.
„Hér er boðið upp á klassíska, taí-
lenska matargerð, sem hefur ekki
orðið fyrir miklum vestrænum
áhrifum,“ segir Einar Örn Ein-
arsson, annar eigenda Síam, eins
vinsælasta asíska veitingastaðar
Hafnarfjarðar.
Síam er að sögn Einars elsti
asíski veitingastaðurinn á Íslandi,
stofnaður fyrir 23 árum og upp-
haflega rekinn í Ármúlanum undir
heitinu Bangkok af taílenskum
matreiðslumeistara með meira en
þrjátíu ára reynslu í taílenskri mat-
argerð. Staðurinn fékk nýtt heiti,
Síam, þegar starfsemin var flutt á
Skólavörðustíg á tíunda áratugnum
og það hélst eftir að hann var opn-
aður í Hafnarfirði árið 2001.
Fyrir hálfu ári keypti Einar
síðan Síam með Emil Helga Lár-
ussyni, og voru félagarnir sam-
mála um að fylgja þeirri línu sem
fyrri eigendur höfðu lagt upp með
og bjóða áfram upp á klassíska, taí-
lenska rétti og gera gott betur með
því að bæta við nokkrum réttum á
matseðilinn. Þar á meðal ýmsum
súpum.
„Já, við ætlum að halda þeirri
stefnu og bjóða ekki upp á ein-
hverja útvatnaða taílenska rétti,“
segir Einar og er sáttur við ákvörð-
unina, þar sem viðkiptavinum stað-
arins hefur jafnt og þétt farið fjölg-
andi á því hálfa ári síðan eigenda-
skiptin áttu sér stað. „Svo hefur
okkur líka tekist að halda í gömlu
kúnnana,“ bætir Einar við og finnst
það til marks um að tekist hafi að
viðhalda þeim gæðastaðli sem stað-
urinn er þekktur fyrir.
Á staðnum starfa nú kokkar frá
ýmsum þjóðlöndum og voru tveir
þeirra, Audrius Dubinskas og Joao
Portilheiro, svo vinsamlegir að elda
og láta í té uppskriftir að kjúklingi
í chili og engifer, fyrir lesendur
Fréttablaðsins. - rve
Klassísk taílensk
matargerð
Kjúklingur í chili og engifer. RÉTTABLAÐIÐ/STEFÁN
Síam hefur verið rekinn í Hafnarfirði frá árinu 2001 en staðurinn var stofnaður árið
1985 og er því elsti asíski veitingastaður á Íslandi.
Á Síam vinna nú kokkar frá ýmsum
þjóðlöndum. Hér sjást þeir Audrius
Dubinskas og Joao Portilheiro að störf-
um. FRÉTTABLAÐIÐ/STEFÁN
KJÚKLINGUR Í CHILI OG
ENGIFER
örlítið af canola-olíu
1 1/2 msk. hvítlaukur
2 msk. chili
200 g kjúklingabringa
50 g bambus
50 g grænar baunir
1 tsk. sykur
örlítið af fiskisósu
5 sneiðar rauð paprika
10 þunnar sneiðar af fersku engifer
225 ml vatn

Aðferð:
Skerið kjúkling niður í þunna bita.
Myljið chili og hvítlauk niður. Skerið
papriku og engifer í langar mjóar
ræmur. Hitið olíu á pönnu. Snögg-
steikið hvítlauk og engifer í heitri
olíunni. Bætið kjúklingi út í og
snöggsteikið. Bætið vatni út í og eldið
kjúkling upp úr því. Bætið fiskisósu,
sykri, bambus og grænum baunum út
í. Sjóðið allt saman þar til kjúklingur-
inn er eldaður í gegn. Takið pönnu af
hita og bætið engifer og papriku í. Þá
er rétturinn tilbúinn.
Í ár eru 100 ár liðin frá því að
Hafnarfjörður fékk kaupstað-
arréttindi. Góð hafnarskilyrði
ásamt úfnu hrauni allt í kring
einkenna bæinn og er hann af
mörgum talinn með fallegustu
bæjum landsins.
Fyrstu heimildir um Hafnarfjörð
eru frá því um 1400, þegar kaup-
skip hófu að sigla þangað. Staðar-
ins er þó getið í Landnámabók.
Í kringum 1470 hófu þýskir
kaupmenn að versla á Íslandi. Þeir
voru nefndir Hansakaupmenn og
tilheyrðu Hansasambandinu sem
var stórt verslunarsamband. Því
var stýrt af þýsk-austurrískum
kaupmönnum og aðli.
Fyrsta Hansaskipið kom til
Hafnarfjarðar árið 1471. Oft sló í
brýnu á milli þýskra kaupmanna
og Englendinga sem einnig keyptu
vörur hér á landi. Þjóðverjar
urðu umsvifameiri í kaupum á
íslenska fiskinum og á sextándu
öld náðu þýskir Hansakaupmenn
yfirhöndinni yfir viðskiptunum.
Þá varð höfnin, sem bærinn er
kenndur við, ein stærsta versl-
unarhöfn landsins með blómlegri
útgerð.
Bjarni Sívertsen hóf verslun
í Hafnarfirði árið 1794 en hann
var einn þekktasti íslenski kaup-
maðurinn. Hann fékk nafnbótina
Bjarni riddari eftir að hafa hlot-
ið aðalstign hjá danska konung-
inum. Hann var brautryðjandi á
Íslandi í innlendri verslun og út-
gerð og hefur verið nefndur faðir
Hafnarfjarðar.
Hafnarfjörður var í örum vexti
mestalla nítjándu öldina sem
rekja má til þess hversu gjöful
fiskimiðin voru og hafnarskilyrð-
in góð. Fyrsti togari Íslendinga,
Coot, var gerður út frá bænum
á árunum 1905-1908. Ketilinn úr
togaranum er að finna við hring-
torgið þar sem Reykjavíkurveg-
ur, Strandgata og Vesturgata í
Hafnarfirði mætast.
Framan af heyrði Hafnarfjörð-
ur undir Álftaneshrepp en eftir
skiptingu hreppsins, árið 1878,
var bærinn hluti af nýmynduðum
Garðahreppi.
Árið 1908 fékk Hafnarfjörður
kaupstaðarréttindi en þá bjuggu
1.469 manns í bænum. Fyrsti
bæjarstjórinn var Páll Einarsson
sem síðar varð fyrsti borgarstjóri
Reykjavíkur.
Í byrjun einskorðaðist byggð
bæjarins að mestu leyti við höfn-
ina, þar sem miðbærinn er í dag,
en þó voru bújarðir í landi hans.
Það sem einkenndi landslag bæj-
arins og gerir enn er hraunið allt
í kring. Nýjasta byggð Hafnar-
fjarðar er á Vallasvæðinu en
Hvaleyrarholt, Ásland og Setberg
eru einnig tiltölulega nýbyggð
hverfi.
Lengi vel var sjávarútvegur
aðalatvinnugrein bæjarins. Nokk-
ur öflug útgerðarfyrirtæki voru í
bænum og má þar nefna Bæjarút-
gerðina og Íshúsið. Á síðari hluti
tuttugustu aldar dró þó úr útgerð-
inni og atvinnuhættirnir breytt-
ust.
Í dag er Hafnarfjörður að
mestu leyti þjónustu- og iðnað-
arbær. Stærsti atvinnurekand-
inn er Alcan sem rekur álverið í
Straumsvík. Þá er hægt að sækja
alla almenna þjónustu í bænum
en þar er heilsugæsla, spítali,
verslanir, bankar, veitingastaðir
og gististaðir. Í bænum eru einnig
fjölmargir leikskólar, grunnskól-
ar og framhaldsskólar ásamt öfl-
ugu íþrótta- og tómstundastarfi.
Í desember 2007 voru íbúar bæj-
arins 24.839 talsins og er Hafnar-
fjörður þriðja stærsta bæjarfélag
landsins.
Aðeins eitt útgerðarfélag, Stál-
skip, er eftir í bænum en engin
fiskvinnsla. Töluvert er þó af
línubátum og trillum og gegnir
höfnin enn viðamiklu hlutverki
og er stór uppskipunarhöfn. - ve
Hafnarbærinn í hrauninu
Frá gömlu hafskipabryggjunni þar sem Bæjarútgerð Hafnarfjarðar var síðar reist.
Myndin er tekin upp úr 1930. MYND/BYGGÐASAFN HAFNARFJARÐAR
Séð vestur eftir Strandgötunni, sem er aðalgöngugata bæjarins, snemma á öðrum
áratug 20. aldar. MYND/BYGGÐASAFN HAFNARFJARÐAR
Þessi mynd er tekin vestur yfir bæinn ofan af Hamri árið 1906. MYND/BYGGÐASAFN HAFNARFJARÐAR